JOSHUA 12:1 - Hawa Naga Bible 2001

¹ Israel miqsaz rueq Yodan ruilx maq shaldungc kox Arnon Warc tvnx maq Yodan Warc tvnx ghaqkhux kox Hermon Kanx nuex httuiuc laz khvt lvp wvnc tueq. Tsuingshiq rueq hokhvmx wanueyc wvtaungx taungx gay tueq.

ASII LAKDAP Bible (BSI)

¹ Israilnok raq Jordan rai maq shedong nü wang binjü ka khat raüta tangto. Raüta hiq ka ajii wankun she riito. Kriika Jordan rai tan maq sheqkhu nü na Aron Tan na saüli riito. Kiimaq sheqkhu nü mung na Harmon Pum na saüli riito. Tsangshiq raq hokham wenai khat raüta tangto.

JOSHUA 12:1 Referencias Cruzadas

1 HOKHVMX 4:19

Uri saz Geber rueq: Amori Hokhvmx Sihon nuiyc Bashan Hokhvmx Oga rueq guimz wvnc tueq Gilead ghaq hong Mungx walaungx rokshiz rac wanueyc maq lvy vtueq, wvmungx tuimx guimz lawc jix mungx walaungx vshiz httax yek yaq.

Tvtsvmc 133:3

Kvruex kuex Hermon Kanx htauk nuex nuiyc Zion luimx khux nuex dvyyaq tsuik hek ikhoc rvtueq. Kvruex kuex mkaq muinz vhtumx kay vguez rullungx, Yehowa rueq bomkhvmc vkuq vpiq ruimrix kejux rvtueq.

Tvtsvmc 136:21

Vpiq rueq tsuingshiq ghaq vraungx kuex vpiq miqsaz htenc muex lekuq tueq; vpiq lungwawc kuex pattup httax yaq;

Tvtsvmc 89:12

Ghaqkhux nueyc ghaqyaz kuex mnoz rueq tvdung taq toq; Tabor Kanx nuiyc Hermon Kanx rueq mnoz muex kokez shix ngoyx wuez yaq.

ISAIA 16:2

Tsuingshiq kuex Arnon Ruilx kawx htauk nuex bvmc httax yaq nuex vjez gay shec tueq wushawx htenc ikhoc htvp guez htaz guez vyuing vyix khuemx wuez yaq.

WEAWEA 21:13

Ekvmaq tsuingshiq kaz wvnc yek vtueq Aranon ruilx maq ghaqkhux kox Amori mungx rulc rvjuy shauk httax yaq yaruix tvnx kvyuq jerak tec wuez tueq. (Aranon ruilx kuex Moba mungx nuiyc Amori mungx ghaqruiy nuex rvtueq.)

WEAWEA 21:21

Israel miqsaz rueq Amori hokhvmx waz Sihon kox nuex thaungc jungc jix tvkaz vtueq:

WEAWEA 21:24

Yuq muinz Israel miqsaz rueq ralx paunghvlc kuex khvt taungx gay vtueq, Aranon ruilx maq ghaqkhux kox Ammon mungx ghaqruiy wawc Jabbok ruilx nuex httuiuc laz dvyx lvp lot tueq, yvmx khoc lac ngoz ruiux lec Ammon ghaqruiy maq phaungx duing tuing lvy ningkhvnc nuex rvtueq.

WEAWEA 32:19

Yodan ruilx maq shaldungc kox nuex nuiyshiq muex ghaqphux phvlc kuy yoalx shex ningkhvnc nuex, shalx nyuip kox ral wawc ghaqphux phvlc kuy tvkoc thoz yek miq shex,” ngoz tueq jungx tueq.

WEAWEA 32:32

Nuiyshiq rueq Yodan ruilx maq shaldungc kox mungx kuex lvp tvkoc Yehowa rueq shunshvlx yaq kuex phvnx vtueq, Kanaan mungx kox nuex rvp wvnc vtueq ralx kuex khvt shix,” ngoz tueq tvralc tueq.

WEAWEA 32:33

Kvkhoc rvtueq Moshe rueq Amori Hokhvmx waz Sihon nuiyc Bashan Hokhvmx waz Oga rueq guimz yaq ghaqphux htenc maq raz tueq, tvroz nuex httax yaq miqghaq htenc kuex Gad phvnx, Ruben phvnx nuiyc Manase phvnx muex htvp htaz kuq tueq.

TRI CHONGKE 2:24

“Yehowa rueq, ‘Majuiuc kaz wvnc vtueq Aranon Ruilx kuex rvp wuez shuinz. Ngaz rueq Amori phvnx Heshbon hokhvmx Sihon maq raz tueq piq mungtan kuex nuimshiq yauk nuex lekuq phaungx. Piq mungtan kuex lvp wvnc tvkoc kvtenc vtueq khvt wvnc phaungc shuinz.

TRI CHONGKE 2:32

Hokhvmx waz Sihon kuex naungshiq khvt kay tvkoc piq ralx daungx kuex Jahaza ghaq hep nuex kaz wuez yaq,

TRI CHONGKE 3:1

“Laukshiz hulawx naungshiq kuex ghaqkhux kox nuex httax yaq Bashan mungx nuex luiuz wvnc wuez tiq, Bashan Hokhvmx waz Oga kuex piq ralx daungx htenc rulc raz tueq naungshiq kuex khvt tvkoc Edrei ghaq nuex kaz tueq.

TRI CHONGKE 4:44

Moshe rueq Israel miqsaz muex Tishox tvrac htenc nuiyc tvluingc jungphvnc kvjaz kuex kuq tueq.

TRI CHONGKE 4:48

Kvruex ghaq vraungx kuex Aranon Ruilx hep wawc Aroer ghaq maq ghaqkhux kox Hermon ngoz yaq Sirion Kanx nuex httuiuc laz yungx yaq.

JOSHUA 1:15

Yehowa nuimshiq Tishox rueq vkuq Yodan Ruilx maq shalx nyuip kox mungx kuex khvt lvp wvnc shuex nuex httuiuc laz tsuingshiq muex romc kuy rax. Israel phvnx lotlaz muex kvwungx juing tvhungx kuq shec vtueq jix nuimhez kuex yek waung vtueq Yehowa nvrc waz Moshe rueq nuimshiq muex kuq shec tueq Yodan Ruilx maq shaldungc kox mungx kvyuq httax waung tuinx,” ngoz tueq jungx tueq.

JOSHUA 11:17

Ghaqyaz kox Edom ghaq hep Halak Kanx maq ghaqkhux kox Hermon Kanx maq ghaqyaz kox Lebanon warc tvnx wawc Balgad ghaq nuex httuiuc laz yungx yaq. Yoshua kuex kvruex yuq httaz jix hokhvmx bix rulc loayc hvlc rv-khvt tueq, yuq muinz piq rueq kvruex hez htenc kuex lotlaz lvp vtueq thvt gay tueq.

JOSHUA 11:3

Piq rueq Yodan ruilx samx wvguip nuex httax yaq Kanaan miqsaz, Amori miqsaz, Hitti miqsaz, Perizi miqsaz nuiyc kuz hong nuex httax yaq Jebusi miqsaz, Mizpa mungx wawc Hermon kanx yaz hong nuex httax yaq Hiwi miqsaz muex thaungc tvtay tueq.

JOSHUA 13:8

Yehowa nvrc waz Moshe rueq ghaq phvlx kuq shec tueq rulc rv-ngvlc, Ruben, Gad nuiyc Manase phvnx kholak muex Yodan Ruilx maq shaldungc kox nuex httax yaq ghaqphux kuex tvlvp tueq.

JOSHUA 22:4

Majuiuc kuex vpiq rueq bomkhvmc kuq kv-phuinx rulc rv-ngvlc, Yehowa nuimshiq Tishox rueq nuimshiq phvnx vmaq Israel miqsaz muex nomic shex kuq tueq. Kvkhoc rvtueq Yehowa nvrc waz Moshe rueq kuq shec kv-phuinx Yodan ruilx maq shaldungc kox wawc nuimshiq tvkoc lvp taq shec tuit ghaq vraungx wawc yuimx kvyuq yek waung wuez kuinz.

PHOWEBI 11:18

Kvruex yimaq tsuingshiq kuex kumtsvy tvnx maq kvroz kaz wvnc vtueq Moba mungx maq shaldungc kox, Aranon Ruilx ral nuex httuiuc laz Edom nuiyc Moba mungx htenc kuex koayc wvnc tueq. Tsuingshiq kuex kvruex yuq jerak tec vtueq httax tueq, yuq muinz kvruex hong kuex Moba mungx ghaqruiy ningkhvnc nuex Arnon ruilx kuex yanz wuez muq.