WEAWEA 21:24 - ASII LAKDAP Bible (BSI)

²⁴ Shatmaq Israilnok raq renok ka khatto raüta pahea jiipto kiimaq tsang mung ka Arnon Rai maq riita Jabok Rai maq shekhu nü nü kiina saüli, kriika Ammonaiqnok mung na saüli jiiwanto. Jamkhano ngukla Ammonaiq mung hiq rai ka thepthep peruk weshaü raüta tiiwong shat riito.

Hawa Naga Bible 2001

²⁴ Yuq muinz Israel miqsaz rueq ralx paunghvlc kuex khvt taungx gay vtueq, Aranon ruilx maq ghaqkhux kox Ammon mungx ghaqruiy wawc Jabbok ruilx nuex httuiuc laz dvyx lvp lot tueq, yvmx khoc lac ngoz ruiux lec Ammon ghaqruiy maq phaungx duing tuing lvy ningkhvnc nuex rvtueq.

WEAWEA 21:24 Referencias Cruzadas

RAPHA HIQWA LAK 32:22

Kra rawa niili Jakob ka akon maq tiidokito. Raüta tsang-nyung wiinai, kiimaq chakliip nyung wiinai kriiri, kiimaq asetiim roqshi ri ashi kra shea raüta Jabbok Rai kra jinto.

NEHEMIA 9:22

“Ümniiraq tsangshiq ma, mungrap mungrii khat kuq wan laü. Tsangshiq hiq rai wa, maiqmung ahin thun khatkuq wan laü. Tsangshiq raq Heshbon mung langti, Sihon hokham ka long wanto; raüta tangto. Kiimaq Bashan mung min long wanto. Raüta tsang hokhamwe, Og ka tangto.

Tvtsvmc 136:19

Sihon ka Amoraiq mung hokhamwe; apaiq lungwii ka pattup pat-sa;

AMO LUIK DVP (AMOS) 2:9

Shatmaq Tatiwe raq asengi Israilnok ma akha ngutlo, “Li jiimin, isenginok lei, ngi raq namshiq tiikhup wongke wan, namshiq thaq na Sidar pero ikha ajong alanok, kiimaq namshiq thaq na ok pero ikha, ahong ala, srea nolanok Ammoraiqnok, ngi raq re na, arangchong maq babaiq wan tlii khat wan kang.

WEAWEA 21:13

Kriimahali wawan nong raüta, Arnon Rai maq shekhu siim na, Amoraiqnok hiq rai na saüli bintang jüngi wang bin kiijaq tsangshiq piitiip ka teito. (Arnon rai ka Mobnok mung nai Amoraiq mung hiq trai na.)

TRI CHONGKE 1:4

Arka Tatiwe raq Amoraiqnok Hokhamwe Heshbon chela pengtiwe Sihon khat raüta tang wantaq kiimaq Bashan wang Hokhamwe Og, Ashtaroth chela nai Edrel chela pengtiwe kra khat raüta tang wantaq kra jai maq achong kuq riito.

TRI CHONGKE 29:7

Kiimaq ümtiikiiwa nashiq ka arwang niishe saü wan kai, Heshbon chela Hokhamwe Sihon kiimaq Bashan wangti Hokhamwe Og ka nashiq khat kai saü wanto. Shatmaq nashiq raq tsangshiq ka khat laita tangkai.

TRI CHONGKE 3:16

Kiimahali ngi raq Reuben phan nai Gad phan ma Gilead wang maq riita Arnon Rai na saüli hong binjü kra chumkuq kang. Kra jürai khü rai jam ba kriimaq panthit raüta tsangshiqnok hiqshong shemai nü trai kra rai wanto. Kiimaq tsangshiqnok shekhu nü wang wa hiq rai ka Jabbok Rai maq trai wanto, kiiwa raithiq ka Ammonaiq mungti hiq rai she lomtlo.

TRI CHONGKE 31:4

Tatiwe raq Sihon nai Og, Amoraiqnok hokham wenai khat raüta tangtaq, raüta tsangmung ka miqchup tiithen baiqtaq kiikha, arnok mung thun ka mitiithen baiq wan.

JOSHUA 13:12

Kriithun mong niika, Rephaim phan wa atiithum hokhamwe, Ashtaroth chela nai Edrel chela langti Og hokhamwe raq langtaq mung thun kra wiita hamli riito. Tsangshiq ka Mosheq raq khat raüta tangto. Raüta jobaiqto.

JOSHUA 24:8

Kra jai miishe, ngi raq namshiq ka Jordan rai maq shedong nü wang na shongti Amoraiq mung kiiniishe shea wan kang. Tsangshiq raq namshiq khatto. Shatmaq ngi raq tsangshiq ka namshiq ma tiitang kang. Krai mren, namshiq raq tsangshiqnok hiqshong thun ka jiiwan lan. Kiimaq ngi raq tsangshiq ka, namshiq raq khat wan tlan kra phan phan wiita shiithen baiq kang.

JOSHUA 9:10

Kiimaq apaiq raq Jordan rai maq shedong mung na siti, Amoraiqnok hokham wenai, Heshbon chela Hokhamwe Sihon, kiimaq Ashtaroth chela na siti, Bashan mung Hokhamwe Og, kra jamkho riitaq kra tsütsa ka taikai.

PHOWEBI 10:11

Kiijiishe Tatiwe raq tsangshiq bom ka akha treto, “Ejipnok raq, Amoraiqnok raq, Ammonaiqnok raq, Philistainnok raq,

PHOWEBI 11:13

Kiijiishe Ammon mung hokhamwe raq Jephtha kiimwebi ma bom ka akhiishe treto, “Man na Israilnok ka Ejip mung maq laü wantaq akhing na, tsangshiq raq ihiq shong ka, Arnon Rai maq pha wan raüta, Jabbok Rai na saüli, kiimaq riita Jordan Rai na saüli ihiq ka nyea wanto. Kra thun ka ümchaü ümniiraq kaishakshak maq ngi ma jangke nong ratlo.”

PHOWEBI 21:8

Ümtiikiiwa tsangshiq raq, Mijpa chela na Israilnok mungmaiqse ngongthuntaq kiijaq maiq phan nokshi ra lomki dammak dea asi shea nguta, bom konchon kiita, tsangshiq raq Gilead wangti wa Jabesh chelati ka lomki dammak dea nguta sapto.