JOSHUA 7:2 - ASII LAKDAP Bible (BSI) Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato. Hawa Naga Bible 2001 Yoshua rueq Bethel ghaq maq shaldungc kox Bethawen ghaq hep wawc Ai ghaqyungx nuex miq wvyvmc tvkaz vtueq ghaq vraungx kuex helc kay nvr tueq. Kvkaq tsuinghez rueq helc roalc kaz lot vtueq, |
Kra jai maq, apaiq ka shemai nü wang na ku akin tonglong binjü na Bethel chela maq shedong nü nü binjü niishe kihoto. Raüta Bethel chela ka shenyap nü na kiimaq Ai chela ka shedong nü na kra chela wiinai heawea liipan kiijaq apaiq piitiip ka teito. Kiijiimin apaiq raq berong-wacha ka ashi hali hai nongto. Raüta Tatiwe ka shomnoqto.
Raüta apaiq raq kra hiq ba ka Bethel nguta mangto. (Kiijaq sitlaq chela ka man na Luj nguta ngutlo.)
Krai mren apaiq raq chaq sumla minsaü pongse wiinai kiiwa ashi ka Bethel chela na thüto. Kiimaq sumla ashi ka Dan chela na thüto.
Kiimahali, Benjamin phan wa mungmaiqse thun ka, Geba chela na, Mikhmash chela na, Ai chela na, Bethel chela na, kiimaq arthun chela tro, hiqshong thun sitlaq kiijaq shong wanto.
Tatak tsii riichong raüta jaqsham raüla, phanrap milot. Tsii ka riichonghü maq, rekhat kai kimai.
Jamkhano ngukla rekhat kai miika, tsii kongkhu riichong chang, raüta rechap ka siiho chang. Tsii samhea riichong raüla, rekhat ka mitang.
Rewe phenlabi raq Ai chela ka khat raüta jiiwanto! Tsangshiq ka Maigron hiq lam maq leawanto! Tsangshiq raq tsangshiq hupsam thun ka Mikmash chela na phong thüto!
Heshbon chelati lei, hoq trang ronglaq! Ai chela ka tiithen baiqto she! Rabba chelati jechakre lei, maaho manyi hoqsii trang rong laq. Wunthaü riinaü khea thum sam lanta hoq trang rong laq! Lanta tuktuk mukmuk sunghü tsiihü jutrang rong laq. Namshiq phra kaü Molekh ka re raq munglu shumwi miishe milap wan. Kiimaq apaiq rai ramwebi kiimaq aki miikiim sere thun kiimin munglu shumwi ma mitsuq wan.
“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.
“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.
Ara chongtiikai arai mren, ümchaü sanha, namshiq ka honkam shat maq si ronglaq. Angok angi kong ikha naqsi wan rongkiq she. Setsang setsii ma ja lantiishe si ronglaq.
Israilnok raq chela thun khat raüta tangtaq ka arthun riito: Jeriko, Ai (Arka Bethel chela tho na),
Tsangshiqnok rii shekhu nünü trai Jordan rai khü maq rai pha wanto. Raüta Jeriko chela maq shekhu nünü kiina kinjam jam binjü kriimaq raiwanto. Raüta shenyap nünü wang kiiniishe ku akin hiq binjü wang binjü miishe raiwanto. Raüta, Bethawen chela tho na kumtsaiphii wang binjü kiiniishe rai wanto.
Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.
Raüta tsütsa ka Joshua ma akha chonghoto, “Ai chela khatwa ka wiitarü warai ngomin raamak. Sreabi hingnai riimak la hingtsam tin khanli tiiwa laq. Kra khatwa ka phenlabi tlotli ka naq tiiwakiq. Kra chela ka ajongwiq riimak.”
Kiimaq Philistainnok kiimin Israilnok rai riikhat ma rechap thungto. Tsangshiq jaq niika rekhat chang kumrang leng hingroqtsam, kumrang thaq na chaoti phenlabi ka hingtrok, kiimaq kriithaq na rekhatkaiti rewe ka kumtsaiphii na kumtsai riiphong tlaq ikha awealot mai khunyaq khukhi riito. Tsangshiq ka Bethawen chela maq shedong nünü na Mikmash kinchit na thungto. Raüta tsangshiq piitiip ka teito.
Raüta Bethawen chela binjü kra tleaphok khat wanto. Tatiwe raq Israilnok ka kra ranaiq rewe jaq wa tiikhup wongkuqto.
Raüta apaiq raq Bethel chelati ma, Juda wang na shemai nü na Rama chela na siti ma, kiimaq Jattir chelati ma,