LEWI 16:2 - ASII LAKDAP Bible (BSI)

² Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.

Hawa Naga Bible 2001

² Vpiq rueq, “Mphuz Arun kuex vtuk vruez shec Vsawc Pinhtumc Baung nuex nyuip vkhing baunglaung dvyx nyuip juing rvtueq jungx kuq shuiuz, yvmx khoc lac ngoz ruiux lec Bomkhvrc Jep guip htauk kvyuq phuemx nuex ngaz kvkhic kaz taungx. Mkhoc shoc maq piq rueq phvnx muq ngoz ruiux vthvy gay rvhumc tuex.

LEWI 16:2 Referencias Cruzadas

1 HOKHVMX 6:16

Shomjam jamcha nü khok kiiniika tap mong nyang na Asii Thaq Na Asii Khok kra haito. Kra khok ka alu nü na mitar tiikaü riito. Kiimaq khok ka maisak pe pen kilüpen ikha ahai kriimaq wiithung maq riita ra na chüjung kiijaq saüli khok kra tuk rai baiqto.

1 HOKHVMX 8:6

Kra raütiishe ramwebi raq Tongshong Tek kaü kra Shomjam mong niishe piwanto. Raüta Asii Thaq Niimin Asii Khok mong niishe cherubim kaünai takiq kiijiishe thüto.

DUNGWVNC 30:10

Wiishi na jangshi Aron raq berong-wacha ara tiisii wan miitu ngarai miitu honglu na ataakuq ngam tiijai ka arongblai kiijaq nyatlili riichang. Arka rawiitek pattup pat-sa miitu klo wanruq riichang. Ara berong-wacha arka pinthum asii, Ngi, Tatiwe ma akiinong kuq.”

LEWI 16:13

Raüta apaiq raq kiijaq Tatiwe man na homseng honglu kra wa na michaq. Kiimaq kra homseng honglu wakhuk kriiraq Tongshong Tek pang chang kra wiita mipang baiq wan. Krai mren apaiq raq kra chhimak miraq kiimaq apaiq ka tsai mak miraq.

LEWI 16:34

Riita ara thungtri thun arka pattup lang wan ruqli riichang. Ara khuliiq tsaichhin jaqsham arka wiishi na lakshi klo wan lili riichang. Arka Israilnok mungmaiqse ka tsangshiq ngarai thun kiiwa tiisii wan miitu jaqsham. Riita Tatiwe raq jamkho aming kuqtaq kra phan phan Mosheq raq arthun jaqsham ka klo wanto.

LEWI 8:35

Namshiq ka Tombutiip na wachang kilamchong na ranaiq rawa ramiishi na saüli siraatlo. Lanta Tatiwe raq jamlai jaqsham aming wa kuqtaq kra sham chang. Namshiq raq kra klo man riihan la namshiq ka atsai mirhan. Tatiwe raq ngi ma akha klo ronglaq nguta aming kuqto.”

WEAWEA 17:10

Kiijiishe Tatiwe raq Mosheq ma nguto, “Aron nyeakii ka Tongshong Tek kaü khaki na thüwa nongkiq. Arka Israilnok phongwa Ngi ngengtibi thun miitu tsangshiq raq bot nyantlaq kra tsaq mak lila siraüla, tsangshiq ka atsai miraq nguta hon chong bomtsi khake ma misilaq.”

WEAWEA 18:7

Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

WEAWEA 4:19

arthun asii pinthum hupsam phong tho na naq tiiwa rongkiq. Waraüla tsangshiq ka atsea mirbaiq. Akha tsangshiq ka tsai mak chang miitu, Aron nai asetiim ka ki raüta tsangshiq maiq loweatek ma apaiq raq jamlai phan hupsam piwan chang wa kra khaq khaq pumtek ma jaqsham kra chongke wan ratlo.

WEAWEA 4:5

Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.

Matthew 27:51

Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

Hebrews 6:19

Nashiq rilung lai shiikhing wa chang, jinkhaiq kong bu ikha sitlaq kriika ara. Ara jinkhaiq kong bu arjaq riiwiiqtibi ka, ahai song chang jam min ahü. Kriiti ka jamlai rahai riimin chhi mak. Nashiq tsan ran chang jinkong bu ka Jesuq. Apaiq ka ramungtan na sitlaq shomjam mong kiijaq, asii thaq niimin asii pinthum siqlaitap sitlaq kra mong niishe wawanto.

Hebrews 9:25

Jehudinok phan wa Ajong Pinthum Ramwe ka, honglu kewa rawii shi na jangshi, nyamse tiijai ka sham raüta, Asii Thaq Na Asii khok mong na nyap wa tlo. Shatmaq, Khristo riika, apaiq khum ka honglu na kewa miitu, jang pahea ka nyapwa mak dea.

Hebrews 9:3

Kra jai wa among na hali khok ashi asi. Kra khok ka kheathum ajong wiq maq chansaq raüta arai tuk thü. Kra tapmong khok kriika, Asii Thaq Niimin Asii khok nguta ngutlo.

Hebrews 9:5

Kra Tek thaq niishe ka wrakong phan, achhai anyii khushü ngao cherubim sumla kaü nai asi. Kra sumla kaünai sitlaq kriika, Shiikeawe ka kiijaq asi dea nguta hakhi tiichhike miitu sitlo. Sumla kaünai rakong maq tiinyam pang tlaq ba tek kriika, Shiikeawe raq maiqse ngarai diike chang mangchan ngacho nguta ngutlo. Shatmaq ümchaü nashiq raq arthun ara wiita tiitho tiipha chongke akhing ka riimak she.

Revelation 15:8

Kra shomjam ka Shiikeawe khushü nai Shiikeawe ningkun wakhuk raq mong raüta, wiita nyamto. Krai mren, rasetiim miishi raq thawa phan miishi ka, mangjong hiq na raübaiq ka mithum shaq wiiwii, shomjam mong na jumin nyap wa lot mak she riito.