JOSHUA 12:1 - ASII LAKDAP Bible (BSI) Israilnok raq Jordan rai maq shedong nü wang binjü ka khat raüta tangto. Raüta hiq ka ajii wankun she riito. Kriika Jordan rai tan maq sheqkhu nü na Aron Tan na saüli riito. Kiimaq sheqkhu nü mung na Harmon Pum na saüli riito. Tsangshiq raq hokham wenai khat raüta tangto. Hawa Naga Bible 2001 Israel miqsaz rueq Yodan ruilx maq shaldungc kox Arnon Warc tvnx maq Yodan Warc tvnx ghaqkhux kox Hermon Kanx nuex httuiuc laz khvt lvp wvnc tueq. Tsuingshiq rueq hokhvmx wanueyc wvtaungx taungx gay tueq. |
Uri se Geber: Apaiq ka Gilead hong wa Amoraiq phan Sihon Hokhamwe raq siq wantaq nai Bashan hong wa Og Hokhamwe raq siq wantaq binjü kra peng wanto. Riita ara honghupti weroqshi ri wenai arthaq niimin, wanghuptiwe ajong weshi hali mung tlotli thaq na shongto.
Arka Harmon pum na diwin bangkham roktlaq ikha, Jajon hiqlam thun na roktlaq ikha. Kriijaq Tati raq shiiman kiqkham kuqto- kra rilung ka pattup pat-sa rilung.
Ümniiraq mangjong raikhü shekhu nü nai shemai nü kra tiiqlaü; Tabor Pum nai Harmon Pum raq ümniima chochi raüta shitlo.
Raüta tsangshiq ka Arnon Jurai kii binjü maq rang rang rara, jamkhii ijasiq wushikong achü mong wa ajobaiqrat ikha kona kiki kona wawa li amang amiili khum raitlo.
Kriimahali wawan nong raüta, Arnon Rai maq shekhu siim na, Amoraiqnok hiq rai na saüli bintang jüngi wang bin kiijaq tsangshiq piitiip ka teito. (Arnon rai ka Mobnok mung nai Amoraiq mung hiq trai na.)
Kiitiikaq Israilnok raq tsasoqti maiq tiiwa raüta Amoraiqnok hokhamwe Sihon ma akha tiichong wato:
Shatmaq Israilnok raq renok ka khatto raüta pahea jiipto kiimaq tsang mung ka Arnon Rai maq riita Jabok Rai maq shekhu nü nü kiina saüli, kriika Ammonaiqnok mung na saüli jiiwanto. Jamkhano ngukla Ammonaiq mung hiq rai ka thepthep peruk weshaü raüta tiiwong shat riito.
Naishiq raq Jordan rai maq kiinü reko mung kiiwa naishiq rii tachong hiqshong ka jaü mai. Jamkhano ngukla naishiq rii hiqshong tachong hupsam ka ara Jordan rai maq shedong nü wang wa lap kai she.”
Apaiq aming wokhong maq naishiq raq Jordan rai ka mijin hai. Laita Kanan mung kra mikhat hai. Krai mren naishiq rii hiqshong tachong hupsam ka ara Jordan rai maq shedong nü ka naishiq rii tachong hupsam miraq.”
Krai mren Mosheq raq Gad phan nai Reuben phan kiimaq Manase phan wa khoko kriima, Amoraiq phan Hokhamwe Sihon hiq thun kra kiimaq Bashan wang Hokhamwe Og hiqshong thun kra, kra tro binjü wa chela thun nai hiqshong thun kra chum kuqto.
“Nashiq raq Mob mung leawan jai she, Tatiwe raq nashiq ma nguto, ‘Ümchaü ka armaq tiido rong laq. Lanta Arnon Rai kriishe jin ronglaq. Ngi raq Ammoraiqnok hokhamwe Sihon, Heshbon chela pengtiwe ka apaiq mungtan kra nong nong maq namshiq jaqkhon mong niishe kiinong kuqkang. Apaiq ka khat ronglaq. Lanta ahiqshong rahai thun kra wiita jiiwan ronglaq.
“Kra jai maq, nashiq ka shekhu nü na Bashan wang niishe laü wankai. Kiimaq Og Hokhamwe ka asengi sreabi thun kunli sheaho raüta nashiq khatkai Edrei chela tho niishe saükito.
Armung hiq rai ka Aroar chela maq pha wan raüta, Arnon Raikii kii trü maq wa wanto. Raüta Sirion Pum maq shekhu nü nü na wawanto. Arka Harmon Pum kra nang nga ngutlo.
Arka Tati Shiikeawe raq tsangshiq ma Jordan rai maq shenyap nü mung kuqtaq kra mijii wan lot shaq wiiwii, mikhrum kuq han. Ümtiikiiwa apaiq raq Israilnok maiqphan tlotli ma, hiqshong khamli she kuqjiiq, kra jai miishetiq, namshiq ka, Tati Shiikeawe raq ajaqshi se Mosheq lümaq, Jordan rai maq shedong mung chumkuqtaq kiina jang wan nong lantiishe misi wan han.”
Kra hiqrai thun ka Halak Pum maq riita, shemai nü mung na Edom mung hiqrai tho na saüli riito; kiimaq riita shekhu nü mung na, Baalgad chela na saüli riito. Kiimaq riita Harmon Pum maq shemai nü na Lebanon tan na saüli riito. Joshua ka armung thun hokhambi rai rawii luhea riikhatto. Shatmaq apaiq raq tsangshiq tarü tangto, raüta mung thun ka jiito. Kiimaq tsangshiq ka thumthum jiipbaiqto.
Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.
Tatiwe jaqshise Mosheq raq, Reuben, Gad, kiimaq Manase phan wa khokoti miika, tsangshiq rii tachong hiqshong Jordan Rai maq shedong nü mung kiiwa, kongkhuji miiphü achumke wishe riito.
Riita, ümchaü sanha, Tatiwe namshiq Shiikeawe raq, jamkho kiqkham kuqtaq, kra phanphan, apaiq raq namphu namno Israilnok ma mung atsing ashe kuqto. Krai mren, namshiq hiqshong, Tatiwe jaqshise Mosheq raq namshiq ma, Jordan rai maq shedong nü wang chumkuqtaq, namshiq raq jiiwan lan she kiijiishe jang wan ronglaq.
Kra ningkhan she Israilnok ka kumtsaiphii mung lam kra phanphan she laü wanto. Raüta Edom mung nai Mob mung kra ashüp riiwan raüta, lamtiikon lam miishe wawanto. Raüta Mob mung maq shedong nünü wang binjü lam miishe laü wanto. Raüta Arnon Rai maq konü jüreko lam nünü kiiniishe laü wanto. Raüta tsangshiq raq kiijaq piitiip tei wanto. Shatmaq tsangshiq raq Arnon Rai ka jin mak dea riito. Jamkhano ngukla kriika Mob mung hiqrai binjü ba riito.