DUNGWVNC 29:21 - ASII LAKDAP Bible (BSI)

²¹ Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.

Hawa Naga Bible 2001

²¹ Shomrawx htauk nuex httax yaq tvguiy raungluingx nuiyc ruimruimc puiz tix raungluingx kuex lvmz vtueq, Arun nuiyc piq khoz vkhvy htauk kvyuq muinz, vsaz hez nuiyc tsuinghez khoz vkhvy htauk kvyuq muinz buit shuiuz. Piq nuiyc vsaz hez tsuinghez khoz vkhvy htenc kuex ngaz muex lez kuy rvtueq.

DUNGWVNC 29:21 Referencias Cruzadas

Tvtsvmc 133:2

Arka rahea phan ramwe shongwan na, Aron khupo na ramkhamtel nyuk tlaq ikha, akhupo maq riitea anübin na sawantlo, raüta asamtong jong dangkong nilok na sawan tlaq ikha.

DUNGWVNC 29:1

Tatiwe raq Mosheq ma nguto, “Ümniiraq Aron nai asetiim ka akha kiinong kuq laüta Ngi shiikumpan miitu ramwebi ma mishong haü. Minsaü pongwe ashi alai lamhü kiimaq sku pongse arese nai anai akhum nyeajokjok ami atsi jam min ahü kra lam wan laq.

DUNGWVNC 29:20

Laütiishe kra talaq. Kiimaq kra ngam tiijai wiijam ka lamlaq. Laüta Aron nai asetiim niban nitsi nü thun kiijaq ngam tiijai maq nyat kuqlaq. Kiimaq tsangshiq jaq jaq tsi nü shilawe thun kiijaq nyat kuqlaq. Kiimaq tsangshiq hok hoktsi nü shilawe thun kiijaq nyat kuqlaq. Laütiishe kra ngam tiijai chantlaq thun kriika berong-wacha siimblai ri na raübaiqlaq.

DUNGWVNC 29:22

“Sku pongse ngam apü thun kra pong na lamlaq. Apü asi amaita kra, among wa atsan among thun wa apü thun kra, atsan ahea pinthum ba kra, akeapo wiinai kra wiipumtam maq, kiimaq awüko hoktsi nüti kra lam thülaq.

DUNGWVNC 29:7

Kra laütiishe khum na nyat chang ramkham tel kriishe akhupo na nyuklaq. Laüta apaiq ka ramtel maq nyat laüta ramwe ma shonglaq.

LEWI 14:29

Kra lot jai tel wiijam ajaq phi na tiichongtlaq kriika, apaiq raq kra maiqwe khupo niishe mijut. Kiimaq apaiq raq khum tiisii wan piitiishi jaqsham ka akha miklo wan.

LEWI 7:35

Ara ngamrea ba thun ahata Tatiwe ma phaqsea honglu akuq kiiwa lam raüta Aron nai asetiim ka ramwebi ma shongtaq ranaiq akhing na tsangshiq rii nguta athiiq wan.

LEWI 8:23

Mosheq raq kra ataa riito. Kiimaq atiijai wiijam ka lamto. Raüta ngam tiijai maq Aron nilok nitsi nüti niban kiijaq, ajaq jaqtsi shilawe kiijaq, kiimaq ahok hoktsi nü hokshi shilawe thun kiijaq nyatto.

LEWI 8:30

Mosheq raq ram ram chang tel kiiwa wiijam lamto. Kiimaq ngam tiijai berong-wacha kiiwa wiijam lamto. Raüta Aron nai asetiim dü na kiimaq tsangshiq dü na miirii samtlaq kiijaq batto. Akha klo raüta apaiq raq tsangshiq ka kiimaq tsangshiq miirii thun ka Tatiwe ma ngamrea ikha kiinong kuqto.

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Hebrews 9:22

Riita, riikhaqli maq liiwan kiijiila, Thungtri na chongtlaq krai mren, phanrap na tiijai maq nei raütiitiq tiisii tlo chhi tiikai. Kiimaq, maiqse ngarai kiimin tiijai raü hü wiiwii maq, ngarai ka siimak phan nguta chongtlo.