JOSHUA 21:43 - Hawa Naga Bible 2001

⁴³ Ekvkhoc rvtueq tsuingshiq muex vpiq rueq kuq phaungx ngoz tueq tsuingshiq jix vwaz tamx muex khvmc kuq tueq mungtan lotlaz Israel miqsaz muex Yehowa rueq kuq tueq, kvruex tsuingshiq rueq lvp wvnc vtueq kvyuq httax wuez yaq.

ASII LAKDAP Bible (BSI)

⁴³ Riita man na Tatiwe raq tsangtitiim ma mung mikuqha nguta kiqkham kuqtaq kra phan phan she, Israilnok ma mung ka tlotli she kuqto. Riita tsangshiq raq mung ka lap raütiishe, tsangshiq ka kiijiishe shong wanto.

JOSHUA 21:43 Referencias Cruzadas

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 13:15

Mnoz rueq khiz vshuiux ghaq vraungx htenc kuex ngaz rueq mnoz nuiyc msuiuz msaz hez muex mkaq muinz kuy tvlanc kuq phaungx.

RAPHA HIQWA LAK 28:4

Abraham muex vpiq rueq ruimruimx kuq tueq kvkhoc, mnoz muex nuiyc msuiuz msaz htenc muex muinz ruimx mruimx kuq shueq, Tishox rueq Abraham muex kuq tueq, mnoz httax vtuiux ghaq vraungx wawc tsak vnyvmx htenc kuex mnoz muex mruez kueq!” ngoz tueq jungx kuq tueq.

2 KAÜWA WERAÜ 20:8

Tsuingshiq kuex vruex mungx vyuq httax vtueq mnoz muex tvtsanc nganc tvkoc shomc yuimx vshiz kuex guirx tueq,

NEHEMIA 9:24

Tsuingshiq rueq Kanaan mungx kuex lvp wvnc tueq; kvyuq httax yaq miq htenc kuex mnoz rueq yurc gay toq. Mnoz rueq mmiqsaz htenc muex Kanaan hokhvmx bix nuiyc mungx miqsaz htenc kuex guirguenc lot juing hungc vlaungc kuq toq.

NEHEMIA 9:8

Mnoz muex piq tvmtuing httax yaq kuex khiz vtueq, mnoz rueq piq rulc bomkhvrc taq toq. Mnoz rueq piq muex Kanaan miqsaz htenc ghaq vraungx, Hitti nuiyc Amori miqsaz ghaq vraungx, Perizi, Jebusi, Girgashi, kvruex mungx kuex piq suiuz vsaz httaz muex kuq toq. Mnoz tvmtuing rvtoq rulc rv-ngvlc, mnoz bomkhvmc kuex tv-phaungx taq toq.

Tvtsvmc 105:8

Vpiq rueq vpiq bomkhvrc kuex pattup tv-phaungx ngaungx shuex, vpiq bomkhvmc htenc kuex miq pat hingshiz tvkoc rvtueq.

Tvtsvmc 44:3

Mmiqsaz htenc rueq kvruex ghaq vraungx kuex yaung htenc maq khvt taungx wvnc tueq rvmuq; tsuingshiq luimc vkawc maq kvruex mungx kuex lvp wvnc tueq rvmuq; kvruex kuex mnoz luimc vkawc nuiyc mnoz hungc vlaungc maq tsuingshiq muex mlungwawc tvkhic toq ngoz yaq, mnoz tsuingshiq rulc vdvmz nuex httax vtuiux bomkhvmc ning-khvnc nuex rvtueq.

Tvtsvmc 78:55

Vpiq miqsaz htenc khaungx tvmax nuex kaz tueq nuex, kungkhux vhttax miqphvnx htenc kuex vpiq rueq tvdung yurc gay ruiux; Israel waruiuz htenc muex tsuingshiq ghaq vraungx htenc phvlx tueq nuiyc vpiq miqsaz htenc muex tsuingshiq yuimx htenc kuex kuq tueq.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

JEREMIA 32:23

Yuq muinz tsuingshiq kuex vruex mungx vyuq httuiuc waung vtueq, vruex mungx kuex guimz lvp wvnc tueq nuex, tsuingshiq kuex mnoz rueq nvr toq htenc muinz, mnoz rueq tvluing kuq vshuiux kvkhoc httaz tvkoc muinz tay phvnx wuez muq; tsuingshiq rueq shuimc tvkoc mnoz rueq nvr toq kuex tsuingshiq rueq yvmx muinz shuimx muq. Kvkhoc rvtueq mnoz rueq tsuingshiq htauk nuex vruex tvbac tac gay lvmz lotlaz tvdung kuq toq.

WEAWEA 33:53

Ngaz rueq kvruex mungx kuex nuimshiq muex kuq phaungx ningkhvnc nuex nuimshiq rueq kvruex mungx kuex khvt taungx gay ruiux kvyuq httaz shaungx httax ngaungc wuez rax.

WEAWEA 34:2

Israel miqsaz htenc tvkoc vkhoc tvkhic jungx kuq tueq: “Nuimshiq kuex ngaz rueq kuq phaungx Kanaan mungx kvyuq httuiuc waung ruiux yuq, nuimshiq rueq guimz shuinx ghaqruiy kuex vkhoc rvtueq.

TRI CHONGKE 11:31

Nuimshiq rueq Yodan Ruilx kuex rvp wvnc vtueq Yehowa nuimshiq Tishox rueq kuq shuex mungx kuex lvp wvnc shuinx shex. Nuimshiq rueq kvruex mungx kuex lvp wvnc vtueq httaz shaungx httax tuinx yuq,

TRI CHONGKE 12:29

“Nuimshiq kay juing mungx nuex httax yaq miqphvnx htenc kuex Yehowa nuimshiq Tishox rueq tvbac gay shuex ningkhvnc nuex nuimshiq rueq kvruex mungx kuex lvp wvnc vtueq kvruex mungx kvyuq httax wuez tuinx.

TRI CHONGKE 17:14

“Yehowa nuimshiq Tishox rueq kuq shuex mungx kuex nuimshiq rueq khvt lvp wvnc ruiux yuq, kvruex tvroz wawc mungganc phvnx rueq ikhoc hokhvmx washiz tvduic roc wuez shuinx.

TRI CHONGKE 34:4

Kvkaq Yehowa rueq Moshe muex ngoc, “Vruex mungx kuex Abraham, Esak, Yaku suiuz vsaz phvnx muex kuq shaungx ngoz tueq ngaz rueq bomkhvmc vtaq mungx rvtueq. Ngaz rueq mnoz muex tvkhic kuq vphaungx, yuq muinz kvruex mungx kvyuq mnoz httuiuc kaz muq,” ngoz tueq jungx tueq.

JOSHUA 1:6

Mthuinz maq htvp htaz vtueq vkhvmc thuinz httax kuiuz, ngaz rueq tsuingshiq jix vwaz muex bomkhvmc taq tauk mungtan kuex tsuingshiq rueq guimz lvp wvnc shuex nuex, mnoz kuex miq htenc kvmac vyungx yaungx tuiux.

PHOWEBI 11:24

Mnoz rueq kvruex yez lvp yek tvkoc haz hunglaungx vtuinx? Mtishox Kemosh rueq mnoz muex kuq kv-phux tanc khvnc mnoz rueq lvp wvnc shuiux. Yuq muinz Yehowa nuiyshiq Tishox rueq nuiyshiq muex kuq phuex rulc rv-ngvlc nuiyshiq rueq phvnx ruip saz kuex lvp wvnc tiq rvtueq.

1 SAMUEL 12:8

Yaku nuiyc piq yuimx wuinz kuex Ejip mungx nuex kaz wvnc tueq nuex, Ejip miqsaz rueq tsuingshiq kuex tuinghtuing koq tueq, nuimshiq jix vwaz hez rueq tsuingshiq muex romc kuy tvkoc Yehowa kox wawc guyc sez thoz koq tueq, Ejip mungx wawc tvdung shvlx wvnc tueq Moshe nuiyc Arun kuex vpiq rueq tvkay ningkhvnc nuex vruex mungx vyuq tsuingshiq httax yaq.