LEWI 4:4 - ASII LAKDAP Bible (BSI)

⁴ Apaiq raq minsaü pongwe ka Tombutiip rinkea na mihe wan. Raüta ajaq maq minsaü pongwe khupo na misham. Raütiishe kiijaq Tatiwe man na mitaa.

Hawa Naga Bible 2001

⁴ Piq rueq manx kuex Tap kvlc nuex tulx wvnc vtueq, manx khux poz kvyuq vyauk kuex tvdaungc ruiux, Yehowa khaungkac kvyuq mthvt shueq.

LEWI 4:4 Referencias Cruzadas

2 KAÜWA WERAÜ 29:23

Atiisup niishe tsangshiq raq chhechhi kong ka hokham tho niishe nai mungmaiqse noqku na kitaqti thun tho niishe hithoto. Raüta tsangshiq raq tsangshiq jaq ka chhechhi kaütiim dü na shamto.

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

LEWI 16:21

Raüta apaiq raq ajaq wiinai ka jaqko naita chhechhi kaü khupo kiijaq misham. Raüta Israilnok raq abi ümchuwa klo tlaq, ngarai thun tangtlaq, kiimaq Israilnok raq kiqkhiitlaq mra thun kra mitiidii wan. Raüta kra ngarai homa ka chhechhi kaü khupo niishe mitiiho kuq. Raütiishe kra miitu maiq weshi tiihongje we riishe chhechhi kaü ka kumtsaiphii rumnyangkhi binjü kiina mijobaiqki.

LEWI 4:15

Kiimaq mung welabi raq tsangshiq jaq maq kra minpongse khupo na sham chang. Raüta kra kiijaq ta chang.

LEWI 4:29

Raüta apaiq raq ajaq ka chhechhi kaü khupo na misham. Raüta kra nyamse thun chaqtlii-honglu thun take chang berong-wacha maq shekhu nü siim kiijaq mitaa.

LEWI 8:14

Kra lot raütiishe Mosheq raq minsaü saüre pongwe kriishe lam kito. Arka ngarai-honglu na take miitu. Kiimaq Aron nai asetiim raq tsangshiq jaq ka minsaü khupo na shamto.

WEAWEA 8:12

Kiijiishe Lewinok raq tsangshiq jaq maq minsaü pongwe nai khupo na misham. Kiiwa pongshi ka ngarai-honglu na take chang kiimaq pongshiti ka chaqtlii-honglu na kechang. Arka Lewi phan khum tiisii wan miitu khuliiq.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.