JOSHUA 2:1 - ASII LAKDAP Bible (BSI) Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato. Hawa Naga Bible 2001 Kvruex yimaq Yoshua rueq Akasia jerak maq sisunx jix miq wanueyc kuex Kanaan mungx Yerikho ghaqyungx kuex tvhelc kay muex nvr tueq. Tsuingnueyc kvruex ghaq kvyuq httuiuc kaz tueq nuex vmuingc Rahab ngoz yaq mephex nyuiuz yuimx nuex wvrx shiz yuip tueq. |
Namtsam phongwa weshi ka waraatlo, lanta apaiq ka ana sheawa ratlo. Namshiq wiijamti ka arjaq kintsongti raq kheshat maq mithü, namshiq bom ka riikhaqli dea shea riimak wa, kra mitiisap shaq wiiwii. Kra riimak jiika, hokhamwe ka atra sishat wiiwii, namshiq ka siwebi.”
Apaiq raq rawa ma maq tsangshiq miitu mataq thun bom kriishe atsan na dongto. Kiimaq apaiq raq tsangshiq ma nguto, “Namshiq ka siwe jati kong. Namshiq ka naimung ningkun ajom jom ba pu apot kra sisinkai kilan.”
Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”
“Maiq phan phan roqshi ri phan nai kiiwa wela weshi shi tsealaq. Laüta tsangshiq ka Ngi raq Israilnok ma kuqtiikang Kanan mung kra aheawiq misi sin walaq.”
Ümtiikiiwa Israilnok ka Akasia tan na piitiip hai raüta sitaq, maiqwere ka kiijaq siti Mob mungti sheare rai haingahoto.
Kiimaq Salmon se ka Bowaj (anyung ka Rahab); Bowaj se ka Obed (anyung ka Ruth); Kiimaq Obed se ka Jessi,
“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.
Namshiq raq ara bomtsi arka asap han ahiq, jurwa sethoq sepii ja tlaq, ashe ashi klo raüta sitlaq, lo, asii aram wali sitlaqti (sükha tsii ka sumla noq ngarai) riika, Khristo nai Shiikeawe Mungtan wa achu shiiman ka lap wan lot mak.
Kiimahali, kamtsantsii maq sii hali, mephe nyung Rahab raq, Israilnok siwe wenai wataq kra, ahea wiq maq, siphu sino ikha shiikum pan kuqto. Kriikha maq, Shiikeawe kiqkhiiti, anok abin ümchuwa jiimtaq, kra rai jiimrai chang wa, apaiq ka tiichhiito.
Ara chongtiikai akhiisii hali, mephe nyung Rahab rilung manphan kiimin riito. Rahab raq Israilnok rewa siwe anai kra, apaiq jam na tao wan raüta, tiijapto. Kiimaq tsangnai ka ponglam miishe tiiju baiqto. Apaiq raq tsangnai tao wantaq kra, apaiq raq Shiikeawe ma kamtaq kra jaqsham maq tiichhikuqto. Kriikha maq, Shiikeawe raq apaiq ka kechu maiqse she dea nguta, apaiq khoqramkii miishe rai rii wanto.
Jurwa ümwokhong na simak, kiimaq ümnaq aming tlea tlaq, kriiti ka atsea baiq ratlo. Ningkun shoqwiishoq riilaq kiimaq srea nola ma jalaq!”
Jeriko chela rümti hokhamwe raq Israilnok siwebi saüwato. Raüta tsangmung sisin wa wato nguta tsütsa ka taito.
Helkath, kiimaq Rehab chela kra, kriithun tro binjü wa nyamse rümchang nyiimlung wakram kriimin romshaq pheakuqto.
Anap ranaiq miishe Joshua nai Israilnok tlotli ka ranap chu miili tiidoto. Raüta tsangshiq lamjap wan chang Shittim hiqshong kriiwa tiido wanto. Raüta Jordan rai kii kiina jap wanto. Raüta Jordan rai kra jin wan miitu tiijeme wanto.
Israilnok ka Jeriko chela tho na Gilgal tan na lamjap piitiip sitlaq bala, kra jipi lü wa raroqshiri rablai raji na, Tiichhiiwan Poi kloto.
Kiijiishe Laish chela tro binjü wa binhot wati maiq webiingi raq tsangshiq kongtibi ma akha nguto, “Namshiq raq ara hiqshong na maiq jam ashi na, pe maq ahai phra sumla ashi kampho ngamtai maq alo asi nguta saptlan shea? Kiimaq phra ahin sumla thun min asi, kiimaq asii ramwe miirii khea min asi. Nashiq raq jamkhii riihai jiiwa ahea miraq nguta tiima tlan?”
Raüta siwebi webiingi ka Mika jam mong na leaphok nyap wanto. Raüta pe maq ahai phra sumla kampho ngamtai maq alo kra, kiimaq phra sumla ahin thun kra, kiimaq asii miirii kra lam wato. Kiimaq ramwe ka sreabi shitrok rai chela kilamchong maq kheto.
Kra ningkhan, Dan phan mungmaiqse raq tsangshiqnok maiq aweraü phong wa, maiqwere srea nolabi webiingi tseato. Raüta Jora chela nai Eshtaol chela wa bin ajü hotki rongkiq nguta chongkuq raüta tiikito. Tsangshiq ka ku akin tonglong Ephraim wang na saüto raüta, tsangshiq ka Mika jam na japto.