James 1:27 - ASII LAKDAP Bible (BSI)

²⁷ Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

Hawa Naga Bible 2001

²⁷ Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.

Muklom

²⁷ Hiqtang Shkewa etho Wa shey irimal phong sha asang nia khakla phong ta tathin aa, noti tang etho notinu tang tsamnang shina rimrang etho ning ni ning sha mingkang aja tang wang asang shing aa.

James 1:27 Referencias Cruzadas

Tvtsvmc 119:1

Peohea juwa ashut aphit ahü maq singatlaq, juwa Tati thungtri wokhong na sitlaq.

Tvtsvmc 146:9

Apaiq raq namung na siti wanshabi ka tiiwongkuqtlo; apaiq raq manti-nyungre nai jechise kong khrumtlo, shatmaq abi klotibi ka tsangshiq then wan lam na sheahotlo.

Tvtsvmc 68:5

Shiikeawe, apaiq asii Shomjam na sitiwe raq, jechisere rümtlo kiimaq manti nyungre tiiwongkuqtlo.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 5:8

“Juwa tsantsii asii kriiti ma chochi; tsangshiq raq Shiikeawe michhi!”

Luke 1:6

Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

Romans 2:13

Ara jamkhano chongtiikai ngukla, Shiikeawe raq maiqse ka kechu maiqse she nguta, apaiq rai wehea ma shram wantlaq kriika, Thungtri aming ka miinan ni maq tai wantibi lamlam ka, shram wan mak. Shatmaq, jurwa Thungtri aming kra lang raüta sitlaq, kriiti ka Shiikeawe raq, apaiq rai kechu maiqse she nguta shram wan tlo.

Galatians 1:4

Ümchaü ara abi ngarai pat arwa nashiq ka wase ma tiijawan miitu, Khristo raq apaiq miisaq ka nashiq ngarai thun miitu kuqto. Arka Shiikeawe, kiimaq Nawe raq thapthitaq kra lang raüta tsaito.

Galatians 3:11

Riita, ümchaü sanha arjaq chongtlaq arwa, Shiikeawe raq maiqse angu ka, jumin apaiq raq Thungtri langtlo nguta, kechu maiqse ma tiija mak, ngutiishe sap tiikai. Ara jamkhano chongtiikang ngukla, Asii bomtsi na, “Jurwa Shiikeawe ma kamtsantsii thü tlaq, kriiti kli kamtsantsii lümaq, Shiikeawe raq apaiq ka kechu maiqse she nguta, apaiq rai wehea she mitiija wan. Raüta apaiq ka atra misi wan,” nguta chongtlo.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Galatians 6:14

Riita, ngi riikla, Tati Jesuq Khristo pumsongkham na tsaitaq, kra shomra tiikang, kriili she. Ara jamkhano chongtiikang ngukla, apaiq tsai taq pumsongkham lümaq, mangjong hiq rilung lam phan na, jamlai phan wa araa ariq phan nguta weawun wan tlaq thun kriika, ümchaü sanha, ngi miika hiqtili ikhli she. Ngi ka arthun armiika, atsaikai kun she. Ngi armin, mangjong rilung lamphan miitu ka, atsaikai wishe.

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

TRI CHONGKE 14:29

Ara tsam thun arka Lewinok rii she. Jamkhano ngukla tsangshiq ma tachong tsiiq ahiq ka pheakuq mak dea. Kiimaq pong mungti thun, jechi nomi thun, kiimaq manti-nyungre namshiq rai chela na sitlaq kra miitu miraq. Tsangshiq ka wa raüta tsangshiq ma ümchu wa ratlaq kra milam siq wan laq. Ara klolaq. Raüla Tatiwe üm Shiikeawe raq ümniima phanrap jaqsham tlaü kiijaq achu mishman kuq.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

1 Timothy 5:4

Shatmaq, manti-nyung li jiimin, asetiim lo, asaütiim lo asi jiika, tsangshiq raq kamasham minshiiq kra tsangshiq maiqmii jamkunti miitu shiikumpan jaqsham kra kongkhu sap tsin chang. Akha minshiiq raüta tsangshiq ma anyungwetiim kiimaq ati-awitiim ka dunghea wan chang. Jamkhano ngukla akha minshiiq raütiq Shiikeawe ka michochi.

Titus 2:12

Kra kaphap mangchan khoqramkii lümaq, nashiq ma, kechu maiqse rilung siwan miitu ningkun kuq tlo. Laita mangjong ngarai han-ngam tsii kharü mong wa dong wan miitu, ningkun kuq tlo. Laita, nashiq raq stiq skhaq rilung, tingting rilung, kiimaq Shiikeawe ma kiinong kuq laita asii ngamrea rilung siwan miitu ningkun kuq tlo.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

James 3:9

Nashiq raq armaq, nashiq Tatiwe kiimaq nashiq ma Na Wejong Shiikeawe ma kechutum achü jaü tiikai. Kiimahali, Shiikeawe raq apaiq sham ikha, naphan namaq maiqse ngusaq kra phansangto. Tsangshiq ma nashiq raq manson kiqsü bom tiikai.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

2 Peter 1:4

Shiikeawe raq nashiq ma achong lot mai achu shiiman mikuq ha nguta kongphiq akhakuq, kriika ümchaü nashiq ma kuqto she. Arka nashiq khum na Asii Wenyi kuqtaq kra nangnga chongtlo. Ara ningkun lümaq, nashiq rilung ka ara mangjong hiq na, maiqse ngarai sükha tsii raq, ümchuwa mangjong hiq na siti maiqse khum, shiithen baiq tlaq, kiiwa nashiq khum ka mitiichhii kuq. Kiimaq nashiq ka, Shiikeawe setiim awongsii ma mitiija.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 3:14

Riita ara chongtiikai krai mren, lungwii Phungmaiqse phunobi lei, kamto maq Shiikeawe saükai ranaiq na, Shiikeawe raq namshiq ka asii kechu maiqsetiim awongsii loholi chang miitu shiikut chaq lanta sirong laq.

1 John 5:18

Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.