1 SAMUEL 13:5 - ASII LAKDAP Bible (BSI)

⁵ Kiimaq Philistainnok kiimin Israilnok rai riikhat ma rechap thungto. Tsangshiq jaq niika rekhat chang kumrang leng hingroqtsam, kumrang thaq na chaoti phenlabi ka hingtrok, kiimaq kriithaq na rekhatkaiti rewe ka kumtsaiphii na kumtsai riiphong tlaq ikha awealot mai khunyaq khukhi riito. Tsangshiq ka Bethawen chela maq shedong nünü na Mikmash kinchit na thungto. Raüta tsangshiq piitiip ka teito.

Hawa Naga Bible 2001

⁵ Philistin miqsaz htenc rueq muinz Israel miqsaz khvt tvkoc rvtuimx wuez tueq; tsuingshiq nuex nolaungx renc 30,000, mvre nuex ngaungc jix shvrvyx 6,000 nuiyc svmuktvrax kumtsvy ikhoc paung yaq nolaungx bix htenc httax yaq. Tsuinghez kuex Bethawen ghaq maq shaldungc kox Mikmash nuex kaz wvnc vtueq kvyuq jerak tec tueq.

1 SAMUEL 13:5 Referencias Cruzadas

RAPHA HIQWA LAK 22:17

Ngi raq kiqkham lata chong tiikang, Ngi raq ümsaü ümsetiim ka ra na raiqsaiq jamkho diimtlaq, kiimaq khamjong chum kii na kumtsai phü na kumtsai riiphongtlaq ikha mipuchiha. Ümsaü ümsetiim phan raq tsangshiq jaqtinok thun ka mitang wan.

2 SAMUEL 17:11

Ngi raq ümniima tsii chongke ka, ümniiraq Israilnok mungmaiqse ka tlotli, konü siim maq riitaq konü siim na saüli, wiita adam na, sammok tra jüphii na kumtsai riiphong tlaq ikha, adam na triitam healaq. Laütiishe lam ka ümniiraq shea laüta, khatkikiq.

1 HOKHVMX 20:27

Krai mren Israilnok kiimin triitam heato. Raüta tsangshiq ka khekham tiijeshat riito. Raüta tsangshiq ka rekhat kai chap wanto. Raüta kongnai na riiphea raüta Sirianok rai kharii re na piitiip teito. Israilnok ka chhechhise kong kongnai atsapse ikhli riito. Sirianok ka kra tan kiijaq barap binrii na tsangshiq siisaq riinyin riishin riiphongto.

2 KAÜWA WERAÜ 1:9

O, Tati Shiikeawe lei, ümniiraq iwe ma kiqkham kuq laü kriishe tiikupi kuq laq. Ümniiraq ngi ka mungmaiqse pahea awea lot mainok khuthaq na hokham miishe shong laü.

ISAIA 10:28

Rewe phenlabi raq Ai chela ka khat raüta jiiwanto! Tsangshiq ka Maigron hiq lam maq leawanto! Tsangshiq raq tsangshiq hupsam thun ka Mikmash chela na phong thüto!

ISAIA 48:19

Namsaü namsetiim phong ka kumtsaiphii na kumtsai riiphongtlaq ikha mipuchi wan wa; kiimaq Ngi raq tsangshiq ka ümtiikiimin tiithenbaiq lot mak chang miklo kuqhawa.”

JEREMIA 15:8

Nam mung na manti-nyungre ka, khamjong chum kii na kumtsai riiphongtlaq thaq na apa. Ngi raq nam mung wa jerobi ka jerojong na jiipbaiqkang, lata anyungre thun tiichamchao tiikang. Ngi raq tsangshiq ka tiihanghiiq miili tsan among bunlaklak, phiiptsi ma tiitsaitiikang.

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

Romans 9:27

Krai mren, shammi we Isaia riimin, Israilnok miitu ka akha chongkuq wanto, “Israilnok ka sammok- tra jüphii na kumtsai phong ikha puchi rai wan raü min, tsangshiq phong wiika, aso atiichongki, kriili mitiichhii kuq wan.

JOSHUA 11:4

Krai mren, tsangshiq ka tsangshiq phenlabi shea raüta wato. Tsangshiqnok phenlabi ka khamjong chumkii na kumtsai riiphong tlaq ikha awea lot chang riimak. Kriithaq niimin tsangshiq jaq niika kumrang kong nai kumrang leng pahea asi.

JOSHUA 18:12

Tsangshiqnok rii shekhu nünü trai Jordan rai khü maq rai pha wanto. Raüta Jeriko chela maq shekhu nünü kiina kinjam jam binjü kriimaq raiwanto. Raüta shenyap nünü wang kiiniishe ku akin hiq binjü wang binjü miishe raiwanto. Raüta, Bethawen chela tho na kumtsaiphii wang binjü kiiniishe rai wanto.

JOSHUA 7:2

Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato.

PHOWEBI 7:12

Raüta Midiannok, Amalakaiqnok, kiimaq kumtsaiphii wang na sitinok maiqphan thun ka kra tan mong kiijaq, tsangshiqnok piitiip ka kupchi longtlaq ikha, ra ma hiq ma tan ka wiita mato. Kiimaq kra tsangshiqnok kumtsong kong ka khamjongkii na kumtsai riiphongtlaq ikha riito.

1 SAMUEL 13:11

Shatmaq Samuel raq, “Ümniiraq ara jamlai she wa riilaü?” nguta nguto. Kiijiishe Saul raq treto, “Mungmaiqse raq ngi ka atiishaübaiq wan miiqmiiq she riito. Kiimaq ümniika misaüha ngulaü shatmaq saü maü dea. Kiimaq Philistainnok ka Mikmash hiq niishe thungwanto.

1 SAMUEL 13:2

Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto.

1 SAMUEL 14:23

Raüta Bethawen chela binjü kra tleaphok khat wanto. Tatiwe raq Israilnok ka kra ranaiq rewe jaq wa tiikhup wongkuqto.

1 SAMUEL 14:52

Apaiq atra sishat wiiwii ka, Saul raq Philistainnok rai rachhai ralüp wa ikha, riikhat wan ruq riito. Kra ningkhan na, ümtiikiiwa apaiq raq maiq weshi ra ahong ala riimakla srea nolajong hum raüla, kriiti ka apaiq raq asengi phenlabi ma shong wantlo.

1 SAMUEL 17:1

Philistainnok ka Israilnok rai riikhat ma Juda mung na Soko chela na thungto. Tsangshiq piitiip ka Soko chela nai Ajeka chela heawea na Ephes Dammin hiq na teito.

1 SAMUEL 7:13

Krai mren, Philistainnok ka tangto. Kiimaq Tatiwe raq tsangshiq ka Samuel atra siruq wiiwii, Israil mung ka tiikhat wamak she shangbaiqto.