JOSHUA 21 - ASII LAKDAP Bible (BSI)

Lewi Phan Rii Apheakuq Chela Thun

¹ Kra akhing na Lewi phan welabi ka ramwe Eleajar nai Nun se Joshua kiimaq Israilnok phan wa kaüwa weraü welabi phana wato.

² Raüta, Kanan mung na Shilo chela maq akha chongto, “Tatiwe raq Mosheq ma, naishiq Lewi phan ma naishiq shongchang chela thun phea chang. Kra chela thun tro binjü na nyamse rüm chang nyiimlung rü asi riichang,” nguta aming kuqto.

³ Krai mren, Tatiwe raq aming kuqtaq kra phanphan, Israilnok raq tsangshiqnok hiqshong achumkuq kriiwa, Lewi phan rii chela thun wiijam ka atro binjü na nyamse rümchang nyiimlung rü asisi thun kra nongnong maq chumkuqto.

⁴ Kohath phan weraü thun ma apha shaqshaq chela thun ka pheakuqto. Ramwe Aron phan saüse maiqta thun miika chela roqshi ri atsam Juda phan, Simeon phan, kiimaq Benjamin phan rii hiqshong wa chumkuqto.

⁵ Kiimahali Kohath weraü phan wa maiqta ahinti thun miika Ephraim phan rii, Dan phan rii, kiimaq Shenyap nü na siti Manase phan rii hiqshong kriiwa chela roqshi pheakuqto.

⁶ Kiimahali, Gershon phan weraü maiqta thun miika, chela roqshi ri atsam Isakar phan rii, Ashar phan rii, Naphtali phan rii, kiimaq Shedong nü na siti Manase phan rii hiqshong wa chumkuqto.

⁷ Kiimahali, Merari phan weraü maiqta thun miika, chela roqshi ri anai Reuben phan rii, Gad phan rii, kiimaq Jebulun phan rii hiqshong wa chumkuqto.

⁸ Tatiwe raq Mosheq ma aming kuqtaq kra phanphan, Israilnok raq langlii raüta ara chela thun nai kra tro binjü wa nyamse rümchang nyiim lung rü wakram sitlaq kra pheakuqto.

⁹ Juda phan hiqshong kiimaq Simeon phan hiqshong wiika arthun chela ara pheakuqto.

¹⁰ Tsangshiq ka Aron saüse phan. Tsangti Kohath weraü wa. Kiimaq tsangti tipai ka Lewi. Tsangshiq rii ka apha shaqshaq chumkuqto.

¹¹ Tsangshiq miika Arba chela (Arba ka Anak we mang), kra chela ka ümchaü Hebron ngutlo. Arka Juda mung wa ku akin tonglong wang na kiimaq kra tro binjü wa nyamse rümchang nyiimlung asisi wakram thun kra romshaq chumkuqto.

¹² Shatmaq kra chela hong binjü wa wakram thun riiwe kla kongkhuji miiphü Jephunne se Kelib ma apaiq rii tachong hiqshong ma achumke wishe riito.

¹³ Hebron chela armin chiimjin chang chela phong wa ashi riito. Ara tiitsuq ma ramwe Aron saüsetiim phan miika arthun chela armin pheakuqto: Libna,

¹⁴ Jattir, Eshtemoa,

¹⁵ Holon, Debir,

¹⁶ Ain, Jutta, kiimaq Beth Shemesh chela thun riito, kiimaq kriithun tro binjü wa nyamse rümchang nyiimlung asisi thun kriimin romshaq chumkuqto. Juda phan rii nai Simeon phan rii hiqshong binjü kiiwa chela tiikaü pheakuqto.

¹⁷ Kiimaq Benjamin phan rii hiqshong binjü wiika chela blai pheakuqto. Kra chela thun ka: Gibeon, Geba,

¹⁸ Anathoth, kiimaq Almon chela thun riito kiimaq kra tro binjü wa nyamse rümchang nyiim lung wakram thun kiimin romshaq pheakuqto.

¹⁹ Chela roqshi ri atsam kiimaq kra tro binjü wa nyamse rümchang nyiimlung wakram ka Aron saüse phan ramwebi thun maq pheakuqto.

²⁰ Kiimaq Lewi saüse phan wa Kohath weraüta wa maiqta tahinti thun miika, Ephraim phan rii hiqshong binjü wa chela thun wiijam ka chumkuqto.

²¹ Tsangshiq ma chela blai kuqto: Ku akin tonglong Ephraim wang wa, Shekhem chela kra chela tro binjü wa nyamse rümchang nyiimlung wakram kiimin romshaq kuqto. (Arka Chiimjin Chang chela phong wa ashi riito). Kiimaq Gejar,

²² Kibijaim, kiimaq Beth Horon kiimaq kra tro binjü wa nyamse rümchang nyiimlung wakram thun kriimin romshaq kuqto.

²³ Kiimahali Dan phan rii hiqshong wa chela blai kuqto: Elteke, Gibbethon,

²⁴ Aijalon, kiimaq Gathrimmon chela kra, kriithun tro binjü wa nyamse rümchang nyiimlung wakram kriimin romshaq raüta kuqto.

²⁵ Kiimaq, Shenyap nü na siti Manase phan rii hiqshong wiika, tsangshiq ma chela anai kuqto: Taanakh nai Gathrimmon chela kra nyamse rümchang nyiimlung wakram nongnong maq kuqto.

²⁶ Riita ara Kohath weraüta thun raq chela ka roqshi, kra tro binjü wa nyamse rümchang nyiimlung wakram thun kriimin romshaq lapto.

²⁷ Kiimaq Lewi saüse phan Girshon weraüta thun miika, Shedong nü wang na siti Manase phan rii hiqshong binjü kiiwa chela anai chumkuqto: Bashan wang Golan (arka Chiimjin chang chela phong wa ashi) kiimaq Beeshetera, kra wiinai tro binjü wa nyamse rümchang nyiimlung rü wakram thun kiimin romshaq lapto.

²⁸ Kiimaq Isakar phan rii hiqshong binjü kiiwa tsangshiq raq chela blai lapto: Kishion, Daberath,

²⁹ Jarmuth, kiimaq Engannim chela thun ka kra tro binjü wa nyamse rümchang nyiimlung wakram kriimin romshaq lapto.

³⁰ Kiimaq Ashar phan rii hiqshong binjü kiiwa chela blai lapto: Mishal, Abdon,

³¹ Helkath, kiimaq Rehab chela kra, kriithun tro binjü wa nyamse rümchang nyiimlung wakram kriimin romshaq pheakuqto.

³² Kiimahali Naphtali phan rii hiqshong binjü wiika, tsangshiq raq chela atsam lapto: Gelili wang wa Kedesh, kra chela tro binjü wa nyamse rümchang nyiimlung wakram kiimin romshaq (arka chiimjin chang chela phong wa ashi), kiimaq Hammoth Dor, kiimaq Kartan chela thun ka, kriithun tro binjü wa nyamse rümchang nyiimlung wakram kriimin romshaq raüta kuqto.

³³ Riita, Gershon weraü thun miika tlotli chela roqshi ri atsam, kriithun tro binjü wa nyamse rümchang nyiimlung wakram kiimin romshaq raüta kuqto.

³⁴ Kiimaq Lewi saüse phan wa Merari weraüta thun miika, Jebulun phan rii hiqshong binjü kiiwa chela blai kuqto: Jokneam, Karta,

³⁵ Dimna, kiimaq Nahalal chela thun, kiimaq kriithun tro binjü wa nyamse rümchang nyiimlung wakram thun kriimin romshaq raüta chumkuqto.

³⁶ Kiimahali Reuben phan rii hiqshong binjü wiika tsangshiq raq chela blai lapto: Bejar, Jahaj,

³⁷ Kedemoth, kiimaq Mephath chela thun kiimaq kriithun tro binjü wa nyamse rümchang nyiimlung wakram kriimin tromshaq pheakuqto.

³⁸ Kiimahali Gad phan rii hiqshong binjü kiiwiika tsangshiq raq chela blai lapto: Gilead wang wa Ramoth, kra tro binjüwa nyamse rümchang nyiimlung wak ram thun min romshaq (arka Chiimjin chang chela phong wa ashi), lapto, kiimaq, Mahanaim,

³⁹ Heshbon, kiimaq Jajar chela thun ka, kriithun tro binjü wa nyamse rümchang nyiimlung wakram nongnong pheakuqto.

⁴⁰ Krai mren, Menari weraüta thun miika tlotli chela roqshi ri anai pheakuqto.

^41-42 Israilnok raq Kanan mung wa hiq ümtinkhan wa lap wantaq kriiwa, tsangshiq raq Lewi phan miika chela roqblai ri tiichat, kriithun tro binjü wa nyamse rümchang nyiimlung wakram thun romshaq maq pheakuqto.

Israilnok Raq Kanan Mung Ka Lapto She

⁴³ Riita man na Tatiwe raq tsangtitiim ma mung mikuqha nguta kiqkham kuqtaq kra phan phan she, Israilnok ma mung ka tlotli she kuqto. Riita tsangshiq raq mung ka lap raütiishe, tsangshiq ka kiijiishe shong wanto.

⁴⁴ Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.

⁴⁵ Tatiwe raq Israilnok ma kiqkham kuqtaq bomtsi thun ka poshi min tiipoi mak maq, thumthum tiihong kuqto.