JOSHUA 12 - ASII LAKDAP Bible (BSI)

Mosheq Raq Khat Raüta Tangtaq Hokhambi Mang

¹ Israilnok raq Jordan rai maq shedong nü wang binjü ka khat raüta tangto. Raüta hiq ka ajii wankun she riito. Kriika Jordan rai tan maq sheqkhu nü na Aron Tan na saüli riito. Kiimaq sheqkhu nü mung na Harmon Pum na saüli riito. Tsangshiq raq hokham wenai khat raüta tangto.

² Weshi mang ka Sihon. Apaiq ka Amoraiqnok phan. Apaiq ka Heshbon chela rümtiwe riito. Apaiq mungtan ka Gilead wang wa thiqko hamto: Arka Aroar (Arnon rai tan wang kii na saüli) kiimaq riita, kra tan mong ba na chela kiina saüli, raüta Ammon mung hiq rai na Jabok Rai kiina saüli riito.

³ Kiimaq riita, Jordan rai tan wa Gelili Thamchum maq phaho raüta, shemai nü na Beth Jeshimoth hiq (Amaa Khamjong Chum maq shemai nü) na saüli riito. Kiimaq riita, Pisga Pumji na saüli riito.

⁴ Kiimaq tsangshiq raq Bashan wang Hokhamwe Og kiimin khat raüta tangto. Apaiq ka Rephaim phan wa atiisup hokhamwe she riito. Apaiq ka Ashtaroth chela nai Edrel chela rümtiwe riito.

⁵ Apaiq mungtan ka Harmon Pum maq riita Saleka binjü kiimaq riita, Bashan wang wiita hamli raüta, Geshur wang binjü kiimaq Maka wang binjü maq riita, Gilead wang binjü wa khoko tiikholiiq raüta, Heshbon chela Hokhamwe Sihon hiq rai kiina saüli riito.

⁶ Ara hokham wenai arka Mosheq wokhong maq Israilnok raq khat raüta tangto. Tatiwe jaqshise Mosheq raq Reuben phan nai Gad phan, kiimaq Manase phan wa khoko ma, tsangshiq rii she nguta hiq ka chumkuqto.

Joshua Raq Khat Raüta Tangtaq Hokhambi Mang

⁷ Joshua nai Israilnok raq, Jordan rai maq shenyap mung na siti hokhambi thun ka thumthum khat raüta tangto. Kriika Lebanon tan wa Baalgad hiq ma phaho raüta, shemai nü mung na, Edom mung tho wa Halak Pum kiina saüli riito. Joshua raq armung thun hiq arka, Israilnok maiqphan sitlaq kiima, maiqmiimii rii hiqshong tachong hupsam miitu chumkuqto.

⁸ Kra chumkuqtaq hiq trai ka arthun ara hamto. Ku akin binjü wang kra, shenyap mung nü wa pumjiji wang kra, Jordan rai tan kra, kiimaq Jordan rai tan pumjiji binjü wang thun kra, Jordan rai maq shedong nü kin jamjam binjü wang thun kra, kiimaq shemai nü mung wa, shinriiqriiq wang binjü thun kra riito. Armung thun arka man na, Hitaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok shongchang riito.

⁹ Israilnok raq chela thun khat raüta tangtaq ka arthun riito: Jeriko, Ai (Arka Bethel chela tho na),

¹⁰ Jerusalem, Hebron,

¹¹ Jarmuth, Lakhish,

¹² Eglon, Gejar,

¹³ Debir, Gadar,

¹⁴ Horma, Arad,

¹⁵ Libna, Adullam,

¹⁶ Makkeda, Bethel,

¹⁷ Tappua, Hephar,

¹⁸ Aphek, Lasharon,

¹⁹ Madon, Hajor,

²⁰ Shimron Meron, Akhshaph,

²¹ Taanakh, Megiddo,

²² Kedesh, Jokneam (Karmel wang na).

²³ Dor, (Mediterenian Jüjong kii na), Goim (Gelili wang na).

²⁴ Kiimaq Tirja, tlotli hokham roqtsam ri weshi riito.