1 SAMUEL 13:7 - ASII LAKDAP Bible (BSI)

⁷ Kiimaq maiq wiijam ka Jordan rai kra jin raüta, Gad phan wang nai Gilead wang binjü kiiniishe tiipaü jutrangto. Saul ka Gilgal chela niili riito. Kiimaq mungmaiqse apaiq rai sitlaq thun kriimin, haisitsi ma atiikhai rokrok she riito.

Hawa Naga Bible 2001

⁷ wvyvmc kuex Yodan Ruilx yanz wvnc vtueq Gad nuiyc Gilead mungx hong nuex yuz wvnc wuez tueq. Sholu kuex Gilgal ghaq nuex shauk dvyx doc, piq rulc vdvmz httax yaq miq htenc kuex hiyaz kvkhuirc wuez tueq.

1 SAMUEL 13:7 Referencias Cruzadas

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

TRI CHONGKE 20:8

“Kiimaq phentubi raq phenlabi ma akha hali mingu, ‘Riita arjaq maiq weshi ra atsaiji aranti kiimaq ahai asongti maiq asi sha? Kiikhiiti maiq siraüla, apaiq ka jam niili mijang wanlaq. Kra riimakla, apaiq raq kongtibi tsaiji kra mitran.’

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 3:12

“Riita ümtiikiiwa nashiq raq mung ka nashiq jaq na lap wan kai, ngi raq Reuben phan nai Gad phan ma hiqshong ka Aroar chela maq shekhu nü wang thun kra Arnon Rai tho binjü thun kra kiimaq Gilead wang binjü wa ku akin tonglong hong thun kra, kriijaq sitlaq chela thun kra nong nong maq chum kuq kang.

JOSHUA 13:11

Kra thun ka Gilead wang binjü kra, Geshur wang binjü kra, kiimaq Maka wang binjü kra, kiimaq Harmon Pumji wang binjü thun tlotli, kiimaq Bashan wang binjü tlotli, raüta Saleka wang binjü na saüli.

JOSHUA 13:8

Tatiwe jaqshise Mosheq raq, Reuben, Gad, kiimaq Manase phan wa khokoti miika, tsangshiq rii tachong hiqshong Jordan Rai maq shedong nü mung kiiwa, kongkhuji miiphü achumke wishe riito.

PHOWEBI 7:3

Arningkhan nokwe ma akha riimlaq, “Juwa ahai riitlan, kriiti ka jam niili mijang wanlaq. Naishiq abiti thun ka ara Gilead pum na piitiip tei laitli misihai.” Krai mren, maiq ka hingroqnai ri hingnai jam na jang wanto. Shatmaq kiijiika maiq hingroqshi khingkito.

1 SAMUEL 13:8

Samuel raq apaiq ma ramiishi na saüli khelaq nguta tsü chongkuqtaq krai mren, Saul raq Samuel miitu ramiishi na saüli kheto. Shatmaq Samuel ka Gilgal chela na misaüho shaqli riito. Kiimaq mungmaiqse raq apaiq ka kiijaq tiishaübaiqthü raüta apin wan chan she riito.

1 SAMUEL 17:11

Saul nai asengibi raq kra tai raüta, tsangshiq ka kai phiip raq tsaito.

1 SAMUEL 31:7

Kiimaq Jejreel tan maq konü reko na siti Israilnok raq, kiimaq Jordan rai maq shedong nü reko nü wang binjü na siti Israilnok phenlabi thun ka rehai ma wiita she pinto, kiimaq Saul nai asetiim kiimin wiita she re na tsaito nguta tai raüta, tsangshiq maiqmii chela thun kra miimbaiq thü raüta wiita pinto. Kra chhi raütiishe, Philistainnok ka kiraüta kra hiqshong thun ka jiiwan raüta siwanto.