JOSHUA 11:3 - Hawa Naga Bible 2001

³ Piq rueq Yodan ruilx samx wvguip nuex httax yaq Kanaan miqsaz, Amori miqsaz, Hitti miqsaz, Perizi miqsaz nuiyc kuz hong nuex httax yaq Jebusi miqsaz, Mizpa mungx wawc Hermon kanx yaz hong nuex httax yaq Hiwi miqsaz muex thaungc tvtay tueq.

ASII LAKDAP Bible (BSI)

³ Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.

JOSHUA 11:3 Referencias Cruzadas

RAPHA HIQWA LAK 31:49

Laban rueq muinz, “Naungshiq washiz maq washiz rv-phvlc wvnc tix baunglaung Yehowa rueq naungshiq kuex mtvkhup wungx kuq phueq,” ngoz tueq. Kvkhoc rvtueq vruex hong kuex Mizpa ngoz tueq muingc tueq.

2 SAMUEL 24:16

Yehowa raungkamx waz rueq Yerusalem ghaq kuex tvbac gay danc yaq nuex, Yehowa kuex miq htenc muex murx tvgurc kuy lvmx nuex seng vtueq thuinz kvlayc ruiux, tsuinghez thvt yaq raungkamx waz muex ngoc, “Httvr shuinz! Hungx tueq shex!” ngoz tueq jungx tueq. Kvkaq raungkamx waz kuex Jebusi miqsaz Arauna tsvmz nuiuz juing hep nuex rvtueq.

2 SAMUEL 24:7

Kvruex yimaq tsuinghez kuex ghaqyaz kox ghaq palx ruk yoalx Tire ghaqyungx, Hiwi nuiyc Kanaan miqsaz htenc httax yaq ghaqyungx htenc nuiyc tvsuip nuex Yuda mungx ghaqyaz kox nuex httax yaq Bersheba nuex httuiuc laz khuemx kaz tueq.

1 HOKHVMX 15:22

Kvruex yimaq Hokhvmx Asa rueq miq pumz tek vtueq kvguing lot muq laz, ghaqshungc tec nuex Baasha rueq vshuimx lung nuiyc pulx penc htenc kuex Rama ghaq wawc romc pic kuy tvkoc Yuda mungx lotlaz wawc nvr tueq. Asa rueq Mizpa nuiyc Benjamin hong wawc Geba ghaqyungx kuex tec taq tueq.

1 HOKHVMX 9:20

Solomon rueq Kanaan mungx kuex Israel miqsaz rueq lvp wvnc tueq nuex tsuingshiq rueq thvt gay muq Kanaan miqsaz tsuingshiq suiuz vsaz htenc kuex yauk shuimc vgvrx shuimc nuex laung tueq. Kvruex suiuz vsaz hez nuex Amori, Hitti, Perizi, Hiwi nuiyc Jebusi miqsaz htenc lomx yaq ningkhvnc nuex majuiuc nuex httuiuc laz kvruex suiuz vsaz htenc kuex dax muex yaungx wuez yaq.

Tvtsvmc 133:3

Kvruex kuex Hermon Kanx htauk nuex nuiyc Zion luimx khux nuex dvyyaq tsuik hek ikhoc rvtueq. Kvruex kuex mkaq muinz vhtumx kay vguez rullungx, Yehowa rueq bomkhvmc vkuq vpiq ruimrix kejux rvtueq.

Tvtsvmc 89:12

Ghaqkhux nueyc ghaqyaz kuex mnoz rueq tvdung taq toq; Tabor Kanx nuiyc Hermon Kanx rueq mnoz muex kokez shix ngoyx wuez yaq.

ASHICHONG 4:8

Ijuik nyuiuz nyalx nyuiuz lex, ngaz rulc vdvmz Lebanon Kanx htenc maq kaz naungx loq; ngaz rulc vdvmz Lebanon maq kaz naungx loq. Hangsic nuiyc jaq tuik htenc httax yaq, Hermon Kanx nuiyc Senir Kanx maq muinz, Amana Kankhux htenc maq svt kaz loq.

JEREMIA 40:10

Ngvy pumz kuex vruex Mizpa ghaq vyuq httax vtueq Babelon miqsaz httuiuc kaz ruiux yuq nuimshiq kamx waz muex yaungx taungx. Yuq muinz nuimshiq rueq svpiq tix, pulx thuey nuiyc olip puiz htenc kuex tvjomx vtueq yoalc tvy mvy yaq, nuimshiq rueq guimz vshuinx ghaq htenc kvyuq nuimshiq httax lvp tuinx,” ngoz tueq jungx tueq.

JEREMIA 40:6

Ngaz kuex Mizpa nuex httax yaq Gedalia kox nuex kaz vtueq kvruex mungx nuex kvjungx yaq miq htenc rulc vdvmz httax tauk.

JEREMIA 41:14

kvkaq tsuinghez kox nuex yek yuz wvnc wuez tueq.

JEREMIA 41:3

Eshmael rueq Mizpa ghaq wawc Gedalia rulc vdvmz httax yaq Israel miqsaz lotlaz nuiyc kvyuq httax jix Babelon nolaungx bix htenc muinz thvt gay tueq.

WEAWEA 13:29

Amalek miqsaz htenc kuex kvruex mungx ghaqyaz kox nuex httax yaq, Hitti, Jebusi nuiyc Amori miqsaz htenc kuex kuz vkanx htenc nuex httax yaq, Kanaan miqsaz kuex Mediteranean yuix kawx nuex nuiyc Yodan ruilx kawx tv-phvnc htenc nuex httax wuez yaq,” ngoz tueq jungx tueq.

TRI CHONGKE 4:48

Kvruex ghaq vraungx kuex Aranon Ruilx hep wawc Aroer ghaq maq ghaqkhux kox Hermon ngoz yaq Sirion Kanx nuex httuiuc laz yungx yaq.

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

JOSHUA 11:17

Ghaqyaz kox Edom ghaq hep Halak Kanx maq ghaqkhux kox Hermon Kanx maq ghaqyaz kox Lebanon warc tvnx wawc Balgad ghaq nuex httuiuc laz yungx yaq. Yoshua kuex kvruex yuq httaz jix hokhvmx bix rulc loayc hvlc rv-khvt tueq, yuq muinz piq rueq kvruex hez htenc kuex lotlaz lvp vtueq thvt gay tueq.

JOSHUA 11:8

Yehowa rueq ralx htenc kuex Israel miqsaz muex tvtaungx gay tueq; Israel miqsaz rueq ghaqkhux kox Sidon ghaq nuiyc Misrephot ghaq nuex httuiuc laz, shaldungc kox Mizpa warc nuex httuiuc laz ralx htenc kuex yurc khvt vtueq washiz muinz tvjungx muq thvt gay tueq.

JOSHUA 13:11

Gilead mungx, Geshur nuiyc Maaka hong htenc, Hermon Kanx lotlaz nuiyc Saleka nuex httuiuc laz yungx yaq Bashan mungx wvmungx tuimz lomx tueq.

JOSHUA 13:5

Gebali miqsaz ghaqphux, shaldungc kox nuex httax yaq Lebanon ghaqphux lotlaz, Hermon Kanx maq ghaqyaz kox wawc Balgad maq Harmat Kanx hvlwvl nuex httuiuc laz httax yaq doc.

JOSHUA 15:38

Dilean, Mizpa, Joktheel,

JOSHUA 15:63

Yuda miqsaz rueq Yerusalem nuex httax yaq Jebusi miqsaz kuex yurc gay lot muq rvtueq, tsuingshiq kuex Yuda miqsaz rulc vdvmz httax yaq dvyx doc.

JOSHUA 18:26

Mizpa, Kephira, Moza,

JOSHUA 3:10

Nuimhez kvtenc kaz wvnc ruiux yuq, vpiq rueq Kanaan, Hitti, Hiwi, Perizi, Girgashi, Amori, nuiyc Jebusi phvnx htenc kuex vsuing yurc gay shuex.

PHOWEBI 20:1

Ghaqkhux kox Dan ghaq maq ghaqyaz kox Bersheba nuex httuiuc laz httax yaq Israel miqsaz lotlaz nuiyc, shaldungc kox Gilead mungx wawc muinz gvl koq tueq tvralc tueq. Tsuinghez kuex shauk pumz vshiz maq raz tueq Mezpa ghaq nuex Yehowa khaungkac nuex rvtuimx kaz tueq.

PHOWEBI 21:5

Tsuingshiq rueq, “Mezpa wawc Yehowa httax yaq nuex rvtuimx kaz naungx muq jix Israel phvnx lotlaz wawc vyuq lomx muq jix httax yaq haz?” ngoz tueq wiz tueq. (Mezpa ghaq nuex kaz muq jix kuex vthueyc rvhumc tuex ngoz tueq tuemc taq tueq.)

PHOWEBI 21:8

Tsuinghez rueq Israel phvnx wawc Mezpa nuex kaz muq jix ukhaq lac httax yaq nguinx ngoz tueq wisoz koq tueq, Gilead mungx Jabesh ghaq wawc washiz muinz kaz muq kuex tsuinghez rueq tuiuz tueq.

PHOWEBI 3:3

Kvruex mungx nuex kvjungx yaq htenc kuex Philipi ghaqyungx bv-ngac wawc nuiyc Kanaan miqsaz lotlaz, Sidon miqsaz nuiyc Bala Hermon Kanx maq Hamat kanx hvlwvl lvmx nuex httuiuc laz httax yaq Lebanon Kanx nuex httaz jix Hiwi miqsaz htenc rvtueq.

PHOWEBI 3:5

Kvkhoc rvtueq Israel miqsaz kuex Kanaan miqsaz, Hitti miqsaz, Amori miqsaz, Perizi miqsaz, Hiwi miqsaz nuiyc Jebusi miqsaz htenc rulc vdvmz nuex httax wuez tueq.

1 SAMUEL 10:17

Samuel rueq Mizpa nuex nawk palx htungx vlayx nuex seng vtueq rvtuimx tvkoc miq htenc kuex tvtuimx tueq,