JEREMIA 49:3 - ASII LAKDAP Bible (BSI)

³ Heshbon chelati lei, hoq trang ronglaq! Ai chela ka tiithen baiqto she! Rabba chelati jechakre lei, maaho manyi hoqsii trang rong laq. Wunthaü riinaü khea thum sam lanta hoq trang rong laq! Lanta tuktuk mukmuk sunghü tsiihü jutrang rong laq. Namshiq phra kaü Molekh ka re raq munglu shumwi miishe milap wan. Kiimaq apaiq rai ramwebi kiimaq aki miikiim sere thun kiimin munglu shumwi ma mitsuq wan.

Hawa Naga Bible 2001

³ Heshbon miqsaz lex, ramc wuez shuinz! Ai ghaq kuex bac tueq! Rabba yalxjuik rulx lex, yonzyex wuez kuinz! Ruiyhec khvy svmx vtueq yonzyex wuez kuinz! Rvthuip rvkhvt yuz kuinz. Nuimshiq Molek tishox kuex piq shomc waz bix nuiyc hokhvmx saz miqwaz sahez rulc vdvmz thuq lvp wvnc rvhumc tuex.

JEREMIA 49:3 Referencias Cruzadas

2 SAMUEL 11:1

Kriimaq rawii angu niishe, lamse sat choji niishe, hokhambi raq rekhat kaichoji na, Dawit raq Joab ka asengi ajong alabi rai kiimaq Israilnok phenlabi rekhatkai tiikito. Raüta tsangshiq raq Ammonnok khatto raüta tangto. Raüta Rabba chela ka trotam maq komwanto. Shatmaq Dawit apaiq ka Jerusalem niili haikito.

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

1 HOKHVMX 11:5

Apaiq raq Sidon mungti phra jechak nyung Astarte kra shomnoq wanto. Kiimaq Ammon mungti phra kaü maiqphai asi Molekh phra kriimin shomnoqto.

2 HOKHVMX 23:13

Josia raq Hokhamwe Solomon raq Jerusalem maq shedong nü siim na kiimaq Olip Hiqlam maq shemai nü siim na, maiqphai asi sumla phrakong--Sidon chelati phrakaü jechak nyung Astarte, Mob mungti phrakaü Khemosh, kiimaq Ammon mungti phrakaü Molekh shomnoq chang berong-wacha thun ka wiita jimaq nishishi tiibun baiqto.

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 14:31

Agi lülü hoqtrang ronglaq. Lantea khrum jaü hoqtrang ronglaq, Namshiq Philistain mung wa chela thun tlotli raq hoqtrang ronglaq! Phiip jiip ronglaq, namshiq tarü! Shekhu nü mung maq botkhulai khuk wa rathaiq saü wantlo. Kra rekong saü wan tlaq phong niika wepuq ngutiika weshi ra min ahü. Srea nolakong siisaq.

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

ISAIA 16:7

Mob mungti ka pinthum miho trang wan. Jamkhano ngukla tsangshiq ka pinthum chamchao sangrai mirhum wan. Tsangshiq chela Kir Heres maq phaq nai sea chamtraq rongboq siwantaq kra riiwealili raüta tsangshiq ka kai mihoqsii trang wan. Tsangshiq ka chamchao waqkhü kham nyang raüta tsaija chhunja michamchao wan.

ISAIA 23:1

Arka Tajar chelati miitu tsütsa. Agilülü hoqtrang ronglaq, namshiq sammok tra chum na mokkiitu jiiqtibi lei! Namshiq laitoq chang nam mung wa Tajar chela ka thento she. Chela mong wa maiq jam thun, Mokkiitu khing wa chang ka thento she. Namshiq ka mokkiitu thun maq khamjong mong na sitlaq Saipras mung maq nam mung nü na khamjong mong maq awawan lam maq tsütsa ka tailan.

ISAIA 23:6

Agilülü hoqtrang ronglaq. Phonesia mungti lei! Spen mung na chiimjinhotlo ronglaq!

JEREMIA 4:8

Arningkhan wunthaü riinaü samtong samlanta agiliilii hoq ronglaq, jamkhano ngukla Tatiwe tsankhiq ka Juda mung khuthaq wa jang wan mak dea.

JEREMIA 46:25

Tati Ningkun Ajongwe, Israilnok Shiikeawe raq ngutlo, “Ngi raq Amon mung ma mo mitiihoha. Thebes chelati phra kaü ka Ejip mungti nai Ejip mungti phra thun krai adam na, kiimaq tsangshiq hokhambi thun krai mitiithen baiqha. Ngi raq Ejip mung hokhamwe ka laplata kiimaq apaiq ma kamti, asengi kong kra wiita alap mirwanha.

JEREMIA 48:2

Mob mung khushü jong ka thumto. Re raq Heshbon chela ka jiiwanto, kiimaq Mob mung tiithenbaiq miitu thiikho thuto. Madmen chela ka kaiqshakshak she; re raq kra milong wan.

JEREMIA 48:20

‘Mob ka miqto she,’ nguta tsangshiq raq mitre, ‘kra miitu hoqtrang ronglaq; apaiq khushü jamto she. Arnon rai khü phan tsütsa ka tiitai ronglaq, Mob ka thento she nguta!’

JEREMIA 48:37

Tsangshiq wiitarü raq tsangkhu ka loktam sibaiqto. Raüta tsang nübin ka sibaiqto. Tsangshiq wiita raq tsang jaq na wiita tiimitsi hanto. Kiimaq maiq loweatek raq wunthaü riinaü khea sam raüta maaho majü jümiitlo.

JEREMIA 48:7

“Mob mung lei, ümniiraq ümningkun ma nai ümtsiiq tum ma kamsiq laü, shatmaq ümchaü ka ümniimin re raq mitang wan; ümphra kaü Khemosh kiimin munglu shumwi miishe miwa wan, asengi lüsi lüwabi nai ramwebi kong rai mitsuq wan.

JEREMIA 49:1

Tati Ningkun Ajongwe raq Ammon mung miitu akha nguto; “Israilnok maiqwere kong ka ümbano? Tsangmung kra khebomti maiq ka jumin ahüshe sha? Molekh phra kaü shomnoqtinok ma Gad wang kra jam nguto tiijii wanta. Kiimaq tsangshiq kiijaq jam nguto tiisi tla?

JEREMIA 51:8

Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila

JEREMIA 6:26

Tatiwe raq asenginok ma akha ngutlo, “Namshiq ka wunthaü riinaü khea sam ronglaq. Lanta tapkhu ka namkhum na nyat lantea maaho manyi sironglaq. Namse seshilaq laq se maiqwe se tsaiki raüjaq jamkho hoqtlan ikha hoqsiq ronglaq. Jamkhano ngukla namshiq khatkaiti re saüho tlaq kriika tiihanghiiq miilishe misaüki. Raüta namshiq ka mikhat wan.

AMO LUIK DVP (AMOS) 1:15

Kra akhing na tsanghokhamwe nai mungtubi, sreanolabi wiita re raq, shumwikong ma mitsuq wan,” nguta Tatiwe raq ngutlo

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

James 5:1

Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!

JOSHUA 7:2

Joshua raq maiq wiijam ka Jeriko chela maq Ai chela na tiiwato. Ai chela ka Bethel chela maq shedong nü na. Kiimaq Bethawen chela tho na riito. Joshua raq sreabi ma, kra binjü ka samheawiq sisin wa rongkiq nguta tiiwato. Tsangshiq ka waraüta sisin wato.

JOSHUA 8:1

Kiijiishe Tatiwe raq Joshua ma chongto, “Naqhaikiq she. Kiimaq ümtsaiji akhiisii min naq trankiq. Srea nolabi ka wiita ümniirai shea laüta, Ai chela na walaq. Liilaq, ngi raq Ai chela hokhamwe ka asenginok rai achela ka kiimaq amung ka wiita ümjaq khon mong na kuqbaiq kang she.

JOSHUA 8:28

Joshua raq Ai chela ka wa maq bunlak chaqbaiqto. Raüta hiqmiq changkhü ma tiija baiqto. Krai mren, ümchaü niitaq Ai chela ka kiikhiili sitlo.