Hosea 4:14 - ASII LAKDAP Bible (BSI)

¹⁴ Shatmaq ngi raq namsetiim jechaksere mephe-nyung ma jakai kha na tsat son mang. Kiimaq nam-nam-nyungtiim sethoq jakai kha na, tsasha mang. Jamkhano ngukla, namshiq maiqmii kiimin, sumla phra shomjam na siti, mephe-nyungre rai siki dam tlan, arningkhan nyan ahü phan ka, athum mirhum.

Hawa Naga Bible 2001

¹⁴ Yuq muinz tsuingshiq muex ngaz rueq murx tvgurc mauk, nuimshiq shauk gvnz maq htaungc tishox nawk palx juing baung nuex seng yaq mephex nyuiuz tamx rulc vdvmz nuex khuemx shamx vtueq, htaungc tishox htenc muex shomc nawk kuy shomc kuq vshuinx. Bomc tvguip nuex jungx tueq rulc rv-ngvlc, ‘Tharc vguez miq kuex vbac kay rvhumc tuex,’ ngoz wuez.

Hosea 4:14 Referencias Cruzadas

1 HOKHVMX 15:12

Apaiq raq tsang mung na maiqwere nai jechakre mephe kong jawan raüta thatsang maiqse raq tsangshiqnok sumla phra phong shomnoq chang hiqba thun na atiisi wan thun kra, wiita tiisiirai tsangmung wa jobaiqto. Kiimaq apaiq ma kongkhu pat na siwanti hokhambi raq sumla phra phong shongthütaq thun kra wiita runbaiqto.

2 HOKHVMX 23:7

Kiimaq apaiq raq Shomjam wang mong na shomjam na siti mephe-nyungre sichang jam thun kra wiita tiithen baiqto. (Kiijaq jechakre raq Ashera phra noqlam maq samchang samtong jong kaü thun kra taqtlo.)

TAKSU LAK 28:5

Abi kloti raq tri tingting maq, khapho ka sap mak; Shatmaq Tatiwe shomnoqti raq, tri ka saptlo.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

DANIEL 12:10

Maiqse pahea khum ka atiisii mirkuq wan. Abi maiqse thun raq arka sap wanlot mak miraq. Shatmaq tsangshiq ka pahea jabi wan wan khoti miraq. Taksu maiqsetiim riili arthun ka mitak wan.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

Hosea 5:4

Tsangshiq raq abi ngarai pahea klowanto. Kriiraq tsangshiq ka Shiikeawe phana tiiwa mak shangbaiqto. Tsangshiq raq sumla phra shomnoq tlaq kra, tsangshiq khachang kharü ma jakito, tsangshiq raq Tatiwe ka sapmak laqbaiqto.

AMO LUIK DVP (AMOS) 2:7

Tsangshiq raq wepuq wese ümkoq ümphaq, ji maq nishishi nibaiq wanto. Kiimaq miitsan miijan maiqsetiim, lamkampii wa liiq baiq wanto. Kiimaq siwe sise anai jong raq, maiqmii dise jechakse rai adam hainga wanto. Raüta maiqse kra haihii wanto. Raüta imang asii tiisheshi wanto.

AMO LUIK DVP (AMOS) 7:17

Riita ara ngutlaü arkha na, Tatiwe bomtsi ara tailaq. Tatiwe raq akha ngutlo: ‘Ümjamti nyung ka chela na mephe-nyung miishe mija wan. Ümsetiim maiqwesere nai jechaksere ka, re raq mitsat baiq wan. Ümhiq thung ümram bin ka, nammung jiiwantinok riishe mirchum wan, raüta tsangshiq riishe mishamsiq wan. Kiimaq ümniika pongmung niishe mitsai haü. Kiimaq Israil mung ka pongmung na, rewa munglu shumwi miishe, mitsuq wan,’” nguta Tatiwe raq ngutlo.

WEAWEA 25:3

Kra ningkhan Tatiwe ka tsangshiq ma atsan khiqto.

John 8:43

Riita, ngi raq namshiq ma bom chongkuq tiikang arka jamkhii riito namshiq ni na wamak? Arka namshiq raq i bom chong ara tai wan roman riitlan kra kha maq, namtsan mong na wamak.

Romans 3:11

Jumin maiqshaq nguta ahü; jurmin Shiikeawe ka shomnoq mak.

1 Corinthians 6:16

Namshiq raq ara bomtsi arka sap man sha. Maiq weshi jurwa mephe nyung rai hai nga tlaq, kriiwe khum ka mephe nyung rai pumshi hanshi she jaki tlo nguta chongtlo. Asii bomtsi na akha chongtlo, “Kra jechak nyung nai maiqwe ka pumshi lishe mijaki.”

Ephesians 4:18

Kiimaq tsangshiq khutsai kiimin khang mak. Ranyaq tangtang li sitlo. Tsangshiq riika Shiikeawe raq akuq rilung anye lamphan wa alap wandam chang min ahü. Ara jamkhano chongtiikai ngukla tsangshiq raq, jam min sapmak. Kiimaq tsangshiq ni ka wanshakshak, chongkuq raü min taimak phan.

TRI CHONGKE 23:17

“Israilnok phan wa jechak lo maiqwelo li jiimin, sumla phra shomjam na mephe ma jakai maimak.

Hebrews 12:8

Riita, namshiq ka Shiikeawe raq asetiim, nanok ahinti jamkho tsatson tlaq kiikha tsatson mak jiika, namshiq ka aseshaq ka riiman, siqphin setiim nguta sap chang miraq.