JOSHUA 9:7 - ASII LAKDAP Bible (BSI) Shatmaq Israilnok raq, “Naishiq raq namshiq rai wehea riija tong ka shongmai. Jursap namshiq ka arbinjü na aje na siti wa riila?” nguta chongto. Hawa Naga Bible 2001 Yuq muinz Israel miqsaz rueq, “Nuimhez nuiyc nuiyshiq kuex yvmx ningkhvnc nuex lac bomkhvmc rvtvy tix? Nuimhez kuex vnyek vyuq httaz jix rvtuit shvmx,” ngoz kuq tueq. |
Kiimaq Hiwaiq phan Hamor se Shekhem, kra wang na welawe raq Dina ka chhito. Kiimaq apaiq raq Dina ka sheahoto. Raüta haihiito.
Kriimiishe tsangshiq ka peruk weshaüje Tajar chela maq shemai nü mung na kihoto. Raüta kriimiishe tsangshiq ka Hiwaiqnok chela thun nai Kanannok chela thun kiiniishe kihoto. Kiimaq atiisup niishe ka Juda mung na shemai nü na Beersheba chela kiiniishe kihoto.
Shatmaq ümniiraq apaiq bom tai haüla, laüta Ngi raq aming kuqkang thun kra phan phan klo haüla, Ngi raq ümjaqtinok thun ka wiita mikhat kuqha.
Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.
Namshiq raq jiiwantlan maiq mung thunti rai wehea riija tong naqshong rongkiq. Akhla riihan jiila, namshiq khlaq wan chang hiqbi thiikho bok ma mijaki.
namshiq raq kra mungti maiq thun ka wiita jobaiq ratlo. Tsangshiq long shong thun kiimaq jin maq aklo sumla phra thun kiimaq tsangshiq noqku chang ba thun kra kun kun tiithen baiq ratlo.
“Shatmaq ümtiikiiwa namshiq raq chela thun ka Tatiwe nam Shiikeawe raq kuqtlaq kra mung wa khat lanta jiiwan tlan, maiq thun ka wiita miqchup jiipbaiq ronglaq.
Israilnok rai wehea riija wanti ka Gibeon chelati lamlamli. Kra chela na sitinok ka Hiwaiqnok. Kriiwa chan tlaq chela ahinti thun ka Israilnok raq khat raüta siisaq jiiwanto.
Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.
Krai mren, namshiq raq armung na sitinok rai tongshong wan maimak. Namshiq raq tsangshiq berong-wacha thun ka wiita shiithen baiq wan ratlo.’ Shatmaq ngi raq namshiq ma jamlai bom wa chongkang kra namshiq raq klowan man dea riilan. Namshiq raq jaqsham ka angan nü na khoti sham wan lan!
Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.