LEWI 16:3 - ASII LAKDAP Bible (BSI)

³ Apaiq ka apaiq raq minsaü pongwe ashi ka ngarai-honglu miitu kiimaq skure pongse ashi ka chaqtlii-honglu miitu kra lam wan jaitiq, Asii Pinthum Khok na nyapwa mimai.”

Hawa Naga Bible 2001

³ Piq rueq mvrax kvdawc shomc kuy muex manx pungshiz, wvr maq jauk shomc kuy muex khelbuenx pungshiz kuex laq vtueq, Vsawc Pinhtumc Baung nuex nyuip rax,” ngoz tueq jungx tueq.

LEWI 16:3 Referencias Cruzadas

LEWI 1:10

Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

LEWI 1:3

Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.

LEWI 16:6

Raüta apaiq raq minsaü pongwe atha lamhü ashi kra apaiq maiqmii ngarai nai ajamtitiim ngarai tiisii miitu hong lu na mitaa.

LEWI 4:1

Tatiwe raq Mosheq ma aming kuqto,

LEWI 4:3

Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.

LEWI 8:14

Kra lot raütiishe Mosheq raq minsaü saüre pongwe kriishe lam kito. Arka ngarai-honglu na take miitu. Kiimaq Aron nai asetiim raq tsangshiq jaq ka minsaü khupo na shamto.

LEWI 8:18

Kra raütiishe, Mosheq raq sku pongse ka chaqtlii-honglu kra lamto. Raüta Aron nai asetiim raq tsangshiq jaq maq akhupo na shamto.

LEWI 9:2

Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.

LEWI 9:3

Kra laütiishe Israilnok ma chonglaq, tsangshiq raq chhechhi pongwe ashi ka ngarai-honglu miitu, kiimaq wiishi minsaüse shi kiimaq wiishi skuse ashi kra wiinai ka akhum nyeajokjok jamlai ami atsi ahü kriika chaqtlii-honglu miitu lam wan chang.

Hebrews 9:12

Khristo ka ara chongtiikai jolitiip mong na pattup pat-sa siwan tlii miitu she honglu kewa nguta nyapwato. Raüta apaiq ka Asii Thaq Na Asii Khok mong niishe nyap wato. Kra nyap wantaq akhing honglu kewan chang chhechhi tiijai nai minsaü pongsetiim tiijai ka sham wan mak dea. Nyamse tiijai rii na, apaiq maiqmii tiijai kra sham raüta, ramungtan jolitiip mong kiijaq nyap wanto. Raütiishe, apaiq raq nashiq ka, kharü mong wa klang maq lakshi wa niili panthit, pattup pat-sa miitu dokdaa kuqto. Raüta, pattup thumki mak phan rilung tsitsü she kuqto.

Hebrews 9:7

Shatmaq, kra tapmong khokti niika, Ajong Pinthum Ramwe kli wa tlo. Kriimin, wiishi na jangshi lamlamse li wa tlo. Kra tapmong na watlaq akhing niika, apaiq maiqmii ngarai tiikhoi miitu nai nokwe raq sap mak lam maq ngarai tangtlaq thun kra tiikhoi miitu, Shiikeawe ma honglu na ataakuq ngam tiijai kra, ajaq na sham shat miishetiq watlo.