PHOWEBI 3:3 - ASII LAKDAP Bible (BSI)

³ Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.

Hawa Naga Bible 2001

³ Kvruex mungx nuex kvjungx yaq htenc kuex Philipi ghaqyungx bv-ngac wawc nuiyc Kanaan miqsaz lotlaz, Sidon miqsaz nuiyc Bala Hermon Kanx maq Hamat kanx hvlwvl lvmx nuex httuiuc laz httax yaq Lebanon Kanx nuex httaz jix Hiwi miqsaz htenc rvtueq.

PHOWEBI 3:3 Referencias Cruzadas

RAPHA HIQWA LAK 49:13

“Jebulun ka khamjong chumkii na misi. Apaiq kham jong chumkii ka sangpho lai phong khing chang miraq. Apaiq mungtan hiq rai ka Sidon hiqshong kiina saüli miraq.

2 SAMUEL 24:7

Kriimiishe tsangshiq ka peruk weshaüje Tajar chela maq shemai nü mung na kihoto. Raüta kriimiishe tsangshiq ka Hiwaiqnok chela thun nai Kanannok chela thun kiiniishe kihoto. Kiimaq atiisup niishe ka Juda mung na shemai nü na Beersheba chela kiiniishe kihoto.

1 HOKHVMX 8:65

Kra Shomjam kiijaq, Solomon nai Israilnok mungmaiqse raq Lamjaptiip Poi kra ramiishi na saüli lang wanto. Kiijaq lom wan damti mungmaiqse phong ka pahea langlang riito. Tsangshiq ka maiqhiq luhea shekhu nü na Hamath pumchit na siti maq phaho raüta, shemai nü mung na Ejip mung hiq trai binjü na siti thun awarai riito.

1 HOKHVMX 9:20

Solomon raq apaiq jaqsham ningkun maq dikong thüwantaq kriika, Kanan mung na siti man na Israilnok raq Kanan mung khat raüta jiiwantaq akhing na jiipbaiq wan mak dea tiichong baiqtaq kra saü ase phan riito. Tsangshiq ka arnok thun ara riito: Amoraiqnok, Hitaiqnok, Perijaiqnok, Hiwaiqnok, kiimaq Jebusaiqnok phan saüse thun kra riito. Tsangshiq saüse phan ka ümchaü niitaq saüli diphan ma jaraüta sitlo.

EJEKIEL 47:20

“Shenyap nü wang hiq rai ka Mediterenian Khamjong chum kii wang kra phan phan wawan raüta shekhu nü na Hamath pumchit maq shekhu nü binjü kiina saüli miraq.

WEAWEA 13:29

Kiimaq Amalakaiqnok ka Kanan mung shemai nü wang na shongtlo. Kiimaq Hitaiqnok, Jebusaiqnok, kiimaq Amoraiqnok thun ka ku akin tonglong wang kiina shongtlo. Kiimaq Kanannok ka Mediterenian khamjong kii wang na nai Jordan rai khü phan phan na shongtlo.”

WEAWEA 34:8

Kriimaq wawan raüta Hamath Pumchit kiiniishe miwa wan. Raüta kriimiimin wawan ruq wawan raüta, Jedad hiq kiiniishe miwa wan.

TRI CHONGKE 1:7

Namshiq piitiip thun kra run rong laq. Lanta laü wan rong liishe. Lanta Amoraiqnok mung ku akin tonglong mung kiina kiimaq kra tro binjü wang thun kiina— Jordan Rai Thungtan na, ku akin tonglong wang kiina kiimaq hiqthungtan thun wang kiina, shemai nü wang thun kiina, kiimaq Mediterenian khamjong kii wang thun kiina laü wan ronglaq. Lanta Kanan mung kiina, kiimaq Lebanon mung pum thun kra tlea lanta kiimaq riita luhea hiq tiisup wang na Euphretis Rai kiina saüli laü wan ronglaq.

TRI CHONGKE 3:9

(Harmon Pum ka Sidon mungti raq Sirion nguta ngutlo. Kiimaq Ammoraiqnok riika Senir nguta ngutlo.)

JOSHUA 11:19

Israilnok rai wehea riija wanti ka Gibeon chelati lamlamli. Kra chela na sitinok ka Hiwaiqnok. Kriiwa chan tlaq chela ahinti thun ka Israilnok raq khat raüta siisaq jiiwanto.

JOSHUA 11:3

Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.

JOSHUA 13:3

kiimaq riita shemai nü na Awim wang kra. (Ejip mung hiq rai na Shihor jürai maq pha raüta, shekhu nü wang na Ekron chela na saüli ka Kanannok hiq nguta ngutlo; Philistainnok hokhambi ka, Gaja, Ashdod, Ashkelon, Gath, kiimaq Ekron chela thun na sitlo.)

JOSHUA 13:5

kiimaq riita, Gebalnok hiq wang kra; kiimaq riita, shedong nü mung wa, Lebanon mung tlotli wa, Harmon Pum wang wa Baalgad chela kra hamli maq riita, Hamath Pumchit na saüli.

JOSHUA 19:28

Raüta Ebron, Rehob, Hammon, kiimaq Kana kriithun tiiham wan raüta, shekhu nü pinthum tiisup na Sidon chela kriijaq tiisupto.

JOSHUA 9:7

Shatmaq Israilnok raq, “Naishiq raq namshiq rai wehea riija tong ka shongmai. Jursap namshiq ka arbinjü na aje na siti wa riila?” nguta chongto.

PHOWEBI 10:12

Sidonnok raq, Amalakaiqnok raq, kiimaq Maonaiqnok raq, namshiq ka man na jamsha raüta tiichamchao wanto. Kiimaq namshiq ka I man na hoqsii trang wan lan. Riita ngi raq namshiq ka tsangshiq jaqkhon mong wa tiikhup wongkuq wan mang shea riikang?

PHOWEBI 10:7

Kra ningkhan Tatiwe ka Israilnok ma atsankhiq riito. Kra kha niishe tsangshiq ka Philistainnok nai Ammonnok ma tlong raüta tiitangto.

PHOWEBI 14:4

Anyungwe riika, Tatiwe raq Samson shunshea kha na kra chongtlo ngutiika sapmak shaq li riito. Jamkhano ngukla Tatiwe raq Philistainnok ka khat ma ami rittlo. Kiitinchoji Philistainnok raq Israilnok mung ka langtlo.

PHOWEBI 18:7

Raüta maiq webiingi ka kiimaq wawanto. Raüta Laish chela na saüto. Tsangshiq raq kiijaq sitinok ka Sidon chelati ikha ahai asong jammin ahü, sitlaq kra chhito. Tsangshiq ka mungtsing, kaiqshakshak hea, siqke binreti rai tatso ahü; arong awinnok riito. Kiimaq tsangshiq ka Sidon mungti miimin aluwiq na bintang na sitlo. Kiimaq maiq mung ahinti rai mang riisap min ahü sitlo.

PHOWEBI 3:2

Apaiq raq ara klotaq arka, akhek pinthum ka Israilnok maiq pat tek anye dong wan tlaq, chiq are khat sapmakti kriima rekhat shrinke wan miitu tiichong baiqto.

PHOWEBI 4:2

Kriikha na Tatiwe raq Israilnok ka Kanannok hokhamwe Hajor chela pengti Jabin ma tiikhat raüta tiitangto. Apaiq phentiip pengti phentuwe mang ka Sisera. Apaiq ka pongnok phan hiqshong Harosheth chela na siti riito.

1 SAMUEL 13:5

Kiimaq Philistainnok kiimin Israilnok rai riikhat ma rechap thungto. Tsangshiq jaq niika rekhat chang kumrang leng hingroqtsam, kumrang thaq na chaoti phenlabi ka hingtrok, kiimaq kriithaq na rekhatkaiti rewe ka kumtsaiphii na kumtsai riiphong tlaq ikha awealot mai khunyaq khukhi riito. Tsangshiq ka Bethawen chela maq shedong nünü na Mikmash kinchit na thungto. Raüta tsangshiq piitiip ka teito.

1 SAMUEL 29:2

Kiimaq Philistainnok hokham webiingi riika, maiqmii sengi phenlabi thun ka ashi ashi maq nai ahing ahing maq kongshi shi tiihong raüta rekhatkai wawanto. Kiimaq Dawit nai asengibi ka Hokhamwe Achish rai apaiq jai na wawan damto.

1 SAMUEL 6:16

Philistainnok hokhambi webiingi raq kriithun jaqsham ka liisiqto raüta tsangshiq ka kra ranaiqli Ekron chela na janghoto.

1 SAMUEL 6:18

Kiimaq tsangshiq raq chaq maq alo jukpu sumla kiimin achhuq chhuq, chela thun longmaq rukje thun kiimaq hiqshong thun long maq rukhü thun kra pengti Philistainnok hokhambi webiingi miitu tiiho wanto. Beth Shemesh hiqti Joshua wakram na longkaü jonghea thaq na Tatiwe Tongshong Tek thütaq kriika, kra lea wantiiwa jaqsham kra saqse ümchaü niitaq asi.

1 SAMUEL 6:4

“Apaiq ma jamlai kongphiq wa mitiiho wan rong i?” nguta nokwe raq waito. Tsangshiq raq treto, “Tsamtsi tha sumla chaq ngam maq biingi lo rong laq. Kiimaq chaq ngam maq juk sumla biingi, kriika Philistainnok hokhambi webiingi kra miitu achhuqchhuq riichang. Namshiq wiitarü khuthaq na nai hokhambi webiingi khuthaq na thabi tiiwataq kriika kra phanshi tha kli tiisaüto.