JOSHUA 18:12 - Hawa Naga Bible 2001

¹² Ghaqkhux kox tsuingshiq ghaqruiy kuex Yodan ruilx maq phaungc vtueq, Yerikho htauk kox maq yanz wvnc vtueq shalx nyuip kox kuz hong maq raz tueq Bethawen yaruix tvnx nuex httuiuc laz rvtueq.

ASII LAKDAP Bible (BSI)

¹² Tsangshiqnok rii shekhu nünü trai Jordan rai khü maq rai pha wanto. Raüta Jeriko chela maq shekhu nünü kiina kinjam jam binjü kriimaq raiwanto. Raüta shenyap nünü wang kiiniishe ku akin hiq binjü wang binjü miishe raiwanto. Raüta, Bethawen chela tho na kumtsaiphii wang binjü kiiniishe rai wanto.

JOSHUA 18:12 Referencias Cruzadas

Hosea 10:5

Samaria ghaq nuex httax yaq miqsaz htenc kuex hiyaz kvkhuirc vtueq, Bethawen ghaq wawc kuimshawx manx pung moz wvnc tueq ningkhvnc nuex khoar nyerx wuez tuex. Tsuingshiq nuiyc yac yuimx nawk jix shomc waz bix muinz kvyuq khoar nyerx wuez tuex. Kvruex kuimshawx yac yuimx ngauz vngax moz wvnc vtueq mungganc nuex lvmc lvy rvhumc ruiux yuq tsuingshiq kuex vkhoarc vnyerc rvwuez tuex.

Hosea 4:15

“Nuimshiq Israel miqsaz kuex ngaz nuex tvmtuing httax muit yuq muinz, Yuda mungx jix rueq kvkhoc phvnx mvrax kuex shuimx muq mruez shueq. Gilgal ghaqyungx, rvmuq ngoz ruiux Bethawen ghaqyungx nuex nauk nawk palx kaz, vtvraungx httax yaq Yehowa muingc maq bomkhvmc nauk taq kaz.

Hosea 5:8

Gibea nuex rvlungc bolic tuimz shuiuz! Rama nuex ralx daungx tvhuingc tvthuiz shuiuz! Bethawen lex ralx lungc muex guyc tvruingx wuez kuinz! Benjamin miqsaz lex ralx khvt wuez shuinz!

JOSHUA 16:1

Yosep suiuz vsaz hez muex phvlx kuq tueq ghaq ghaqyaz kox ghaqruiy kuex Yodan ruilx kawx Yerikho maq shaldungc kox Yerikho yuix saz dungc maq kumtsvy tvnx nuex tiq, kvmaq Yerikho maq kuz hong nuex duiz vtueq Bethel nuex httuiuc laz.

JOSHUA 18:11

Benjamin phvnx wawc vtaungx htenc rueq lvp juing ghaqphux kuex kungkhux phvlx kuq tueq. Tsuingshiq ghaq kuex Yuda nuiyc Yosep phvnx hvlwvl nuex rvtueq.

JOSHUA 2:1

Kvruex yimaq Yoshua rueq Akasia jerak maq sisunx jix miq wanueyc kuex Kanaan mungx Yerikho ghaqyungx kuex tvhelc kay muex nvr tueq. Tsuingnueyc kvruex ghaq kvyuq httuiuc kaz tueq nuex vmuingc Rahab ngoz yaq mephex nyuiuz yuimx nuex wvrx shiz yuip tueq.

JOSHUA 3:16

yuix kay thauk kaz vtueq yuix khux kox wawc loayc hvlc nuex httax yaq Zarethan ghaqyungx hep wawc Adam ghaq nuex httuiuc laz yuix kuex kvjumx kaz tueq. Yuix Maungx Jumx nuex kaz yaq yuix kuex sawc ric ruic kaz ruiux, miq htenc rueq Yerikho ghaq kvhtaz kox nuex yanz wvnc wuez lot tueq.

JOSHUA 6:1

Israel miqsaz htenc nyuip lot muq laz juing Yerikho ghaq palx kaluix htenc kuex shauk gay ruiux tvwungx bvmc wuez yaq. Ukhaq muinz ghaqyungx kvyuq dungdung nyuip nyuip khuemx shamx vguez.

JOSHUA 7:2

Yoshua rueq Bethel ghaq maq shaldungc kox Bethawen ghaq hep wawc Ai ghaqyungx nuex miq wvyvmc tvkaz vtueq ghaq vraungx kuex helc kay nvr tueq. Kvkaq tsuinghez rueq helc roalc kaz lot vtueq,

JOSHUA 8:15

Yoshua nuiyc piq nolaungx bix kuex ralx sumx ikhoc kvyonc vtueq, yaruix lvmx maq yuz wvnc wuez tueq.

1 SAMUEL 13:5

Philistin miqsaz htenc rueq muinz Israel miqsaz khvt tvkoc rvtuimx wuez tueq; tsuingshiq nuex nolaungx renc 30,000, mvre nuex ngaungc jix shvrvyx 6,000 nuiyc svmuktvrax kumtsvy ikhoc paung yaq nolaungx bix htenc httax yaq. Tsuinghez kuex Bethawen ghaq maq shaldungc kox Mikmash nuex kaz wvnc vtueq kvyuq jerak tec tueq.