JOSHUA 21:43 - ASII LAKDAP Bible (BSI)

⁴³ Riita man na Tatiwe raq tsangtitiim ma mung mikuqha nguta kiqkham kuqtaq kra phan phan she, Israilnok ma mung ka tlotli she kuqto. Riita tsangshiq raq mung ka lap raütiishe, tsangshiq ka kiijiishe shong wanto.

Hawa Naga Bible 2001

⁴³ Ekvkhoc rvtueq tsuingshiq muex vpiq rueq kuq phaungx ngoz tueq tsuingshiq jix vwaz tamx muex khvmc kuq tueq mungtan lotlaz Israel miqsaz muex Yehowa rueq kuq tueq, kvruex tsuingshiq rueq lvp wvnc vtueq kvyuq httax wuez yaq.

JOSHUA 21:43 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 13:15

Ümniiraq ümmak maq aham ham hiq ara ümchuwa chhitlaü thun kra, Ngi raq ümniima nai ümsaü ümsetiim ma wiita mikuqha. Kiimaq armung ka pattup pat-sa miitu ümniiriishe miraq.

RAPHA HIQWA LAK 28:4

Riita apaiq raq Abraham ma shiiman kuqtaq kiikha ümniikiimin mishman kuqlaq. Kiimaq ümsaü ümsetiim thun kiimin mishman kuqlaq. Kiimaq ara ümnaq siwan laü mung ara, kiimaq Shiikeawe raq Abraham ma kuqtaq mung ara, ümniimiishe mitlap wanlaq!”

2 KAÜWA WERAÜ 20:8

Tsangshiq ka armung na shong wanto. Kiimaq ümnaq shreng chang Shomjam ka haito. Kriika tsangshiq raq asap.

NEHEMIA 9:24

Tsangshiq raq Kanan mung ka long wanto. Ümwokhong maq tsangshiq raq, tangto. Ümniiraq ümsenginok ma tsangshiq rewe ka, ji maq tiini wan laü, tiibun tlak khat wan miitu, ningkun kuq wan laü. Tsangshiq raq Kanan mung na siti, chiqse rewe nok ka, tsang hokhambi rai rewe thun aki ka, wiita khat wan miitu ningkun kuq laü.

NEHEMIA 9:8

Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

Tvtsvmc 105:8

Apaiq raq atongshong ka pattup pat-sa mithü, akiqkham raüpot ka maiqpat hingshi miitu mithü.

Tvtsvmc 44:3

Ümsenginok raq Kanan mung ka tsangshiq nepja maq khat raüta atang wan riimak, tsangshiq srea nola ningkun maq atang wan riimak; kriika ümningkun maq kiimaq ümhong ümla maq, ümniika tsangshiq rai nongnong sikha maq, kriika ümniiraq tsangshiq ka lungwiitlaü dea nguta man tiichhi hakhi riito.

Tvtsvmc 78:55

Apaiq raq kra mung na siti noktinok thun ka asenginok raq khat wan wan raüta hiqshong thun jiiwantlaq kra phan phan jobaiq wanto; apaiq raq kra mung wa hiq ka Israilnok maiqphan ümchu wa kriima chumkuqto raüta tsangshiq jam thun ka asenginok ma kuqto.

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

WEAWEA 33:53

Lanta mung ka jii wan ronglaq. Lanta kra mung na shong wan ronglaq. Jamkhano ngukla kra mung ka Ngi raq namshiq miishe kuq tiikang.

WEAWEA 34:2

Israilnok miitu arthun tri raütu ara kuqto: “Ümtiikiiwa namshiq ka Ngi raq kuq tiikang Kanan mung niishe misaü han, nam mung hiq rai thun ka akha miraq.

TRI CHONGKE 11:31

Namshiq ka Jordan Rai ka jin wan nini she. Lanta Tatiwe namshiq Shiikeawe raq kuqtlaq mung kra lap wan nini she. Ümtiikiiwa namshiq raq mung ka milap han, lanta mishong wan han,

TRI CHONGKE 12:29

Mosheq raq Israilnok ma nguto, “Tatiwe namshiq Shiikeawe raq namshiq maiq mung thun kra khat wantlan kra phan phan wiita miqchup mishthen baiq wan. Kiimaq namshiq kra mung thun ka mijii wan han. Lanta kiijaq mishong nga wan han.

TRI CHONGKE 17:14

Mosheq raq Israilnok ma nguto, “Tatiwe üm Shiikeawe raq ümniima kuqtlaq mung kra ümniiraq jiiwan lot jaishe, ümniika kra hiq niishe shong nga wan haüla, ümniiraq üm tro na nanok maiq mung ahinti sitlaq kiikha ümnaq miimin hokham miraa ngutiishe bom ka mithap thi wan haü.

TRI CHONGKE 34:4

Kra lot raütiishe Tatiwe raq Mosheq ma nguto, “Armung ahata Ngi raq Abraham ma, Isak ma, kiimaq Jakob ma, tsangsaütiim ma mikuqha nguta kiqkham kuqkang mung kra. Ngi raq ümniima tiichhi kuqkang she. Shatmaq Ngi raq ümniika kiina tiiwa mang.”

JOSHUA 1:6

Ningkun shoqwiishoq maq srea nola ma jalaq. Ümwokhong maq tsangshiq shea laüta, ngi raq tsangtitiim ma kiq akhamkuqha, ara mung ara mijii wan han. Lanta misiq wan han.

PHOWEBI 11:24

Riita, ümniiriika hiqshong thun ka nyeahola ngutiisha tankhan tlaü? Ümphra kaü Kemosh raq ümniima ümtinkhan wa hiq kuqtaq kriili thü liina. Shatmaq naishiq riika, Tatiwe naishiq Shiikeawe raq hiqshong rahai ümchuwa kuqtaq kra wiita kunkun mithühai.

1 SAMUEL 12:8

Man na Jakob nai apaiq jamtitiim ka Ejip mung na kihoto. Kiimaq Ejip mungti raq tsangshiq ka pinthum tiichamchaoto. Kriikha na namtitiim ka khrum jaü Tatiwe man na hoqtrangto. Krai mren apaiq raq Mosheq nai Aron tiikito, raüta tsangnai raq tsangshiq ka Ejip mung wa tsuq wan raüta, armung na tiishong wanto.