JOSHUA 18:12 - ASII LAKDAP Bible (BSI)

¹² Tsangshiqnok rii shekhu nünü trai Jordan rai khü maq rai pha wanto. Raüta Jeriko chela maq shekhu nünü kiina kinjam jam binjü kriimaq raiwanto. Raüta shenyap nünü wang kiiniishe ku akin hiq binjü wang binjü miishe raiwanto. Raüta, Bethawen chela tho na kumtsaiphii wang binjü kiiniishe rai wanto.

Hawa Naga Bible 2001

¹² Ghaqkhux kox tsuingshiq ghaqruiy kuex Yodan ruilx maq phaungc vtueq, Yerikho htauk kox maq yanz wvnc vtueq shalx nyuip kox kuz hong maq raz tueq Bethawen yaruix tvnx nuex httuiuc laz rvtueq.

JOSHUA 18:12 Referencias Cruzadas

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

JOSHUA 16:1

Joseph saüsetiim phan rii achumkuq hiqtrai ka, hiqmai nü na Jordan rai maq pha wan raüta, Jeriko tho maq, jüraisetiim kriimaq phanshi shedong nünü tiithi maq rai wanto, raüta kumtsaiphii binjü kiina rai wanto. Kiimaq Jeriko maq riita ku akin wang kiina wawan raüta Bethel chela na rai wanto.

JOSHUA 18:11

Benjamin phan maiqta thun rii hiqshong ka apha shaq shaq chumkuqto. Tsangshiqnok phan rii hiqshong achumkuq kriika Juda phan rii hiqshong nai Joseph saüse phan rii hiqshong heawea na riito.

JOSHUA 2:1

Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

JOSHUA 3:16

Jordan rai kham kai ka atsaq she riikito. Kra khamkok tiihap kitaq hiq ba ka raikhu nünü na alu wi maq tiihap kito. Kriiba ka Adam chela tho na riito. Adam chela ka Jarethan hiqshong tho na riito. Jordan rai kok ka Amaa Khamjong Chum kiina kiho tlo. Kra jükok kra trütha phiisü ma tiija tlii jükhü maq hapbaiqto. Krai mren, Israilnok raq Jordan rai ka Jeriko chela re tho maq jin wanto.

JOSHUA 6:1

Jeriko chela kilü thun ka Israilnok nyapwa jiiq nguta among nü maq laje siisaq thüto. Raüta sreabi raq kheshat riito. Jumin chela mong na walot mak kiimaq jumin kinphai na tiidong mak riito.

JOSHUA 7:2

Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato.

JOSHUA 8:15

Re raq joho tlaq krai mren, Joshua nai asengi sreabi riimin, ngohea dea tsangshiq ka rekhat tangmak raüta pintrang tlo nguta mitiima laq nguta, tsangshiq ka hiqsii thung binjü nünü kiina jutrangto.

1 SAMUEL 13:5

Kiimaq Philistainnok kiimin Israilnok rai riikhat ma rechap thungto. Tsangshiq jaq niika rekhat chang kumrang leng hingroqtsam, kumrang thaq na chaoti phenlabi ka hingtrok, kiimaq kriithaq na rekhatkaiti rewe ka kumtsaiphii na kumtsai riiphong tlaq ikha awealot mai khunyaq khukhi riito. Tsangshiq ka Bethawen chela maq shedong nünü na Mikmash kinchit na thungto. Raüta tsangshiq piitiip ka teito.