WEAWEA 25:1 - ASII LAKDAP Bible (BSI)

¹ Ümtiikiiwa Israilnok ka Akasia tan na piitiip hai raüta sitaq, maiqwere ka kiijaq siti Mob mungti sheare rai haingahoto.

Hawa Naga Bible 2001

¹ Israel miqsaz kuex Akasia Warc tvnx nuex jerak tec vtueq httax tueq baunglaung miqwaz rulc wvyvmc kuex Moba phvnx shvlx rulx rulc yaq phaq wuez tueq.

WEAWEA 25:1 Referencias Cruzadas

2 HOKHVMX 23:7

Kiimaq apaiq raq Shomjam wang mong na shomjam na siti mephe-nyungre sichang jam thun kra wiita tiithen baiqto. (Kiijaq jechakre raq Ashera phra noqlam maq samchang samtong jong kaü thun kra taqtlo.)

Tvtsvmc 106:28

Kiijiishe Shiikea senginok raq Peor hiq maq Baal sumla noqdamto, raüta amaa tsitsü ahü tisho kong noqdamto.

DUNGWVNC 22:19

“Maiqwe re weshi ra raq, nyamse rai hainga raüla, apaiq ka atsea baiq ratlo.

DUNGWVNC 34:15

Kra mungti rai namshiq raq wehea riija tongshong raamak. Jamkhano ngukla tsangshiq raq tsangshiqnok thatsang phra kong kra shomnoq tlaq akhing na kiimaq honglu takuq tlaq akhing na, tsangshiq raq namshiq min lomki dam rongkiq nguta, namshiq ka mihea, kiimaq namshiq ka tsangshiqnok phra kong ma honglu na ataakuq phaqsea kra lomdam chang she mijaki.

THARC TVLUINGC 7:26

Ngi raq maiqse rilung na phanshi chhi wan kang. Kriika tsailam khobok nam ma akhap pinthum. Kriika jechak abi nyung kra. Apaiq raq ümnaq lungwii tlaq kriika ümnaq min rai chang bi atsan. Kriika wushi tiimin chang chiiq achan ikha. Kiimaq ajaq maq ümnaq pomtlaq kriika jinraü kharü ikha ümnaq mikhaho. Jurwa Shiikeawe tiichochi tlaq kriiti kli kriinyung thiikho wa mitiichhii lot. Shatmaq apaiq raq ngarai maiqse ka mikhaho.

JEREMIA 40:11

Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

EJEKIEL 20:21

“Shatmaq kriipatti mungmaiqse riimin lanlaqlaq ikiq ka khii wanto. Tsangshiq raq itri raütu ka jin wanto. Kiimaq Ngi raq akuqha aming raütu, thun, jurwa langtlaq kriiti ma rilung tsitsü keti aming thun ka lang mak shishe baiqto. Tsangshiq raq Asii Niitiitsak Ranaiq ka atiishe shi riiwanto. Ngi ka itsankhiq walü nyaitlaq kra tsangshiq khuthaq na kumtsaiphii mung maq chaqbaiq laq nguta tiima wan kang. Lata tsangshiq ka jiipbaiqlaq nguta tiima kang.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

Mikha 6:5

Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

WEAWEA 25:17

“Midiannok ka khat laq. Laüta tsangshiq ka chongthum tiija baiq laq.

WEAWEA 31:2

“Midiannok raq Israilnok ma jamlai wa riitaq kriikha na tsangshiq ma mo tiiholaq. Ümniika kra jaqsham lot laütiitiq mitsai haü.”

1 Corinthians 10:8

Nashiq min tsangshiq phong wa maiq wiijamti raq sethoq sepii ngarai tang wan taq kiikha, ngarai tang raa mak. Tsangshiq raq kiikha ngarai tangtaq kriikha maq, ranaiqshi niili maiq ka hingroq nai ri hingblai jiimto.

TRI CHONGKE 3:29

“Krai mren she dea, nashiq ka kra hiq thungtan na Bethpeor chela maq kha riire wang niishe sikai.”

TRI CHONGKE 32:38

Namshiq raq kriithun ka honglu ngampü maq dunglan ihata, lanta tsangshiq ma spiqtai kuq nyang lan ihata. Tsangshiq ka ümchaü waraüta namshiq ka mikhrum kuq liina; tsangshiq ka ju raüta namshiq ka mitiichhii kuq liina.

TRI CHONGKE 4:3

Tatiwe raq Peor Pum maq jamlai wa riitaq kra namshiq raq maiqmii mak maq achhilan. Apaiq raq Baal phra shomnoqti maiq wiita tsatbaiqto.

JOSHUA 2:1

Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

JOSHUA 22:17

Nashiq raq Peor chela maq ngarai tang laita, Tatiwe raq asenginok ka thabi tiidong raüta tiijiim baiqtaq ira tsan na asi khata? Kra ngarai kha na nashiq ka ümchaü niitaq chamchao tiikai ara. Riita kra ngarai thaq na jaram tiitsuq wa?

JOSHUA 3:1

Anap ranaiq miishe Joshua nai Israilnok tlotli ka ranap chu miili tiidoto. Raüta tsangshiq lamjap wan chang Shittim hiqshong kriiwa tiido wanto. Raüta Jordan rai kii kiina jap wanto. Raüta Jordan rai kra jin wan miitu tiijeme wanto.

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.