Hosea 4:16 - ASII LAKDAP Bible (BSI)

¹⁶ Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

Hawa Naga Bible 2001

¹⁶ Israel miqsaz htenc kuex kumrawx htenc ikhoc duingx tsanz wuez yaq. Ngaz rueq tsuingshiq kuex khelbuenx sahez ikhoc ghaq htungx httuingx ruix tvnx nuex yvmx khoc lac remx lot shaungx?

Hosea 4:16 Referencias Cruzadas

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

ISAIA 22:18

Apaiq raq ümniika polung po ikha mitsun. Raüta ümniika maiq mung ajong lin lin kiiniishe mithongbaiq. Kiijaq ümniika ümkumrang leng phong, ümnaq tiitsakisea chang phong tho na mitsai haü. Ümniika ümtijongwe jamkun na apaiq khushü tiijamti.

ISAIA 30:23

Kiimaq ümtiikiiwa namshiq raq tü lai tsamlai wak na chhijangtlan, Tatiwe raq ra mitiijunkuq. Raüta tü atsam ka mitiidong man kuq. Raüta namshiq raq tü atsam ka pahea milaphan. Lantea rongboq miwinhan. Kiimaq namshiq nyamsekong rümchang kiimin sangphii rii chamtraq miraq.

ISAIA 5:17

Chela thun hiqmiq changkhü ikha riimtlaq kiijaq skusekong aransetiim ka sangphii phaq mihaisiq. Kiimaq chhechhi aresekong raq sangphii nümrü kra miphaq.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 3:11

Kiijiishe Tatiwe raq ngi ma chongto, Israil ka apaiq wokhong wa ahin niili kiho raü min, apaiq riiwe ka sethoq nyung Juda nam ma maiqshaqlin.

JEREMIA 3:6

Josia ka hokham jatlaq akhing Tatiwe raq ngi ma nguto, “Sethoq nyung Israil raq jamlai wa klotaq kra chhitlaü shea? Apaiq ka iwokhong wa ahin niishe juhoto. Raüta kin diilulu aweatek na, kiimaq pesang chong ajaq nüm hea chongjitek na, ngaraüta mephe-nyung ma jato.

JEREMIA 3:8

Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

JEREMIA 31:18

“Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

Hosea 10:11

“Israilnok ka minsaü saüshiikaü nithe atsin ikha riito. Khaolüm tsam phong niti riito. Shatmaq tsomhea adangkong na, phu tlak lata ahea jaqsham shrin wan kang. Juda miika wak hiq atsin tiithu wan kang. Israil ma wak ka phu maq tri wan kang.

Hosea 11:6

Israil mung chela thun, redong raüta wiita milong wan. Chela kilamchong thun wiita mirun wan. Isenginok thumthum mithen wan. Tsangshiq maiqmii raq athithi siwanto. Tsangshiq ibomchong taimak riito.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.