JOSHUA 2:1 - Hawa Naga Bible 2001

¹ Kvruex yimaq Yoshua rueq Akasia jerak maq sisunx jix miq wanueyc kuex Kanaan mungx Yerikho ghaqyungx kuex tvhelc kay muex nvr tueq. Tsuingnueyc kvruex ghaq kvyuq httuiuc kaz tueq nuex vmuingc Rahab ngoz yaq mephex nyuiuz yuimx nuex wvrx shiz yuip tueq.

ASII LAKDAP Bible (BSI)

¹ Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

JOSHUA 2:1 Referencias Cruzadas

RAPHA HIQWA LAK 42:16

Nuimhez rueq jungx vshuinx kuex vsuing shuex vrot lac talc lawc muex, nuimhez wawc washiz waung vtueq nuimnox kuex shvlx woz kuinz, kvjungx yaq hez htenc kuex khoktep nuex shauk phaungx. Kvkhoc rvmuq ngoz ruiux hokhvmx waz vsuing rullungx tvraungx yaq rulc rv-ngvlc nuimhez kuex sisunx jix hez rvtuit,” ngoz tueq ngoz kuq tueq.

RAPHA HIQWA LAK 42:9

Piq rueq tsuinghez nuex seng vtueq maung kuex rvwvl lvp tueq, “Nuimhez kuex miq sisunx jix hez rvtuit, vruex mungx vyuq hungc vlaungc yomx yaq kuex sisunx tvkoc httuiuc kaz tuit rvmuq haz?” ngoz tueq ngoz kuq tueq.

Mikha 6:5

Ngvy miqsaz htenc lex, Moba Hokhvmx Balak rueq mkhoc lac kvmungx yaq nguinx nuiyc Beor saz Balam rueq piq muex mkhoc lac tvralc tvnx kvjaz kuex rvwvl shuinz. Akasia jerak nuiyc Gilgal jerak hvlwvl lvmx nuex yaungx wvnc tueq lvmz htenc kuex rvwvl shuinz. Nuimshiq rueq vruex lvmz htenc kuex rvwvl vtueq nuimshiq kuex palc wvnc tvkoc ngaz rueq shuimc wvnc tauk htenc kuex nuimshiq rueq tuiuz wvnc shuiux,” ngoz tueq jungx tueq.

WEAWEA 13:1

Yehowa rueq Moshe muex ngoc,

WEAWEA 13:2

“Israel miqsaz muex ngaz rueq kuq shaungx Kanaan mungx kuex helc roalc sisunx kay tvkoc vphvnx rokshiz rac vnueyc wawc walaungx washiz phok thvl shuiuz,” ngoz tueq nvr tueq.

WEAWEA 25:1

Israel miqsaz kuex Akasia Warc tvnx nuex jerak tec vtueq httax tueq baunglaung miqwaz rulc wvyvmc kuex Moba phvnx shvlx rulx rulc yaq phaq wuez tueq.

Matthew 1:5

Selmon nuiyc Rahab saz kuex Boaza, Boaza nuiyc Rutha saz kuex Obed, Obed saz kuex Jese,

Matthew 10:16

“Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.

Ephesians 5:5

Sahtok sapawx yaungc jix, vshuy vshac jix, kvkax wax jix lotlaz kuex Christu nuiyc Tishox Mungtan nuex nyuip lvp tuex rvmuq lvmx nuimshiq rueq tuiuz vshuinx. (Yvmx khoc lac ngoz ruiux lec kvkax wax lvmx kuex yac yuimx nawk lvmx phvnx shiz rvtueq.)

Hebrews 11:31

Kvmluimx vtueq Mephex nyuiuz Rahab rueq Israel miqsaz vsisunx jix kuex vhvlx waq malc wvnc ningkhvnc nuex, Tishox kvjaz tay phvnx muq jix miqsaz rulc vdvmz nuex thvy gay rvhumc muq.

James 2:25

Mephex nyuiuz Rahab lvmx muinz kvrulc rv-ngvlc rvtueq. Piq rueq vsiz vsunx jix Israel miqsaz kuex malc wvnc vtueq, punglvmx maq tvwaung gay tueq ningkhvnc nuex, piq kuex Tishox rueq tvtsuing tvrux kuy lvmx lvp wvnc tueq.

JOSHUA 1:18

Mnoz vrangx vpangx kuex wiz ruiux mnoz rueq nvr shuiux kuex kvjaz kuex tay phvnx muq waz ukhaq yuq muinz vthvy gay rvhumc tuex. Kvkhoc rvtueq mthuinz maq htvp htaz vtueq kvmx kuiuz!” ngoz tueq jungx tueq.

JOSHUA 2:2

Israel miqsaz wvyvmc rueq vruex mungx kuex sisunx muex raungwvrx nuex httuiuc kaz tueq thaungc kuex Yerikho hokhvmx waz rueq tay vtueq,

JOSHUA 21:31

Helkat, Rehob nuiyc suiux vmanx remc juing ghaq htenc rvtueq.

JOSHUA 3:1

Yoshua nuiyc Israel miqsaz lotlaz kuex raungnvp kvyix raungnvp maq kvtenc vtueq, Akasia jerak maq kaz wvnc vtueq Yodan ruilx nuex httuiuc kaz tueq, yuix kuex max yanz nuex tsuinghez rueq kvyuq jerak tec tueq.

JOSHUA 5:10

Israel miqsaz kuex Yerikho ghaq hep tvnx wawc Gilgal ngoz yaq hong nuex jerak tec tueq baunglaung, kvruex yapix raungx rokshiz rac raungx bvlic raungyac Tvlvy Wvnc Moalx kuex moalx tueq.

PHOWEBI 18:14

Kvruex yimaq Laish hong nuex helc roalc kay jix miq waz bv-ngac rueq tsuinghez kungjix bix htenc muex ngoc, “Vruex hong wawc yuimx vshiz shiz nuex kuimphox sawx maq vtvsvp rvp pulx yac httax yaq kuex nuimshiq rueq tuiuz vshuinx haz? Kvruex hong kvyuq vganc yac yuimx htenc nuiyc hungtuingx khvy vshiz httax yaq. Naunghez rueq yvmx khoc ruez ruiux lac vhvlx rvkhvmz tvnx tvmaung wuez vshuinx haz?” ngoz tueq wiz tueq.

PHOWEBI 18:17

Kvruex mungtan sisunx helc kay kaz tueq miq waz bv-ngac kuex yuimx khung nuex nyuip waung vtueq, kuimphox maq vtvsvp rvp pulx yac, vganc yac yuimx htenc nuiyc hungtuingx khvy kuex lvmz gay tueq; shomc waz koz vlaq pic jix miq 600 rulc vdvmz kaluix daungx nuex jvp yaq.

PHOWEBI 18:2

Kvkhoc rvtueq Dan miqsaz rueq vphvnx mungx nuex httax yaq vtaungx miq lotlaz htauk wawc wvhonc wvtharc jix miq waz bv-ngac kuex httauk vtueq, kvruex mungx hong kuex tvlawc htvp htaz kay tvkoc Zora nuiyc Eshtoal maq tsuinghez kuex tvkaz tueq. Ephraim hong nuex tsuinghez httuiuc kaz tueq nuex Mika yuimx nuex duiz wuez tueq.