DUNGWVNC 29:21 - Hawa Naga Bible 2001

²¹ Shomrawx htauk nuex httax yaq tvguiy raungluingx nuiyc ruimruimc puiz tix raungluingx kuex lvmz vtueq, Arun nuiyc piq khoz vkhvy htauk kvyuq muinz, vsaz hez nuiyc tsuinghez khoz vkhvy htauk kvyuq muinz buit shuiuz. Piq nuiyc vsaz hez tsuinghez khoz vkhvy htenc kuex ngaz muex lez kuy rvtueq.

ASII LAKDAP Bible (BSI)

²¹ Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.

DUNGWVNC 29:21 Referencias Cruzadas

Tvtsvmc 133:2

Kvruex kuex Arun khux maq kaq mul nuex raz tueq piq svm-hung phauk nuex httuiuc laz, yvlx wvnc tueq ruimruimc puiz tix ikhoc yaungx yaq.

DUNGWVNC 29:1

“Ngvy yauk shuimc jix shomc waz hez muex yaungc tvkoc Arun nuiyc vsaz hez kuex vkhoc lekuq shuiuz. Vmac vtsac vguez manx roalc pung vshiz rac khelbuenx pung vnueyc kuex lvmz laq loq.

DUNGWVNC 29:20

Khelbuenx kuex thvt ruiux, vtvguiy raungluingx lvmz vtueq Arun nuiyc vsaz hez nac keq kox nac sawx kvyuq nyvt shuiuz, vkeq kox yashix kuiux kvyuq nuiyc vkeq kox yaukshix kuiux kvyuq tauk nyvt shuiuz. Kvjungx yaq tvguiy kuex shomrawx kawx bvlic htauk kvyuq buit wuinc shuiuz.

DUNGWVNC 29:22

“Khelbuenx puiz, vpuiz vhttax vmiz, vwuk wawc vpuiz vyox, vthuinz wawc vhvlx pinhtumc phux, vkvl nueyc nuex kvyop yaq puiz nuiyc vkeq kox wex kuex lvmz taq shuiuz.

DUNGWVNC 29:7

Kvruex yimaq piq khux kvyuq vpuiz tix maq shvy kuq vtueq, ruimruimx kuq shuiuz.

LEWI 14:29

Vyauk phac nuex kvjungx yaq vpuiz tix kvmaq kvruex waz khux kvyuq nyvt kuq vtueq, vkhoc maq piq rueq tvsawc nawc lvmz kuex shuimc juing rvtueq.

LEWI 7:35

Vruex kuex Arun nuiyc piq sahez muex shomc waz yauk shuimc tvkoc ngauz tvduic ruimx kuq shuex raungnuiyq Yehowa muex phuiuz vsvy shomc kuq shuex wawc tsuinghez muex vkuq mvnjuz rvtueq.

LEWI 8:23

Moshe rueq kvruex thvt ruiux tvguiy wvyvmc kuex lvmz vtueq, Arun nac keq kox nabuir nuex muinz, yauk keq kox shikuiux nuiyc yaz keq kox shikuiux kvyuq muinz nyvt kuq tueq.

LEWI 8:30

Moshe rueq ruimruimc puiz tix wvyvmc nuiyc shomrawx htauk wawc tvguiy wvyvmc kuex lvmz vtueq, Arun nac sahez htauk nuex nuiyc tsuinghez khoz vkhvy nuex buit wuinz kuq tueq. Piq rueq kvkhoc raz tueq tsuinghez nuiyc tsuinghez khoz vkhvy htenc kuex Yehowa muex lekuq tueq.

John 17:19

Tsuingshiq rueq yauk shuimc gurc pic tvkoc miqmac shauk pumz kuex mnoz muex rvkhauk laz lekuy jix muex yaungc tvkoc, ngaz kuex tsuingshiq rawc nuex ngvy shauk pumz kuex mnoz muex lekuq vphaungx.

Hebrews 10:29

Kvkhoc ngoz ruiux kuex, Tishox Saz muex yomnamc gay jix waz, miqmac shauk gvnz kuex mvrax wawc tvsawc gay yaq Tishox bomkhvrc nuex seng yaq tvguiy kuex wvlc guez htawz guez tvyaungc jix waz, kejux kuy jix Siyac muex shummarc jix waz kuex yvmx khoc wuez yaungx tvnx? Piq rvhumc juing murx kuex mtanc khvnc wuez songx tuex raz tvnx? Tvmaung lawc wuez shuinz!

Hebrews 9:22

Tvrac rulc rv-ngvlc ngoz ruiux, taungx vwawx lotlaz kuex tvguiy maq tvsawc nawc lot yaq khuec nuex, tvguiy dung ruiux yuq jix mvrax dawc lot yaq.