DUNGWVNC 29:22 - Hawa Naga Bible 2001

²² “Khelbuenx puiz, vpuiz vhttax vmiz, vwuk wawc vpuiz vyox, vthuinz wawc vhvlx pinhtumc phux, vkvl nueyc nuex kvyop yaq puiz nuiyc vkeq kox wex kuex lvmz taq shuiuz.

ASII LAKDAP Bible (BSI)

²² “Sku pongse ngam apü thun kra pong na lamlaq. Apü asi amaita kra, among wa atsan among thun wa apü thun kra, atsan ahea pinthum ba kra, akeapo wiinai kra wiipumtam maq, kiimaq awüko hoktsi nüti kra lam thülaq.

DUNGWVNC 29:22 Referencias Cruzadas

DUNGWVNC 29:13

Kvruex yimaq vwuk mungx wawc vpuiz htenc, vthuinz wawc vyox, vkvl poz nueyc rulc nongx vpuiz kuex shomrawx htauk nuex wvr maq jauk vtueq ngaz muex shomc kuq koq.

DUNGWVNC 29:21

Shomrawx htauk nuex httax yaq tvguiy raungluingx nuiyc ruimruimc puiz tix raungluingx kuex lvmz vtueq, Arun nuiyc piq khoz vkhvy htauk kvyuq muinz, vsaz hez nuiyc tsuinghez khoz vkhvy htauk kvyuq muinz buit shuiuz. Piq nuiyc vsaz hez tsuinghez khoz vkhvy htenc kuex ngaz muex lez kuy rvtueq.

DUNGWVNC 29:23

Ngaz muex vshomc kuq wanx boarx kvwawc wisiz lomx muq wanx poshiz, olip puiz maq vtvhungx wanx poshiz nuiyc wanx khonshiz kuex lvmz shuiuz.

LEWI 10:14

Yuq muinz mnoz nuiyc msahez miqwaz yalxjuik rueq vkhuiuq ngvmx nuiyc vwex ngvmx kuex vsawc baung maq phuiuz svy rax. Kvruex kuex Israel miqsaz rueq shomc kuq yaq lux rvyaungc shomc kuy juing wawc mnoz nuiyc msahez tvkoc yauk noalc mvnjuz rvtueq.

LEWI 14:12

Shomc waz rueq khelbuenx pung vshiz nuiyc olip puiz hakhvnx rulc vdvmz maq mvrax tvsawc shomc kuy rax. Kvruex htenc kuex shomc waz tvkoc Yehowa muex yauk noalc htep kuy rvtueq.

LEWI 3:9

kvmaq ngvmx phuinz vphux maq Yehowa muex phuiuz svy shomc kuy juing kuex: vpuiz, vpuiz waq vmiz bungc, vpuiz kvyop yaq vwuk wawc vyox lotlaz,

LEWI 7:3

Kvruex wawc vpuiz lotlaz maq shomrawx kvyuq shomc kuy rax: vpuiz waq vmiz bungc, vpuk vyiz nuex kop yaq vyox,

LEWI 7:37

Kvruex htenc kuex wvr maq jauk shomc kuy, vruiy vwungx shomc kuy, mvrax kvdawc shomc kuy, mvrax tvsawc shomc kuy, ngauz tvduic ruimruimc shomc kuy, lux rvyaungc shomc kuy htenc nuex seng vtueq vjungx shec rvtueq.

LEWI 9:19

Arun rueq manx nuiyc khelbuenx puiz htenc kuex nyvmx saz htenc khuiuq htauk nuex,

LEWI 9:21

Moshe muex nvr tueq rulc rv-ngvlc vkhuiuq nuiyc vkeq kox wex htenc kuex shomc waz bix tvkoc ngoz tueq Yehowa muex yauk noalc htep tvhungx kuq tueq.

WEAWEA 18:18

Vkhuiuq nuiyc vkeq kox huk kuex nuimshiq muex seng yaq rulc rv-ngvlc vngvmx muinz nuimshiq muex seng yaq, kvruex kuex htep shomc kuy rvtueq.

1 SAMUEL 9:24

Kvkhoc rvtueq vshungc vlumc jix waz rueq muinz vhvlx pinhtumc vwex ngvmx kuex lvmz wvnc vtueq, Sholu khaungkac nuex tvwoalc taq tueq. Samuel rueq, “Vruex kuex mnoz tvkoc pungx tvy vtaq ngvmx rvtueq. Majuiuc baunglaung ngaz rueq vgvl shec miq htenc rulc vdvmz nuex phuiuz tvkoc ngoz tueq mtvkoc vhtak taq rvtueq, kvruex phauk shuiuz,” ngoz tueq jungx tueq. Kvkhoc rvtueq Sholu kuex kvruex raungnuiyq Samuel rulc vdvmz nuex phauk saq naungx tueq.