DUNGWVNC 29:20 - ASII LAKDAP Bible (BSI)

²⁰ Laütiishe kra talaq. Kiimaq kra ngam tiijai wiijam ka lamlaq. Laüta Aron nai asetiim niban nitsi nü thun kiijaq ngam tiijai maq nyat kuqlaq. Kiimaq tsangshiq jaq jaq tsi nü shilawe thun kiijaq nyat kuqlaq. Kiimaq tsangshiq hok hoktsi nü shilawe thun kiijaq nyat kuqlaq. Laütiishe kra ngam tiijai chantlaq thun kriika berong-wacha siimblai ri na raübaiqlaq.

Hawa Naga Bible 2001

²⁰ Khelbuenx kuex thvt ruiux, vtvguiy raungluingx lvmz vtueq Arun nuiyc vsaz hez nac keq kox nac sawx kvyuq nyvt shuiuz, vkeq kox yashix kuiux kvyuq nuiyc vkeq kox yaukshix kuiux kvyuq tauk nyvt shuiuz. Kvjungx yaq tvguiy kuex shomrawx kawx bvlic htauk kvyuq buit wuinc shuiuz.

DUNGWVNC 29:20 Referencias Cruzadas

DUNGWVNC 29:19

“Kiimaq sku pongse ashiti kriishe lamlaq. Arti arka khum kiinongke honglu miitu. Kiimaq Aron nai asetiim ma tsangshiq jaq maq skupongse khu na sham ronglaq nguta chonglaq.

DUNGWVNC 29:21

Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.

ISAIA 50:5

Tatiwe raq ngi ma taksu tsii kuqto, krai mren ngi raq apaiq kiq khiimang, riimakla awokhong wa ahin na juho mang.

ISAIA 52:15

Shatmaq ümchaü ka maiq mung paheati raq apaiq ma pinthum awang mirwan, kiimaq hokhambi thun ka apaiq sham ka chhiraüta tsang nübok maq abom min dongmak she miraq. Tsangshiq raq michhi raüta misap wan, tsangshiq raq man na chhitai mak phan kriishe misap wan,”

LEWI 14:14

Raüta ramwe raq kra sku tiijai wiijam ka milam, raüta kriiwe nitsi nü nilok na, kriiwe jaq jaqtsi nü jaqtham na, kiimaq kriiwe hok hoktsi nü shilawe kiijaq, apaiq ka asiishe, apii chang ahü she nguta toqtan kechang we khum na minyat.

LEWI 14:16

Raüta ajaq jaqtsi nü jaqshi ashi ka kra tai kiijaq mitsam. Raüta kra ngam tiijai ka Tatiwe asi ba kiijaq jang miishi mibat.

LEWI 14:17

Raüta apaiq raq ajaq phi na tel kiiwa wiijam ka milam kiimaq sku tiijai kiiwa wiijam milam. Raüta maiqwe akhum asii she nguta toqtan chang we nilok nitsi nü kiijaq kiimaq jaqtsi nü shilawe kiijaq, kiimaq ahok hoktsi nü shilawe kiijaq minyat kuq.

LEWI 14:25

Raüta apaiq raq sku pongse kra mitaa. Raüta ngam tiijai wiijam ka milam. Raüta kra maiqwe nilok nitsi nü kiijaq minyat. Kiimaq ajaq jaq tsi nü jaqshi shilawe kiijaq kiimaq ahok hoktsi nü shilawe kiijaq minyat.

LEWI 14:28

Raüta apaiq raq olip tai wiijam ka ngam tiijai battaq ba thun kiijaq hali mibat nong: maiqwe nitsi nü nilok kiijaq, ajaq jaqtsi nü shilawe kiijaq, kiimaq ahok hoktsi nü shilawe kiijaq minyat.

LEWI 14:7

Apaiq raq wushi tiijai ka kra maiqwe akhum ka thabitsi aheaki wa apii tiishi ke chang we dü na jang miishi mibat. Kra raütiishe ramwe raq apaiq ka asii she nguta bom ka mitoqtan. Raüta apaiq raq wushi kaüshiti ka hiqsii thung ram kiiniishe lamho raüta atiibi mirbaiqki.

LEWI 16:19

Apaiq raq ajaqshi maq, ngam tiijai wiijam ka berong-wacha na jang miishi bat ratlo. Apaiq raq akha klo raüta berong-wacha ka Israilnok ngarai wa tiisii hebaiq ratlo. Raüta kriika asii miishe tiijatlo.

LEWI 8:23

Mosheq raq kra ataa riito. Kiimaq atiijai wiijam ka lamto. Raüta ngam tiijai maq Aron nilok nitsi nüti niban kiijaq, ajaq jaqtsi shilawe kiijaq, kiimaq ahok hoktsi nü hokshi shilawe thun kiijaq nyatto.

LEWI 8:24

Raütiishe apaiq raq Aron setiim kriishe khaki nü na shea wanto. Raüta ngam tiijai maq tsangshiq nilok nitsi nü kiijaq, tsangshiq jaqtsi nü shilawe kaütiim kiijaq, kiimaq tsangshiq hok hoktsi nü shilawe thun kiijaq ngam tiijai maq nyatto. Kra lot raütiishe Mosheq raq ngam tiijai abung tiichongtlaq thun ka berong-wacha siimblai wiita na raübaiqto.

Mark 7:33

Kiijiishe, Jesuq raq apaiq ka nokmaiqse phong wa, pongba na apaiq honhonse sheahoto. Raüta, ajaqshi maq, anibok na shamto. Kiimaq atho maq atili na nyat kuqto.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

Hebrews 12:24

Namshiq ka, Jesuq phana she saü wan lan. Apaiq raq tongshong anye shongkuqto. Kiimaq Abel tiijai nam ma araa, apaiq tiijai maq nei kuqto. Raüta ümchaü sanha, araa phan mikuq ha nguta kiqkham kuqtaq kriiwe phana niishe saü wan lan!

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.