JOSHUA 21:44 - Hawa Naga Bible 2001

⁴⁴ Tsuingshiq jix vwaz tamx muex bomkhvmc kuq tueq rulc rv-ngvlc wvmungx tuimx nuex nomic httaz muex Yehowa rueq tsuingshiq muex kuq tueq. Yehowa rueq Israel miqsaz ralx lotlaz kuex tvtaungx gay ningkhvnc nuex ralx lotlaz kuex vshiz raung muinz kvtenc jvp lot muq.

ASII LAKDAP Bible (BSI)

⁴⁴ Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.

JOSHUA 21:44 Referencias Cruzadas

2 KAÜWA WERAÜ 13:16

Israel miqsaz htenc kuex Yuda miqsaz kox wawc yuz wvnc koq tueq, Tishox rueq Yuda miqsaz htenc muex tvtaungx wvnc lvmx tvlvp tueq.

DUNGWVNC 23:31

Ngaz rueq nuimshiq ghaq vraungx ghaqruiy kuex Yuix Shawx Jumx maq Svmuktvrax Mediteranean nuex httuiuc laz, kumtsvy tvnx maq Euphrat Ruilx nuex httuiuc laz kuq phaungx. Kvruex mungx wawc miq htenc kuex ngaz rueq nuimshiq muex kuq phaungx luimc vkawc maq tsuingshiq kuex yurc gay shuinx.

DUNGWVNC 33:14

Yehowa rueq, “Ngaz kuex mnoz rulc kaz naungx vtueq, ngaz rueq mnoz muex tvtaungx kuq phaungx,” ngoz tueq jungx tueq.

ISAIA 63:14

Ghaq vbur warc tvnx nuex suiux vngac htenc kaz wvnc yaq ikhoc, Yehowa rueq vpiq miqsaz htenc muex nyec tvkuiyq juing kuq shuex. Vpiq rueq vpiq miqsaz htenc muex lvmx shvlx kuq ruiux vpiq muingc kuex tvtsanc nganc tueq.

TRI CHONGKE 2:36

Yehowa naungshiq Tishox rueq Aranon warc kawx nuex httax yaq Aroer ghaq nuiyc warc tvnx vmungx baung nuex httax yaq ghaqyungx maq phaungc vtueq, Gilead nuex httuiuc laz miqghaq htenc kuex naungshiq muex tvkhvt gay phuex. Mruex ghaq maq muinz naungshiq kuex tvgawx lot muq.

TRI CHONGKE 21:10

“Yehowa nuimshiq Tishox rueq ralx tvtaungx gay ningkhvnc nuex nuimshiq rueq ralx sumx jix hez wawc thuq lvp wvnc shuinx yuq,

Hebrews 4:9

Kvkhoc rvtueq raungx mvshix raungnuiyq nuex Tishox rueq nyec tvkuiyq tueq ikhoc, Tishox miqsaz htenc tvkoc nyec tvkuiyq juing raungnuiyq vshiz httax yaq doc.

JOSHUA 1:13

“Yehowa nuimshiq Tishox rueq Yodan Ruilx maq shaldungc kox hong kuex nuimshiq httax juing ghaq muex tvyaungc shaungx ngoz tueq, Yehowa nvrc waz Moshe rueq nuimshiq muex mkhoc lac jungx shec tvnx kuex rvwvl wuez shuinz.

JOSHUA 1:15

Yehowa nuimshiq Tishox rueq vkuq Yodan Ruilx maq shalx nyuip kox mungx kuex khvt lvp wvnc shuex nuex httuiuc laz tsuingshiq muex romc kuy rax. Israel phvnx lotlaz muex kvwungx juing tvhungx kuq shec vtueq jix nuimhez kuex yek waung vtueq Yehowa nvrc waz Moshe rueq nuimshiq muex kuq shec tueq Yodan Ruilx maq shaldungc kox mungx kvyuq httax waung tuinx,” ngoz tueq jungx tueq.

JOSHUA 1:5

Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

JOSHUA 11:12

Yehowa nvrc waz Moshe rueq jungx tueq rulc rv-ngvlc, Yoshua rueq ghaqyungx htenc nuiyc kvruex wawc hokhvmx bix htenc, mungx miqsaz htenc kuex vshiz muinz tvjungx muq thvt gay tueq.

JOSHUA 11:23

Yoshua kuex Yehowa rueq Moshe muex nvr tueq rulc rv-ngvlc, wvmungx tuimx khvt vtueq Israel miqsaz muex tsuingshiq tsak jungx ghaq muex vpiq rueq kuq vtueq, miqphvnx tek muex phvlx kuq tueq. Kvkhoc rvtueq miq htenc kuex rv-khvt rvlungc yaq wawc nyec tvkuiyq wuez tueq.

JOSHUA 11:8

Yehowa rueq ralx htenc kuex Israel miqsaz muex tvtaungx gay tueq; Israel miqsaz rueq ghaqkhux kox Sidon ghaq nuiyc Misrephot ghaq nuex httuiuc laz, shaldungc kox Mizpa warc nuex httuiuc laz ralx htenc kuex yurc khvt vtueq washiz muinz tvjungx muq thvt gay tueq.

JOSHUA 2:24

“Vsuingc suing Yehowa rueq naungshiq muex kvruex mungx wvmungx tuimx kuex kuq phuex shex. Mungx miqsaz lotlaz naungshiq muex hisungx wuez yaq,” ngoz tueq jungx tueq.

JOSHUA 22:4

Majuiuc kuex vpiq rueq bomkhvmc kuq kv-phuinx rulc rv-ngvlc, Yehowa nuimshiq Tishox rueq nuimshiq phvnx vmaq Israel miqsaz muex nomic shex kuq tueq. Kvkhoc rvtueq Yehowa nvrc waz Moshe rueq kuq shec kv-phuinx Yodan ruilx maq shaldungc kox wawc nuimshiq tvkoc lvp taq shec tuit ghaq vraungx wawc yuimx kvyuq yek waung wuez kuinz.

JOSHUA 22:9

Kvkhoc rvtueq Ruben, Gad nuiyc Shaldungc Manase phvnx htenc kuex miqmac yuimx nuex yek waung wuez tueq. Tsuinghez kuex Kanaan mungx Shilo ghaq nuex httax yaq Israel miqsaz kox maq kaz wvnc vtueq, Yehowa rueq Moshe maq raz tueq nvr tueq rulc rv-ngvlc tsuingshiq rueq vlvp taq Gilead mungx nuex yek waung wuez tueq.

JOSHUA 23:1

Loayc hvlc httvmx wvnc tueq yix maq Yehowa rueq tsuingshiq tvroz nuex httax yaq ralx htenc kuex tvsuingx kuq gay ruiux, Israel muex tvguing kuq tueq. Yoshua muinz rullungx nyuiuz waz shex rvtueq,