Biblia Todo Logo
La Biblia Online
- Anuncios -




DUNGWVNC 29:20 - Hawa Naga Bible 2001

20 Khelbuenx kuex thvt ruiux, vtvguiy raungluingx lvmz vtueq Arun nuiyc vsaz hez nac keq kox nac sawx kvyuq nyvt shuiuz, vkeq kox yashix kuiux kvyuq nuiyc vkeq kox yaukshix kuiux kvyuq tauk nyvt shuiuz. Kvjungx yaq tvguiy kuex shomrawx kawx bvlic htauk kvyuq buit wuinc shuiuz.

Ver Capítulo Copiar

ASII LAKDAP Bible (BSI)

20 Laütiishe kra talaq. Kiimaq kra ngam tiijai wiijam ka lamlaq. Laüta Aron nai asetiim niban nitsi nü thun kiijaq ngam tiijai maq nyat kuqlaq. Kiimaq tsangshiq jaq jaq tsi nü shilawe thun kiijaq nyat kuqlaq. Kiimaq tsangshiq hok hoktsi nü shilawe thun kiijaq nyat kuqlaq. Laütiishe kra ngam tiijai chantlaq thun kriika berong-wacha siimblai ri na raübaiqlaq.

Ver Capítulo Copiar




DUNGWVNC 29:20
19 Referencias Cruzadas  

“Mnoz rueq vganc khelbuenx pungshiz kuex tulx laq vtueq, Arun nuiyc vsahez yauk kuex kvruex khux htauk kvyuq tvdaungc tvkoc jungx shuiuz.


Shomrawx htauk nuex httax yaq tvguiy raungluingx nuiyc ruimruimc puiz tix raungluingx kuex lvmz vtueq, Arun nuiyc piq khoz vkhvy htauk kvyuq muinz, vsaz hez nuiyc tsuinghez khoz vkhvy htauk kvyuq muinz buit shuiuz. Piq nuiyc vsaz hez tsuinghez khoz vkhvy htenc kuex ngaz muex lez kuy rvtueq.


Yehowa rueq ngaz muex vtuiuz tay juing kuq phuex ningkhvnc nuex, ngaq rueq khawx lvlx mauk vpiq kuex koayc gay ruiux kaz wvnc mauk.


Yuq muinz majuiuc kuex miqphvnx paunghvlc piq muex lawc wangc wuez tuex, hokhvmx bix muinz vkawc yawc dvyx shex rvwvnc tuex. Tsuingshiq kuex mkaq muinz max khiz max tuiuz shauk phvnx kuex tuiuz tay wvnc shuex,” ngoz tueq.


Shomc waz rueq khelbuenx tvguiy wvyvmc kuex lvmz vtueq, tvsawc nawc juing waz nac keq kox nabuir, vkeq kox yaukshix kuiux nuiyc vkeq kox yashix kuiux kvyuq nyvt rax.


yaukkeq kox yaukshix maq vpuiz tix kvyuq thuimc vtueq, Yehowa khaungkac nuex lauk mvshix buit rax.


Piq rueq vpuiz tix wvyvmc kuex vyauk nuex htawc vtueq, nawk palx htungx maq tvsawc nawc juing waz nac keq kox nabuir, vkeq kox yaukshix kuiux, vkeq kox yashix kuiux nuex khelbuenx tvguiy htauk kvyuq nyvt rax.


Piq rueq khelbuenx pung kuex thvt ruiux tvguiy wvyvmc kuex lvmz vtueq, kvruex waz nac vkeq kox nabuir, vkeq kox yaukshix kuiux, vkeq kox yashix kuiux kvyuq nyvt kuy rax.


Piq rueq vkeq kox nabuir, vkeq kox yaukshix kuiux, vkeq kox yashix kuiux nuex tvguiy nyvt yoalx htauk kvyuq vpuiz tix wvyvmc maq nyvt kuy rax.


Piq rueq vshungx vshoyx hvlc kay jix waz kuex tvguiy kvmaq lauk mvshix buit ruiux, vsawc miq shex rvtueq lvmz tvtay jungc rax. Wushawx vtvraungx kuex ghaqsawc htungx nuex tvbaz gay rax.


Tvguiy wvyvmc maq shomrawx htauk kvyuq yaukshix maq lauk mvshix buit tvsawc nawc ruiux, piq rueq Israel miqsaz mvrax htenc kuex tvsawc kuy juing rvtueq.


Moshe rueq kvruex thvt ruiux tvguiy wvyvmc kuex lvmz vtueq, Arun nac keq kox nabuir nuex muinz, yauk keq kox shikuiux nuiyc yaz keq kox shikuiux kvyuq muinz nyvt kuq tueq.


Kvruex yimaq Arun sahez kuex gvl vtueq, tsuinghez nac keq kox nabuir htenc, yauk keq kox shikuiux htenc nuiyc yaz keq kox shikuiux htenc nuex nyvt kuq tueq. Kvjungx yaq tvguiy kuex Moshe rueq shomrawx samx bvlic htauk nuex buit wuinc tueq.


Kvkhoc rvtueq Yesu rueq nuk miqsaz phungc wawc piq dvyx vkuiyq baung nuex tvdung shvlx wvnc vtueq, kvruex waz nac nuex vpiq yaukshix maq shuiuq vtueq, htoz maq htoz ruiux piq tvlix muinz yaukshix maq htuinc tueq.


Kvkhoc rvtueq naungshiq rueq mvrax lvp vshix thuinz vmungx kuex tvsawc nawc gay ruiux, naungshiq gvnngvmx kuex vsawc yuix maq hoal vtueq yaq rax miq kvmluimx thuinz vmungx maq Tishox kox nuex kvnvp wvnc wuez ix.


Nuimshiq kuex bomkhvrc vnyalx tvhungx jix Yesu kox nuex muinz, Abel tvguiy htauk nuex muinz vhvlx pinhtumc bomkhvmc ngoz yaq buit wuinc tueq tvguiy nuex muinz httuiuc wvnc vtuinx.


Vpiq Siyac nuex vsawc miqsaz tvyaungc vtueq, Yesu Christu kvjaz tay phvnc muex nuiyc vpiq tvguiy maq tvsawc kuy tvkoc Vwaz Tishox rueq mvnnuex phuex kvmungx wvnc tueq rulc rv-ngvlc nuimshiq kuex thvl wvnc tueq. Nuimshiq rueq vpiq kox wawc kejux nuiyc nomic kuex hunghtaungx mvrc laz mhttax wvnc kueq.


Síguenos en:

Anuncios


Anuncios


¡Síguenos en WhatsApp! Síguenos