ISAIA 16:3 - ASII LAKDAP Bible (BSI)

³ Tsangshiq raq Juda mungti ma akha nguta chongtlo, “Naishiq ara jamkha jachang wa chongkuq ronglaq. Naishiq ka namshiq wokhong na, rashekii henghea na pechong raq anyam mong na kaiqshak shakhea tiiwongtlaq ikha tiiwongkuq ronglaq. Naishiq ka munglu wanshanok. Naishiq ka jurmin chhiha mak chang ba na paükuq ronglaq.

Hawa Naga Bible 2001

³ Tsuinghez rueq Yuda miqsaz muex ngoc, “Yvmx ruec juing lac nuiyshiq muex jungx kuq kuit. Pulx kuex raungnuiyq shalhtungx kalc hvlc baung nuex vkuiyq waq raungx tvbuingc kuq yaq ikhoc nuiyshiq kuex tvwungx kuq kuit. Nuiyshiq kuex mbuingc khung nuex nyec tvkuiyq phix. Nuiyshiq kuex kuilc daz rvhumc jix hez rvtiq; nuiyshiq kuex uraq muinz thuiyx lot muq baung nuex httuiyq taq koq.

ISAIA 16:3 Referencias Cruzadas

1 HOKHVMX 18:4

Kra ningkhan, ümtiikiiwa Jejebel raq Tatiwe shammibi thun tsatbaiq wantaq akhing na, Obadia raq shammibi shishi kra sheahoto. Raüta tsangshiq ka longsha mong na kongnai ma roqbiingingi na tiiphea raüta paü thüto. Raüta tsangshiq ma dung nai kham kuq raüta dungto.)

ISAIA 1:17

Laüta tingting jaqsham kra shrinlaq. Liilaq, riikhaqli tingting jaqshamlaq. Di ama ikha maiq raq tiichamchaotlaq kra khrumlaq. Thüm waq mantise re ma tsangshiq raq jamlai phan lap phaq sea wan chang wa sitlaq kra khashkhaq kuqlaq. Kiimaq manti nyungre kra tiikhup wongkuq shat maq riimlaq.”

ISAIA 25:4

Miitsan maiqse thun nai ümkhii ijasiqtibi ka ümwokhong na tiipaü jutrangto, krai mren tsangshiq ka chamchao akhing na tiichhii wanto. Ümniiraq tsangshiq ka rathaiq wa tiiwongkuq laü kiimaq rashekii tsihea wa ra tiinyam kuq laü. Abi pinthumti maiq raq tsangshiq ka diwin rathaiq ikha longliiqto.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 56:8

Ajong Thaq Na Ajong Pinthum Tatiwe, jurwa asengi Israilnok ka pongmung na munglu shumwi asiwa wa jam niishe shea wanto, raüta apaiq raq maiq nanok ahinti kiimin tsuq wan raüta tsangshiq rai she mitiishong nga wan damha nguta kiqkham kuqto.

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 22:3

“Ngi Tatiwe raq namshiq ma jamlai wa tingting kiimaq riikhaqli kra sham ronglaq nguta aming tat tiikang. Wepuq weseti maiq raq laoliitlaq kriiwa, apaiq laotiwe jaq khon mong kiiwa tiichhii kuq ronglaq. Maiqse ka jimaq nishishi haihü maimak. Kiimaq pongmungti wanshawe kiimaq jechi nomisetiim kra, riimakla manti nyungre kra, nanshan shan haihü raamak. Kiimaq ara asii hiqshong arjaq maiqsang jamshut phit makti ka tsea baiq raamak.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

Matthew 25:35

Namshiq raq ngi ramtsi na dung tiisiq wan lan; khamnyang tsi na kham tiinyang lan; wanmo sikang na, ngi ka namshiq jam na tiichap nga lan.

Hebrews 13:2

Namshiq jam na wanwe dii tlaq kra shiililii ka naq laq rongkiq. Richü pat na, maiq wiijamti raq wanwe tao tiikai anguli, rasetiim taoratto. Tsangshiq riika, wanwe khla tao tiikai angu li, rasetiim tao wan ma jato.

PHOWEBI 9:15

Kiijiishe shuktam chong raq treto, ‘Namshiq raq ngohea dea, ngi ka nam hokham ma shong rotlan jiika, ahea namshiq ka iwokhong na sironglaq, Kra riiman han la, ikü iko shuktam rong kiiwa, wa phok raüta namshiq ka, wiita mikhiim chaq laq. Raüta Lebanon pum wa sedar chongro kiimin, wiita mikhiim laq.’