ISAIA 16:2 - ASII LAKDAP Bible (BSI)

² Raüta tsangshiq ka Arnon Jurai kii binjü maq rang rang rara, jamkhii ijasiq wushikong achü mong wa ajobaiqrat ikha kona kiki kona wawa li amang amiili khum raitlo.

Hawa Naga Bible 2001

² Tsuingshiq kuex Arnon Ruilx kawx htauk nuex bvmc httax yaq nuex vjez gay shec tueq wushawx htenc ikhoc htvp guez htaz guez vyuing vyix khuemx wuez yaq.

ISAIA 16:2 Referencias Cruzadas

2 HOKHVMX 3:4

Mob mung Hokhamwe Mesha raq skukong riimto. Raüta apaiq raq Israil mung hokhamwe ma rawiitek skusekong aransetiim ka 100,000 kiimaq skukong 100,000 bin ka si raüta Israil hokhamwe ma tijong tsiiq kuqtlo.

TAKSU LAK 26:2

Mihü na manson raü ka, wurai chaqse ra na bisiq tlaq ikha, kiimaq tsakklailu ra na bisiq tlaq ikhli, anga min ngamak ikha, kra manson ka maiq dü na ni kilot mak.

TAKSU LAK 27:8

Jam baiqthü raüta, maiqhiq na treti ka, wushi se raq achu baiq thü raüta, rum na miiho tlaq ikha.

ISAIA 13:14

“Bebilon mung na pongmungti siti thun ka ngamhiipti chhi raüta chhingi kong achiim jin pintrangtlaq ikha kiimaq skusekong arümti ahü pintrang tlaq ikha maiqmiimii mung na mipin wan.

JEREMIA 48:20

‘Mob ka miqto she,’ nguta tsangshiq raq mitre, ‘kra miitu hoqtrang ronglaq; apaiq khushü jamto she. Arnon rai khü phan tsütsa ka tiitai ronglaq, Mob ka thento she nguta!’

JEREMIA 48:46

Mob mungti ma mangchan tsi! Khemosh phra kaü shomnoqtinok ka tiithenbaiqto she. Tsangsetiim maiqwe sere nai jechakse re thun wiita re raq munglu shumwi kong ma tsuq wanto.

JEREMIA 48:9

Mob mung miitu maa raükhu longkaü shonglaq; armung ka jaqloli mitiithenbaiq. Armung wa chela thun ka wiita mitiithenbaiq, kiimaq kriithun na maiq jumin simak she miraq.”

WEAWEA 21:29

Mob mungti lei, phiiptsi chang jo namshiq ma! Khemosh phra shomnoqtinok lei thenki lan she jo! Namshiq phra kaü raq namshiq ka munglu wanshanok miishe tiijato, Kiimaq jechakre ka Amoraiq hokhamwe shumwi kong ma tiija baiqto.

TRI CHONGKE 2:36

Tatiwe nashiq Shiikeawe raq nashiq ma chela thun ka kunli Arnon raikii na sitlaq Aroar chela maq phawan laita, kra kin hea wea hiq thung tan mong na sitlaq chela kiina saüli kiimaq riita shekhu nü na Gilead wang na saüli khat laita jiiwankai. Nashiq raq khatlot mai chela peruk theahea ngutiika chela ashi min ahü riito.

TRI CHONGKE 3:12

“Riita ümtiikiiwa nashiq raq mung ka nashiq jaq na lap wan kai, ngi raq Reuben phan nai Gad phan ma hiqshong ka Aroar chela maq shekhu nü wang thun kra Arnon Rai tho binjü thun kra kiimaq Gilead wang binjü wa ku akin tonglong hong thun kra, kriijaq sitlaq chela thun kra nong nong maq chum kuq kang.

TRI CHONGKE 3:8

“Kra akhing na nashiq raq kra Ammoraiq phan hokham wenai jaq wa hiqshong thun ka Jordan Rai maq shedong nü wang thun kra Arnon Rai maq pha wan laita Harmon Pum na saüli lap wankai.

JOSHUA 13:16

Tsangshiqnok hiqrai ka Aroar chela na saüli (Arnon tan kii na saüli) kiimaq kra tan mong jam na chela sitlaq kriimin tlom wan damtlii raüta, Medeba chela tro na pum thung tan binjü kra hamli na chumkuqto.

PHOWEBI 11:18

Kra ningkhan she Israilnok ka kumtsaiphii mung lam kra phanphan she laü wanto. Raüta Edom mung nai Mob mung kra ashüp riiwan raüta, lamtiikon lam miishe wawanto. Raüta Mob mung maq shedong nünü wang binjü lam miishe laü wanto. Raüta Arnon Rai maq konü jüreko lam nünü kiiniishe laü wanto. Raüta tsangshiq raq kiijaq piitiip tei wanto. Shatmaq tsangshiq raq Arnon Rai ka jin mak dea riito. Jamkhano ngukla kriika Mob mung hiqrai binjü ba riito.