ISAIA 16:4 - ASII LAKDAP Bible (BSI)

⁴ Naishiq ka nam mung na siphai. Naishiq tsea baiq tankhantinok jaq wa naishiq ara tiikhup wongkuq ronglaq.” (Mungmaiqse tiichamchao nai mung shiithen wan kiimung ka athum mirki. Kiimaq naimung tiithen baiqti kiimin awashe mirwan.

Hawa Naga Bible 2001

⁴ M-ghaq mraungx nuex nuiyshiq kuex tvhttax koq. Nuiyshiq tvbac gay jix hez yauk wawc nuiyshiq kuex tvkhup wungx kuq koq,” ngoz tueq jungx tueq. (Htuingtuing gay rvhumc vtueq nuiyc tvbac gay yauk shuimc kuex htumx wvnc tuex, mungtan tvbac jix htenc muinz vmoz rvwvnc tuex.

ISAIA 16:4 Referencias Cruzadas

ISAIA 14:4

Ümtiikiiwa apaiq raq arshe klojiiq, raüla tsangshiq raq Bebilon hokhamwe ka akhiishe mislailii wan: “Abi pinthum hokhamwe ka deawato she! Apaiq raq maiq ka ji maq nishishi jumin jamsha wan lot mak she miraq!

ISAIA 15:6

Nimrim khamraise kiimin ariishe riikito. Khamrai kiitro wa sangphii ka wiita ajung she riikito. Kiijaq nyiim sang waichat chat ka ahüshe.

ISAIA 25:10

Tatiwe raq Jajon Pum ka mikhup wongkuq. Shatmaq Mob mungti ka ji maq nishishi minibaiq. Tsamkü phong ka hok maq nibaiq wan raüjaq hiq tiipü chang ma tiijabaiqtlaq ikha.

ISAIA 33:1

Naishiq renok ka miqto she! Tsangshiq raq nanok ka thiimeaq ma jaraüta tekto. Kiimaq nanok ka tiishaübaiqto. Shatmaq tsangshiq ka jurmin tek mak dea. Kiimaq jurmin tiishaübaiq mak dea. Shatmaq tsangshiq raq maiq tektlaq kra nanok tiishaübaiqtlaq akhing ka athum mirki. Tsangshiq maiqmii klishe thiimeaq raq mitek wan. Kiimaq tsangshiq kli she maiq raq mitiishaü baiq.

ISAIA 49:26

Ngi raq ümnaq tlitkotti ka tsangshiq liipan na mitriijiipbaiqha; Tsangshiq ka riitsea riita tsankhiq watrangli miraq. Kiijiishetiq maiqse angu tarü raq Ngi ardea Tatiwe nguta misap, ümnaq chhiiti kiimaq ümniika wase ma tiijati. Tsangshiq raq Ngi ka Israilnok Shiikeawe ningkun ajong riimti nguta misap wan.”

ISAIA 51:13

Ümnaq phansangti Tatiwe ka alaq rea shea riilaü, ramungtan thun kra chantiwe ka, kiimaq hiq tiichap wan chang jamkhü kra phong wantiwe ka? Ümniika jam nguto hairuqruq haisiqtlaü, ümniika shiikeng raüta tiikiinyiitlaqti ma, ümniika tsatbaiq haijaq nguta tankhantlaqti ma? Tsangshiq tsankhiq moktlaq kra riika ümdü na thanlot mak.

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

ISAIA 9:4

Jamkhano ngukla ümniiraq tsangshiq dangkong wa homai laihea chicho kra ngoqbaiqlaü, tsangshiq phaqlam na tsatchang sintsang kra ngoqbaiq laü. Ümsenginok ka ji maq nishishi haihii wantinok mung ka ümniiraq tanglaü she. Arka ümniiraq richü pat na Midian mung phenlabi khat laüta tanglaü ikha tanglaü.

JEREMIA 40:11

Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

JEREMIA 48:18

Namshiq Dibon chela na sitibi lei, namshiq shreng ngachang wa satki rongkiq, lanta hiq na botkhulai thaq na ngaronglaq; Mob tiithenbaiqtiwe ka arjaq, kiimaq apaiq chela ruk thun runbaiqto she.

JEREMIA 48:8

Chela ashi min tiichong mak wiita mitiithenbaiq; kinwin wang nai hiqthungtan thun wiita mitiithenbaiq. Arka Ngi, Tatiwe raq toqtan tiikang.

Obadia 1:14

Namshiq lamhumrap maq khelanta, re jaq mong wa dongho raüta, khum tiikhe apin wan wa, lap lanta rewe ma kiinong kuq wan lan.

JEKERIA 10:5

Juda mungti ka srea nolajongbi ma mija wan, phenlabi raq tsangjaqtinok boqchiim na, nibaiq wan tlaq ikha mitang wan. Tsangshiq raq re mikhat wan, jamkhano ngukla Tatiwe ka tsangshiq rai. Raüta tsangshiq raq kumrang thaq na chaoti, jaqtibi ka mitang wan.

JEKERIA 9:8

Ngi raq ihiqshong chiimong lam maq, chiqse rewe tiiwa mangshe mikhe ha. Ngi raq isenginok ka shotsii lumtsii rümti ma, tiijam sha mangshe. Ngi raq isenginok chamchao ka, chhiwan kang she.”

MALAKI 4:3

Ngi raq ijaqsham wan tiikang ranaiq, namshiq raq ashut kiimungti ka mitang wan han. Krai mren tsangshiq ka namshiq hokphi takiq na botkhulai ikhiishe miraq.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

TRI CHONGKE 24:14

“Miitsan maiqse kiimaq alit akotti raq ranaiq ningchang tham phaqti ka naq laokiq. Apaiq ka maiqmiinok Israilnok lo riimakla pong mungti namshiqnok chela thun kriijaq shongti riiklo.

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.