1 SAMUEL 13:6 - ASII LAKDAP Bible (BSI)

⁶ Raütiishe, tsangshiq raq Israilnok ka ningkun aheng maq tiikot trot she khat wanto. Kriikha niishe Israilnok ka ümkhiimin jalot mak she riito. Kra ningkhan, Israilnok wiijam ka longsha mong na nai hiqkho bok na tiipaüto. Kiimaq wiijam ka chongkhong longsha bok na maiqmii khure tiipaü jutrangto. Kiimaq hiqkhobok mong na riimak la, kham ahü khappong mong na tiipaü jutrangto.

Hawa Naga Bible 2001

⁶ Kvruex yimaq tsuinghez rueq Israel miqsaz htenc kuex hungc maq dung phawk khvt wvnc vtueq, tsuingshiq thuinz htumx laz tvyaungc tueq. Israel miqsaz wvyvmc kuex lungluix htenc, lunghvl lungwap htenc, lungtap lunglap htenc, ghaqluix htenc nuiyc yuix jumx htenc nuex kvhttuiyq wuez tueq;

1 SAMUEL 13:6 Referencias Cruzadas

2 SAMUEL 24:14

Kiijiishe Dawit raq treto, “Ngi ka jamkha ijasiq she! Shatmaq ngi ka maiqse mo ka horo mang. Tatiwe apaiq jaq maq nashiq ka mitsatson laq. Apaiq ka mangchantsi hea we.”

ISAIA 42:22

Shatmaq ümchaü asenginok ka laimiq runbaiqto; tsangshiq ka longsha phaqtek ranyaq mong na shaqbaiqto, raüta phaqtek mong na shaq raüta paübaiqto. Tsangshiq ka tekto raüta runto, tsangshiq khrumketi maiq jumin ahü kimak riito.

JEREMIA 41:9

Ishmael raq apaiq raq atsatbaiq maiq maaphong dobaiqtaq khappong ka ajong wiq kaü riito. Kriika Hokhamwe Asa pat na apaiq raq Israil mungti Hokhamwe Baasha raq long wantaq akhing na athuthü riito. Ishmael raq kra khappong ka maiq maa phong maq tiimabaiqto.

EJEKIEL 33:27

“Tsangshiq ma chonglaq, Ngi, Tati Rakaü Hiqwe raq tsangshiq ma honlam bom chongtiikang, tengteng, Ngi ka atra Shiikeawe. Athen arki chela thun na siti mungmaiqse thun ka re jaq na mitsai. Kiimaq hiqshong thun na siti mungmaiqse ka rum wa ngamthaiq kong raq mikaqbaiq. Raüta miphaq wan. Kiimaq ku akin thun na kiimaq chongkhong longsha thun na tiipaüti thun ka thadong raüta mitsai.

Philippians 1:23

Ümchaü i rilung arka, ara tiima anai raq riinyea tlo. Ngi raq kla, ara han-ngam rilung arka baiqthü lata wawan ro tiikang. Lata, Khristo rai siwan ro tiikang. Kra riiwe ka ngi ma pinthum ahea.

Hebrews 11:38

Riita, tsangshiq ma ara mangjong hiq arka hiqtlili, thiihü ikhli siwanto! Tsangshiq ka munglu maiqse ikha, bintang jüngi bok na, ku akin na, chongkhong longsha bok na, kiimaq hiqkho bok na, miishmii siwan raüta, tsangshiq rilung ka tiisung wanto.

JOSHUA 8:20

Kiijiishe, Ai chelati raq tsangshiq jai nü na liikiita, wakhuk mong wan ka raham hiqham she chhito. Tsangshiq juchang lam ka ahüshe. Jamkhano ngukla, tsangshiq raq jorat hotaq Israilnok hiqsii thung binjü nü na jutrang tlaq kra, jai na jang rang raütiishe, tsangshiq ka khat wanto.

PHOWEBI 10:9

Amonaiqnok riika Jordan rai kra jin raüta, Juda phan, Benjamin phan, kiimaq Ephraim phan thun kiimin khatto. Israilnok ka pinthum tsaija chhunja chamchao mong na sito.

PHOWEBI 20:41

Kiijiishe Israilnok ka jai nü na jang rang she riito, kiimaq Benjaminnok ka sunghü tsiihü, tiimok chaq she bok wanto. Jamkhano ngukla tsangshiq ka miq wan kai she nguta sapto.

PHOWEBI 6:2

Midiannok ka Israilnok thaq na ahong ala, srea nola riito. Kriikha niishe Israilnok ka Midiannok ma hai ma longshabok thun na nai ku akin binjü kiina tiipaüto.

1 SAMUEL 13:15

Krai mren, Samuel ka Gilgal chela maq ahin nü niishe wawanto. Kiimaq mungmaiqse phong riika Saul jai phanphan Saul phenlabi rai pongwan damto. Tsangshiq ka Gilgal chela maq tiido wan raüta Benjamin wang na Gibea chela kiiniishe wawanto. Saul raq asengi phenlabi hingtrok tin asi kriishe konchon liito.

1 SAMUEL 14:11

Krai mren, tsangnai raq tsangnai sham ka Philistainnok ma tiichhito. Kiimaq Philistainnok riimin akha nguto, “Liirong laq! Jehudinok wiijamti ka longkhong bok na atiipaü wa dongrai hotlo!”

1 SAMUEL 14:22

Kiimahali maiq ahinti Ephraim wang binjü na, ku akin binjü na, atiipaü wa thun kriimin Philistainnok ka pongpin riipin pintrangtlo nguta tho lapto. Krai mren, tsangshiq riimin dongrang raüta Philistainnok ka khat wan damto.

1 SAMUEL 23:19

Jiph wang wa maiq wiijamti ka Saul phana Gibea chela na wato. Raüta akha chongto, “Dawit ka naimung na, Hachilah Pum na Horesh hong binjü na, Juda wang kumtsaiphii binjü maq shemai nü binjü na sitlo.

1 SAMUEL 24:3

Raüta apaiq ka skukong rüm chang wakram tiip tho na lamkii na longshakaü ashi asi, kra longshakaü ki na phai na ngakai kito. Kra longsha ka atsaüwiq riito. Kra akhing na longsha mong na Dawit nai akongtitiim ka tiipaü ngaraqraq riito.

1 SAMUEL 31:7

Kiimaq Jejreel tan maq konü reko na siti Israilnok raq, kiimaq Jordan rai maq shedong nü reko nü wang binjü na siti Israilnok phenlabi thun ka rehai ma wiita she pinto, kiimaq Saul nai asetiim kiimin wiita she re na tsaito nguta tai raüta, tsangshiq maiqmii chela thun kra miimbaiq thü raüta wiita pinto. Kra chhi raütiishe, Philistainnok ka kiraüta kra hiqshong thun ka jiiwan raüta siwanto.

1 SAMUEL 7:7

Riita Philistainnok raq Israilnok ka Mijpa chela na thungtlo nguta tai raüta, Philistainnok hokham webiingi ka tsangshiq sengi shea raüta tsangshiq khat wa wawanto. Israilnok raq kra tsütsa ka taito, raüta ahai riito.