JOSHUA 11:3 - ASII LAKDAP Bible (BSI)

³ Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.

Hawa Naga Bible 2001

³ Piq rueq Yodan ruilx samx wvguip nuex httax yaq Kanaan miqsaz, Amori miqsaz, Hitti miqsaz, Perizi miqsaz nuiyc kuz hong nuex httax yaq Jebusi miqsaz, Mizpa mungx wawc Hermon kanx yaz hong nuex httax yaq Hiwi miqsaz muex thaungc tvtay tueq.

JOSHUA 11:3 Referencias Cruzadas

RAPHA HIQWA LAK 31:49

Kiimaq Laban rahali nguto, “Nanai kiimriiphea laita sitiikai arka Tatiwe raq liishattiq mirlaq.” Kra ningkhan kra hiq ba ka Mijpa nguta mangto.

2 SAMUEL 24:16

Tatiwe rase raq Jerusalem chelati ka ashthen baiq she angu wa, Tatiwe raq mungmaiqse tseabaiq wan tiima kra aklai riito, Kra ningkhan apaiq raq tsangshiq tseabaiqti rase kiima, “Tsaqlaq! Hongto she!” nguta chongto. Rase ka Jebusaiq phan maiqwe Arauna tsambuk chang ba niishe riito.

2 SAMUEL 24:7

Kriimiishe tsangshiq ka peruk weshaüje Tajar chela maq shemai nü mung na kihoto. Raüta kriimiishe tsangshiq ka Hiwaiqnok chela thun nai Kanannok chela thun kiiniishe kihoto. Kiimaq atiisup niishe ka Juda mung na shemai nü na Beersheba chela kiiniishe kihoto.

1 HOKHVMX 15:22

Kiijiishe Hokhamwe Asa raq Juda mungti tlotli, weshi ra min wahü mai mak, mungmaiqse kunkun ka Rama chela na waraüta longkaü thun nai pe pan thun Baasha raq Rama chela tro na peruk haima aphongthü kra piwa raa nai howa nguta aming kuqto. Arthun hupsam ara leaho raüta, Asa raq Benjamin wang na sitlaq Mijpa chela nai Geba chela wiinai kra trotam miishe truk baiqto.

1 HOKHVMX 9:20

Solomon raq apaiq jaqsham ningkun maq dikong thüwantaq kriika, Kanan mung na siti man na Israilnok raq Kanan mung khat raüta jiiwantaq akhing na jiipbaiq wan mak dea tiichong baiqtaq kra saü ase phan riito. Tsangshiq ka arnok thun ara riito: Amoraiqnok, Hitaiqnok, Perijaiqnok, Hiwaiqnok, kiimaq Jebusaiqnok phan saüse thun kra riito. Tsangshiq saüse phan ka ümchaü niitaq saüli diphan ma jaraüta sitlo.

Tvtsvmc 133:3

Arka Harmon pum na diwin bangkham roktlaq ikha, Jajon hiqlam thun na roktlaq ikha. Kriijaq Tati raq shiiman kiqkham kuqto- kra rilung ka pattup pat-sa rilung.

Tvtsvmc 89:12

Ümniiraq mangjong raikhü shekhu nü nai shemai nü kra tiiqlaü; Tabor Pum nai Harmon Pum raq ümniima chochi raüta shitlo.

ASHICHONG 4:8

ita-nyungnye lei, Lebanon pum wa, kira iphana! Lebanon wa iphana kira, Amana pum, Senir pum kiimaq Harmon pum khu wa. Hangsikong nai chiqwaiq kong sichang kiiwa.

JEREMIA 40:10

Ngi ka Mijpa chela na misiha. Lata Bebilon mungti ka ajaq ki raüla, ngi ka namshiq khuthaq na kiimwe ma mijaha. Lanta petsi wiq tsam kra mirchomhan kiimaq spiqtai, petsi, olip tai thun kra tsamtiip na mithü han. Kiimaq hiqshong thun kiijaq namshiq raq aroro na shong nga lanta sironglaq.”

JEREMIA 40:6

Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.

JEREMIA 41:14

Kiimaq tsangshiq ka jai nü na jang rang raüta tsangshiq phanü niishe jutrangto.

JEREMIA 41:3

Ishmael raq Mijpa chela na Gedalia rai Israilnok ümchuwa asi riitaq kriimin wiita tsatbaiqto. Kiimaq Bebilon mungti phenlabi thun kra bala kiijaq asi charaitaqti thun kriimin tsatbaiqto.

WEAWEA 13:29

Kiimaq Amalakaiqnok ka Kanan mung shemai nü wang na shongtlo. Kiimaq Hitaiqnok, Jebusaiqnok, kiimaq Amoraiqnok thun ka ku akin tonglong wang kiina shongtlo. Kiimaq Kanannok ka Mediterenian khamjong kii wang na nai Jordan rai khü phan phan na shongtlo.”

TRI CHONGKE 4:48

Armung hiq rai ka Aroar chela maq pha wan raüta, Arnon Raikii kii trü maq wa wanto. Raüta Sirion Pum maq shekhu nü nü na wawanto. Arka Harmon Pum kra nang nga ngutlo.

TRI CHONGKE 7:1

“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.

JOSHUA 11:17

Kra hiqrai thun ka Halak Pum maq riita, shemai nü mung na Edom mung hiqrai tho na saüli riito; kiimaq riita shekhu nü mung na, Baalgad chela na saüli riito. Kiimaq riita Harmon Pum maq shemai nü na Lebanon tan na saüli riito. Joshua ka armung thun hokhambi rai rawii luhea riikhatto. Shatmaq apaiq raq tsangshiq tarü tangto, raüta mung thun ka jiito. Kiimaq tsangshiq ka thumthum jiipbaiqto.

JOSHUA 11:8

Tatiwe raq Israilnok ma rekhat ka tiitangkuqto. Israilnok raq tsangshiq khatto, raüta tsangshiq ka jowan raüta shekhu nü wang na Misrephoth Main chela nai Sidon chela na saüli khat wanto. Kiimaq shedong nü wang na, Mijpa tan binjü na saüli jowan raüta khatto. Israilnok raq re ka weshi min atra tiichong mak khatto.

JOSHUA 13:11

Kra thun ka Gilead wang binjü kra, Geshur wang binjü kra, kiimaq Maka wang binjü kra, kiimaq Harmon Pumji wang binjü thun tlotli, kiimaq Bashan wang binjü tlotli, raüta Saleka wang binjü na saüli.

JOSHUA 13:5

kiimaq riita, Gebalnok hiq wang kra; kiimaq riita, shedong nü mung wa, Lebanon mung tlotli wa, Harmon Pum wang wa Baalgad chela kra hamli maq riita, Hamath Pumchit na saüli.

JOSHUA 15:38

Delean, Mijpa, Joktheel,

JOSHUA 15:63

Shatmaq, Juda phan raq Jerusalem na siti Jebusaiqnok ka jobaiqlot mak dea riito. Kra ningkhan, Jebusaiqnok ka ümchaü niitaq Juda phan rai kiijiili sidamtlo.

JOSHUA 18:26

Mijpa, Chephira, Moja,

JOSHUA 3:10

Namshiq ka jamkho Kanan mung na nyap wan wan, milong wan han, Tatiwe apaiq raq, Kanannok, Hitaiqnok, Hiwaiqnok, Perijaiqnok, Girgashaiqnok, Amoraiqnok, kiimaq Jebusaiqnok thun kra wiita thumthum mijobaiq. Raüta, namshiq raq atra Shiikeawe ka namshiq rai nguta misap wan han.

PHOWEBI 20:1

Mung tiihea raüpot kra lap raüta, Israil mungti tlotli sheqkhu nü na Dan chela maq phaho raüta shemai nü na Beersheba chela na saüli, kiimaq shedong nü miika Gilead wang na saüli, mungmaiqse raq bom ka treto. Raüta tsangshiq tarü kiqshi maq Tatiwe man na Mijpa chela na ngongthunto.

PHOWEBI 21:5

Raüta tsangshiq raq akha waito, “Riita Israilnok maiqphan ümchuwa sitlaq kiiwa, Tatiwe man na, Mijpa na ngongthun ngakai kiijaq lomwa dam makti maiq phan asi shea?” (Jamkhano ngukla, tsangshiq raq juwa Mijpa chela na achu jaü na lomdam mak, kriiti ka atsea baiq chang nguta sinkham tri shatthüto).

PHOWEBI 21:8

Ümtiikiiwa tsangshiq raq, Mijpa chela na Israilnok mungmaiqse ngongthuntaq kiijaq maiq phan nokshi ra lomki dammak dea asi shea nguta, bom konchon kiita, tsangshiq raq Gilead wangti wa Jabesh chelati ka lomki dammak dea nguta sapto.

PHOWEBI 3:3

Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.

PHOWEBI 3:5

Krai mren, ngohea dea Israilnok ka Kanannok rai, Hitaiqnok rai, Amoraiqnok rai, Perijaiqnok rai, Hiwaiqnok rai, kiimaq Jebusaiqnok rai, riishot riishaq she adam na siwanto.

1 SAMUEL 10:17

Samuel raq mungmaiqse ka Mijpa chela na shomnoq poi klo miitu tiithungto.