JOSHUA 12:7 - ASII LAKDAP Bible (BSI)

⁷ Joshua nai Israilnok raq, Jordan rai maq shenyap mung na siti hokhambi thun ka thumthum khat raüta tangto. Kriika Lebanon tan wa Baalgad hiq ma phaho raüta, shemai nü mung na, Edom mung tho wa Halak Pum kiina saüli riito. Joshua raq armung thun hiq arka, Israilnok maiqphan sitlaq kiima, maiqmiimii rii hiqshong tachong hupsam miitu chumkuqto.

Hawa Naga Bible 2001

⁷ Yoshua nuiyc Israel miqsaz rueq Yodan ruilx maq shalx nyuip kox wawc hokhvmx bix rueq guimz yaq ghaq lotlaz ngoz yaq Lebanon warc wawc Balgad ghaq maq ghaqyaz kox Edom mungx hep wawc Halak Kanx nuex httuiuc laz khvt taungx gay tueq. Yoshua rueq kvruex hong htenc kuex Israel miqsaz phvnx tek muex kuy tvlanc phvlx kuq tueq.

JOSHUA 12:7 Referencias Cruzadas

RAPHA HIQWA LAK 14:6

kiimaq Edom mung na pum thun kiijaq shongti Horaiqnok thun ka khat raüta tangto. Raüta tsangshiq ka kumtsaiphii wang tho na Elparan hiq na saüli joho raüta khatto.

RAPHA HIQWA LAK 32:3

Jakob raq apaiq ma sinkhu na tsasoqtibi Edom mung na tiiki raüta aphu Esau ma bom tiichong hoto.

RAPHA HIQWA LAK 36:20

Nokti miitung Edom mung na shongti ka maiq aphan aphan na tiikhotlo. Kiimaq tsangshiq ma tsangti kaüwati ka Seir, apaiq ka Horaiq phan wa. Seir setiim ka arthun ara: Lotan, Shobal, Jibeon, Ana, Dishon, Ejar kiimaq Dishan.

RAPHA HIQWA LAK 36:8

Kra ningkhan Esau ka ku-akin tong long Edom mung niishe shonghoto.

Tvtsvmc 135:11

Sihon ka Amoraiq mung hokhamwe, Og ka Bashan mung hokhamwe, kiimaq Kanan mung wa hokhambi thun kunli tsatbaiqto.

TRI CHONGKE 2:1

Nashiq ka atiisup na sanha jai nü na jangho laita kumtsaiphii mung kiina she hali laüho nongkai. Laita Tatiwe raq aming kuqtaq kra phan phan Agaba khamjong chum nong mung nü niishe laü wan kai. Laita nashiqnok ka rahiq luhea ku akin tonglong Edom mung na miishmii laüsiq wankai.

TRI CHONGKE 2:4

Apaiq raq namshiq ma tsü ka akha chongkuqlaq nguta chongto: ‘Namshiq ka ümchaü ku akin tonglong Edom mung kra lam maq wawan chang she miraq. Arka namshiq ma man niiwa tanyang seno phan maiq mung lam miishe wa wan chang miraq. Tsangshiq ka Esau saüse phan. Tsangshiq ka namshiq ma ahai miraq.

JOSHUA 11:17

Kra hiqrai thun ka Halak Pum maq riita, shemai nü mung na Edom mung hiqrai tho na saüli riito; kiimaq riita shekhu nü mung na, Baalgad chela na saüli riito. Kiimaq riita Harmon Pum maq shemai nü na Lebanon tan na saüli riito. Joshua ka armung thun hokhambi rai rawii luhea riikhatto. Shatmaq apaiq raq tsangshiq tarü tangto, raüta mung thun ka jiito. Kiimaq tsangshiq ka thumthum jiipbaiqto.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 3:17

Nokwe raq jükok ka süroqroq hea konü jüreko niishe jin wanto. Mungmaiqse kunli konü jüreko na mijin wan lot shaq wiiwii, ramwebi ka Tatiwe Tongshong Tek kra pishat maq Jordan raikhü mong ba na phii süroqroq hea kriijaq chapruq li chapto.

JOSHUA 9:1

Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.