LEWI 16:5 - ASII LAKDAP Bible (BSI)

⁵ Kiimaq Israilnok mungmaiqse raq Aron ma ngarai-honglu miitu chhehhi pongwe anai, kiimaq chaqtlii- honglu sku pongrese ashi kechang.

Hawa Naga Bible 2001

⁵ Israel mungx miqsaz rueq mvrax kvdawc shomc kuy muex khelkhix pung nueyc, kvmaq wvr maq jauk shomc kuy muex khelbuenx pungshiz kuex Arun kox nuex lvmc lvy rax.

LEWI 16:5 Referencias Cruzadas

2 KAÜWA WERAÜ 29:21

Kiimaq hokham tahii jamtitiim ngarai shiikhoi miitu kiimaq Juda mungti ngarai shiikhoi miitu, kiimaq Shomjam kra tiisii wan miitu tsangshiq raq honglu na take chang minsaü pongwetiim miishi, skukong miishe, sku aran setiim miishi, kiimaq chhechhi kong miishi lam wanto. Raüta hokhamwe raq ramwebi ma, Aron saüse phan kiima nyamse thun ka berong-wacha na wiipumtam maq chaqtlii honglu na takuq ronglaq ngata chongto.

EJRA 6:17

Tsangshiq raq Shomjam wa poi klo wan miitu, minsaü pongwetiim ka shishi, skukong ka shinai, kiimaq sku aransetiim ka shiblai honglu na na tato. Kiimaq hali, chhechhi ka roqshi ri anai kra tsangshiq ngarai tiidii wan miitu takuqto. Arka Israilnok maiqphan phanroq shi ri phannai sitlaq kra miitu, maiqphan phanshi miitu chhechhi ka kaüshi shi wea raüta takuqto.

LEWI 1:10

Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

LEWI 8:14

Kra lot raütiishe Mosheq raq minsaü saüre pongwe kriishe lam kito. Arka ngarai-honglu na take miitu. Kiimaq Aron nai asetiim raq tsangshiq jaq ka minsaü khupo na shamto.

LEWI 8:2

“Aron nai asetiim ka ngi asi Tombutiip rinkea na shea wanlaq. Kiimaq ramwebi rohun thun kra, ram ram chang tel kra, ngarai-honglu minsaü pongwe arese kra, sku pongse nai arese nai kra, kiimaq pi maq shohü winsii taükok thun kra lam wan laq.

LEWI 9:2

Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.

WEAWEA 29:11

Kiimahali ngarai-honglu chhechhi ashi kuqlaq, arka mungmaiqse khum tiisii wan mrochhi chhechhi kuqtlaü kriithaq na, kiimaq joli ranaiqtek chaqtlii-honglu krai wong-honglu kiimaq spiqtai-honglu kuqtlaü kriithun kriirai kuqlaq.

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.