JEREMIA 7:6 - ASII LAKDAP Bible (BSI) Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq. Hawa Naga Bible 2001 Juiuc vwuinz, nojix, mvntix hez htauk wawc mop jap vshuinx kuex httvr shuinz shex. Vruex mungtan wawc mvrax vguez miqsaz thvt vshuinx kuex httvr shuinz shex. Vganc tishox htenc muex nawk palx vshuinx kuex nuimshiq kuex tvbac gay dvyx rvtueq ningkhvnc nuex httvr gay shuinz. |
Apaiq raq ase ka wa na chaqtlii-honglu na takuqto. Apaiq raq langtliito. Kiimaq mintin loqle kloto. Kiimaq jaqliitibi nai tei tlangti ma tei tlangto. Kiimaq wulum rai riibom wanto. Apaiq raq Tatiwe man na ngarai bihea kloto. Raüta Tatiwe tsankhiq henghea shaüto.
Kiimaq akhek pinthum ka apaiq raq mungmaiqse setu sepii pahea tsat baiq wantaq kriikha na riito. Tatiwe raq Manase mra ka diikuq lot mak she riito.
Richüpat na ashongthü, trai longkaü ka naq tiisotkiq. Kiimaq jechisetiim hiq ka naqnitkiq.
Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.
Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.
Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.
Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.
Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,
Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”
Tsangshiq raq apaiq ka lap wan raüta Hokhamwe Jehoiakim phana shea wanto. Raüta Hokhamwe raq apaiq ka tiitsat baiqto. Kiimaq amaa ka mungmaiqse maalap chiim kiijaq dobaiqto.)
Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.
Tsangshiq ka jaro apütamli kiimaq wok phetaktak. Tsangshiq raq abi kiimungtlaq thun awealot chang riimak. Tsangshiq raq manti sekong ma tsangshiq raq lapphaq sea chang ka kuqmak riimakla ji maq nishishi haithütlaq kriiti ka kha ka riikhaqli phokuq mak.
“Namshiq chap nai nga rong arai kra aklai ronglaq. Kiimaq ümchaü jamlaiwa kiimung tlan kra athaq she ronglaq. Namshiq nai namshiq liipan na weshi raq weshi ka riikhaqli thungtri maq shin lantea siwan lili ronglaq.
Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.
Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.
Apaiq raq Israilnok sumla phra thun ka shomnoq mak. Kiimaq riikhiq nguta atangtabaiq sumla thun shomjam thun na kiraüta honglu ataakuq ngam ka phaqki dam mak. Apaiq raq maiqchak rai sraki mak. Riimakla maiq nyung apaiq jipilü kheasam akhing bala adam na hainga mak.
Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.
Maiqmii Israilnok phan ka naq lao liikiq. Shatmaq Tatiwe üm Shiikeawe aming kra langlaq.
Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.
Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.
Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.
Kiimaq, namshiq raq ara aming thun ara jin lanta, laihin sumla phra thun, namshiq raq man na shomnoq man dongdii kriithun ka shomnoqho hanla, manson miho han.
“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.
“‘Jurwa pong mungti wan shawetiim, jechisetiim, kiimaq manti-nyungre raq alap chang wa kuq mak haihiitlaq, kriiti ma Shiikeawe manson minilaq.’ “Kiimaq mung maiqse kunli raq mitre ‘Amen!’
Tatiwe namshiq Shiikeawe ka ümtiikiimin laqbaiq raa mak. Kiimaq laihin phra thun jai phanho lanta shomnoq kai maimak. Namshiq raq kra riihan jiila, ngi raq ümchaü ranaiq namshiq ma kholam kholiiq chongkuq tiikang, namshiq ka miqchup mitiithen baiq.
Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.