JOSHUA 21:45 - Hawa Naga Bible 2001

⁴⁵ Yehowa rueq Israel miqsaz muex kuq tueq bomkhvmc httax yaq lotlaz kuex tvhungx kuq tueq.

ASII LAKDAP Bible (BSI)

⁴⁵ Tatiwe raq Israilnok ma kiqkham kuqtaq bomtsi thun ka poshi min tiipoi mak maq, thumthum tiihong kuqto.

JOSHUA 21:45 Referencias Cruzadas

1 HOKHVMX 8:15

Piq rueq, “Yehowa Israel Tishox muex tvtsvmc wuez shuinz! Iwaz Dawid muex vpiq rueq taq tueq bomkhvmc kuex tvhungx muex vpiq rueq jungx tueq kuex,

1 HOKHVMX 8:20

“Majuiuc kuex Yehowa rueq vpiq bomkhvmc kuex tvhungx wvnc tueq rulc rv-ngvlc, Israel hokhvmx waz rvtueq iwaz hoc nuex ngaz kuex tvhttoarc ngaungc vtaungx rvtueq, Yehowa Israel Tishox muex nawk palx tvkoc Shomc Yuimx kuex ngaz rueq guirx lot tauk shex.

1 HOKHVMX 8:24

Iwaz Dawid muex mnoz rueq kuq shec toq bomkhvmc kuex mnoz rueq tvhungx tvmvrc kuq toq; mkvjaz htenc kuex majuiuc raungnuiyq mvrc tueq shex.

1 HOKHVMX 8:56

“Vpiq rueq bomkhvmc taq tueq rulc rv-ngvlc vpiq miqsaz htenc muex nomic kuy jix Yehowa muex tvtsvmc wuez shuinz. Vpiq nvrc waz Moshe maq raz tueq kuq shec tueq vganc bomkhvmc htenc lotlaz kuex vpiq rueq tvhungx wvnc tueq.

NEHEMIA 9:8

Mnoz muex piq tvmtuing httax yaq kuex khiz vtueq, mnoz rueq piq rulc bomkhvrc taq toq. Mnoz rueq piq muex Kanaan miqsaz htenc ghaq vraungx, Hitti nuiyc Amori miqsaz ghaq vraungx, Perizi, Jebusi, Girgashi, kvruex mungx kuex piq suiuz vsaz httaz muex kuq toq. Mnoz tvmtuing rvtoq rulc rv-ngvlc, mnoz bomkhvmc kuex tv-phaungx taq toq.

ISAIA 48:3

Yehowa rueq Israel muex, “Mvnnuex yvmx lac yaungx wvnc tuex lvmz kuex ngaz rueq tvluz nuex jungx wvnc tauk; kvruex yimaq ngaz rueq kvruex huingc rvhek maq tvyaungx wvnc tauk.

WEAWEA 23:19

Tishox kuex miqsaz ikhoc vrot vkaq kvjak muq; Miqsaz ikhoc thuinz kvlec lauz muq. Bomkhvmc rulc rv-ngvlc shuimx yaq; Jungx shuex rulc rv-ngvlc yaungx woz yaq.

1 Corinthians 1:9

Tishox kuex vtvluimc juing waz rvtueq, vpiq rueq nuimshiq kuex Vsaz Yesu Christu rulc lux rvyaungc tvkoc thvl wvnc kv-phuinx rvtueq.

1 Thessalonians 5:24

Nuimshiq gvlc wvnc jix waz kuex tvmtuing httax yaq ningkhvnc nuex kvkhoc shuimx kuq kv-phuinx.

Titus 1:2

Kvruex nawk palx htungx vlayx lvmx kuex pattup rullungx kuex tvluimc juing lvmx nuex vjungx tec shec tueq. Vrot vkaq vguez Tishox rueq mvnnuex pat vjat maq phuex pattup rullungx kuex naungshiq muex kuy tvkoc bomkhvmc taq shec tueq.

Hebrews 6:18

Kvkhoc rvtueq bomkhvrc nuiyc bomkhvmc phvnx nueyc wvtaungx kuex kvlayc kaz muq phvnx ningkhvnc nuex Tishox rueq vrot kvjaz jungx muq. Kvkhoc khuec nuex vpiq nuex kvwungx vtueq suinglix lvp jix htenc ngoz yaq naungshiq kuex naungshiq muex kuq phuex thuinz tvluimc juing baung nuex phaungx duing rvwak tvkoc hungc vlaungc kuy lvmz pinhtumc lvp wvnc tiq.

1 SAMUEL 3:19

Samuel kuex peluz wvnc tueq, Yehowa kuex piq rulc vdvmz httax yaq, Samuel rueq jungx tueq kuex vsuing doc rvtueq ningkhvnc nuex phvnx ruip saz kuex shuimx kuq tueq.