Hosea 4:15 - ASII LAKDAP Bible (BSI)

¹⁵ “Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hawa Naga Bible 2001

¹⁵ “Nuimshiq Israel miqsaz kuex ngaz nuex tvmtuing httax muit yuq muinz, Yuda mungx jix rueq kvkhoc phvnx mvrax kuex shuimx muq mruez shueq. Gilgal ghaqyungx, rvmuq ngoz ruiux Bethawen ghaqyungx nuex nauk nawk palx kaz, vtvraungx httax yaq Yehowa muingc maq bomkhvmc nauk taq kaz.

Hosea 4:15 Referencias Cruzadas

2 KAÜWA WERAÜ 17:4

Apaiq raq awe Shiikeawe ka shiikum panto kiimaq Shiikeawe aming thun ka langto. Kiimaq Israil mung hokhambi raq ajiq klo wan taq lam ka phan mak riito.

2 KAÜWA WERAÜ 21:11

Apaiq riika Juda mung na kin thun kiijaq thatsang chang shomjam thun haito. Raüta Juda mungti nai Jerusalemti ma Tatiwe man na ngarai pahea tiitangto.

ISAIA 48:1

Ara taironglaq, Israilnok lei, Namshiq Juda saüsetiim raq: Namshiq raq Tatiwe mang chong lantea tiitumtlan; kiimaq Israilnok Shiikeawe ka shomnoqtiikai nguta tiitsakitlan. Shatmaq namnübok maq bomtlan ka rakhütsiri miili bomtlan.

JEREMIA 44:26

Shatmiitiina, ümchaü namshiq raq, Ngi Tatiwe raq, namshiq Ejip mung na sitibi khuthaq na imang chong ningkun aheng pinthum chong lata sinkham bom chong tiikang ara tiitsang tai rong laq: Namshiq ma imang ara tiichong lata sinkham raüpot ka tiipaq wan mang she. Namshiq raq, ‘Ngi raq atra Tati Rakaü Hiqwe mang na tiitum tiikang!’ nguta imang tiichong mang she mirha.

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

EJEKIEL 20:39

Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 10:8

Abi hiqlampo Israilnok sumla noqchang, shomjam wiita hiqrai mishot. Shomjamkhü na shukrü phong. Tsangshiq raq pumkaütiim ma mingu, “Naishiq tiiwongkuq ronglaq.” “Naishiq pangkuq ronglaq,” nguta, kin thun ma tsangshiq raq mingu.

Hosea 11:12

Tatiwe raq ngutlo, “Arot akiq Israilnok jaqsham, lapphaq lusiq tsangshiq thiitham, ngi tro na amashe phong wanto. Juda mungti riimin, tsapkapkap mangchan tsii rümti, asii Shiikeawe kiqkhii sru wan ruqli.”

Hosea 12:1

Tatiwe raq ngutlo, “Israilnok raq ranapchu maq riita, ratiijidoq pongmungti rai silu lamphan, tongshong wantlo kriika, atuli mimoki kiimaq athen mirki. Tsangshiq raq Asiria mungti rai tongshong wanto. Kiimaq Ejip mungti ma piikii lam dikuq wanto.”

Hosea 12:11

Kra taümaq dongdii min, tsangshiq raq phra sumla, Gilead chela maq noq wanto. Kriikha na tsangshiq tsailam she mirhum wan. Tsangshiq raq minsaü pongwetiim, Gilgal chela na phra sumla ma takuq wanto. Krai mren, berong-wacha thun ka, re raq wiita mitiibunbaiq wan. Raüta longkaü rongli she miraq.”

Hosea 12:12

Namti Jakob Mesapotamia mung na tiipaü juto. Kiijaq maiqjam na sito. Raüta tsangnyung lam miitu ahuchhiwe jaqshamto. Tsangnyung lap miitu ahuchhiwe skukong rümto.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

AMO LUIK DVP (AMOS) 4:4

Ajong Thaq Na Ajong Tatiwe raq ngutlo, “Israilnok lei, warong ra Bethel chela na Shiikeawe shomnoq wa, namshiq ngarai kra apapa tiipa ma. Warong riita Gildel chela na, namshiq ngarai ka apapa tiipa ma. Ranaptek nyamse honglu take wan chang kuq rong liita, namshiq ngarai apapa tiipa ma, ranaiq tsamtsam na kechang aroq khu wa honglu kra, kuq wan rong liita, namshiq ngarai kra apapa tiipa ma.

AMO LUIK DVP (AMOS) 5:5

Beersheba hiq na naqshomkiq, Bethel hiq na ngi hummaü. Bethel ka athum mirki, Gilgal hiq na naqkikiq, Tsangshiq ka shumwi ma mitsuq wan.”

AMO LUIK DVP (AMOS) 6:10

Kra maiqta jiimtaq kra, kra maa saiqsamti tanyang seno weshi ra raq maiq maa kra kinphai na mipiho. Raüta kriiwe raq jamtati weshi ra atiichong kriima, “Tap nyang na ümniirai weshi ra asi shea?” nguta miwai. Raüla maiq ashi raq, “Ahü!” nguta mitre. Kra nguraüla, tanyang senowe kriiraq, “Naqbomkiq! Nashiq ka pinthum tiihaishat riichang. Tatiwe mang chong ka maimak,” nguta bom ka mitre.

AMO LUIK DVP (AMOS) 8:14

Kra akhing na Samaria wa phra sumla thun ka, ‘O Dan chela phra kaü lei’ riimakla, ‘O Beersheba phra kaü lei’ nguta tiitum wantibi ka, wiita mibunki, ümtiikiimin tiidolot mak she” nguta Tati Shiikeawe raq ngutlo.

Ephesians 5:11

Nanok raq amiinu ahü, ranyaq jaqsham thun jamlai wa sham tlaq, kriika alii min naqlii ki dam rongkiq. Kra rii na, ranyaq jaqsham thun kriika, rawü li na khot lanta, tiichhikuq ronglaq.

JOSHUA 5:9

Kra akhing na Tatiwe raq Joshua ma akha nguto, “Ümchaü ranaiq ngi raq namshiq khuthaq na Ejip mung na dise rilung siwan lan kharii mro thoda ka lambaiq kang she.” Kra ningkhan na, kra hiq ba mang ka Gilgal nguta mangto. Kra hiq mang ka ümchaü min kriili.

JOSHUA 7:2

Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato.