James 1:27 - Hawa Naga Bible 2001

²⁷ Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.

ASII LAKDAP Bible (BSI)

²⁷ Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

Muklom

²⁷ Hiqtang Shkewa etho Wa shey irimal phong sha asang nia khakla phong ta tathin aa, noti tang etho notinu tang tsamnang shina rimrang etho ning ni ning sha mingkang aja tang wang asang shing aa.

James 1:27 Referencias Cruzadas

Tvtsvmc 119:1

Yehowa tvrac rulc rv-ngvlc, mvrax kop muq maq rullungx tvraungx httaz jix htenc kuex thuinhvlx yaq.

Tvtsvmc 146:9

Naungshiq ghaq vraungx nuex httax yaq pungnuk miqsaz htenc kuex vpiq rueq tvkhup wungx kuq yaq, mvntix nyuiuz tamx nuiyc nojix saz tamx muex vpiq rueq romc kuq yaq, yuq muinz layx bac jix htenc rueq kvmungx yaq lvmx kuex tvsuimz rvgay tueq.

Tvtsvmc 68:5

Vpiq vsawc Shomc Yuimx nuex httax yaq Tishox rueq, nojix sahez kuex tuimz guimz ruiux mvntix nyuiuz tamx kuex tvkhup wungx kuq yaq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

Matthew 12:32

Miq Saz vmac kvjaz maq yaq kuy jix waz kuex mvrax dawc kuy juing lvmx httax yaq, yuq muinz Vsawc Siyac muex kvjaz maq yaq kuy jix waz kuex majuiuc pat nuex ngoz ruiux muinz, yix wawc pat nuex ngoz ruiux muinz mvrax dawc kuy juing lvmx vguez.

Matthew 5:8

Thuinz vmungx kvsawc nawc jix kuex thuinhvlx yaq; yvmx khoc lac ngoz ruiux lec tsuingshiq rueq Tishox khiz lvp shuex!

Luke 1:6

Tsuingnueyc kuex Tishox htumc nuex vtsuing vrux miq ningkhvnc nuex Taungjix tvrac htenc nuiyc nvrc bomc htenc lotlaz kuex phvnx wuez tueq.

Romans 12:2

Nuimshiq rueq mungkawx htungx vlayx kuex nauk phvnx kaz, nuimshiq kuex Tishox maq raz tueq nuimshiq thuinz kuex tvsawc ric kvlayc wvnc kuinz. Kvkaq nuimshiq kuex Tishox thuinroc lvmx, vhvlx lvmx, vpiq muex tvraungc raq yaq lvmx nuiyc hunghtaungx yaq lvmx kuex yvmx lac rvtvnx tv-phvlc tuiuz wvnc lvp shuinx.

Romans 2:13

Yvmx khoc lac ngoz ruiux lec miqsaz rueq Tvrac kuex vtay lvmlvmc raz tueq dvyx Tishox rulc tsuingrux lvp shuex rvmuq, Tvrac nuex nvr shec tueq rulc rv-ngvlc shuimx ruiux yuq jix tsuingrux ngoz tueq ngoz shuex.

Galatians 1:4

Christu kuex naungshiq Waz Tishox thuinroc tay kuy muex naungshiq kuex vruex vbac vtac pat vwawc tvdungc wvnc tvkoc naungshiq mvrax rawc nuex vpiq shauk pumz kuex lekuq gay tueq.

Galatians 3:11

Rumvrc luik nuex, “Tishox muex kvmluimx ningkhvnc nuex vpiq rueq tvtsuing tvrux kuy jix htenc kuex rullungx tvraungx tuex,” ngoz tueq wuiyq shec ningkhvnc nuex, Tvrac phvnx jix ukhaq yuq muinz Tishox rueq tvtsuing tvrux kuy vkhangx lvp muq lvmx kvkhic yaq.

Galatians 5:6

Yvmx khoc lac ngoz ruiux lec naungshiq kuex Christu Yesu rulc vdvmz ngoz ruiux yuq, vhttoar gvnc vhtungx lvmz shix, lvmz miq kuex vkhek rvmuq; vkhek rax yaq kuex lungwawc thuinz tvkhic laz shuimx kaz yaq kvmluimx lvmx kvdvyx rvtueq.

Galatians 6:14

Ngaz kuex naungshiq Taungjix Yesu Christu yauk juinc bulx lvmx maq lvy vtueq, vganc yvmx phvnx tvkoc muinz kvsomc parc taungx rvmuq, vpiq yauk juinc bulx lvmx ningkhvnc nuex mungkawx kuex ngvy tvkoc vmaungx yaungx ruiux, ngaz muinz mungkawx tvkoc vmaungx yaungx wvnc tauk.

Ephesians 2:2

Kvtanc jauz nuimshiq rueq mungkawx honc vbac lvmx nuex phvnx vtueq raungwuilx wanc wawc siyac luimc vkawc htenc guimz jix waz khung nuex httax wuez tuit; Tishox rueq nvr yaq kuex phvnx muq jix htenc kuex majuiuc muinz siyac yac rueq guimz lawc khung nuex dvyx httax yaq.

TRI CHONGKE 14:29

Kvruex phuiuz vsvy juing htenc kuex miqmac hup svmx ngoz tueq vguez Lewi miqsaz htenc, nuimshiq ghaq nuex httax yaq pungnuk miqsaz htenc, nojix sahez, mvntix nyuiuz tamx kvruex hez tvkoc rvtueq. Tsuingshiq rueq kvruex phuiuz vsvy kuex rax yaq tanc khvnc lvmc phuiuz svy mvy yaq. Ekvkhoc shuimx kaz ruiux yuq kuex Yehowa nuimshiq Tishox rueq nuimshiq rueq shuimx shuinx ruip rawx kvyuq ruimruimx kuq kv-phuinx.

1 Timothy 1:5

Kvkhoc nvrc lvmx kuex vsawc lungwawc thuinz vmungx, sawc riric hvlc thuinz nuiyc rvkhauk laz kvmluimx thuinz kuex tvhuingc tvsvmc kuy roc ningkhvnc nuex rvtueq.

1 Timothy 5:4

Yuq muinz mvntix nyuiuz shishiz rueq vsuiuz vsaz lvp ruiux yuq, tsuingshiq rueq miqmac yuimx taungx laung nuex nawk palx htungx kvmluimx lvmz nuex seng vtueq shuimc rax yaq gurc htenc kuex kungkhux mtvluing wvnc wuez shueq, kvkhoc shuimx kaz vtueq miqmac nyuiuz vwaz htenc nuiyc jix vwiz htenc muex kejux mtvyez kuq shueq, yvmx khoc lac ngoz ruiux lec Tishox rueq raungc raq yaq lvmx rvtueq.

Titus 2:12

Naungshiq kuex naungshiq muex yunghvlc Tishox nuiyc Palc Taungjix Yesu Christu ngauz vngax dungc wvnc tuex kejux Raungwuic kuex tvluimc bvmc vtueq, tvrac tvtsanc muq thuinz nuiyc mungkawx rvnphvnx thuinz kuex gay shec tvkoc muinz,

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

James 3:9

Naungshiq rueq naungshiq Taungjix nuiyc Vwaz ngauz vngax kuex tvtsvmc shix nuex muinz tvlix maq tvtsvmc vshix, Tishox shvmx rulc rv-ngvlc vtvdung taq miqsaz kuex httonx tvmx shix nuex muinz kvruex maq httonx vshix.

James 4:4

Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

2 Peter 1:4

Ekvkhoc maq bomkhvmc taq tueq pinhtumc yunghvlc nuiyc vhtawz tsanc hvlc yauk noalc kejux htenc kuex vpiq rueq naungshiq muex kuq phuex, kvruex kejux kvmaq nuimshiq kuex mungkawx vwawc tvbac kuq yaq rvnphvnx lvmz wawc dungc wvnc vtueq Tishox shvmx nuex lomx naungx wvnc wuez kuinz.

2 Peter 2:20

Mkhoc shoc maq miq htenc kuex nuimshiq palc daungc Taungjix Yesu Christu kuex tuiuz wvnc ningkhvnc nuex mungkawx vshuy vshac mungx wawc dungc wvnc yix maq laukshiz hulawx vshuy vshac lvmx rueq taungx gay rvhumc ruiux yuq, yix nuex yaungx wvnc yaq kuex kungkhux wawc htauk nuex muinz songhvlc shex rvtueq.

2 Peter 3:14

Kvkhoc rvtueq lungwawc kungjix bix lex, nuimshiq rueq kvruex Raungnuiyq kuex bvmc vtueq httax tuinx baunglaung, Tishox khaungkac nuex mthuinz vsawc maq mvrax kop muq juing vpiq rulc nomic httaz lvp tvkoc hungc tvlot laz maq hunglaungx kuinz.

1 John 5:18

Tishox sahez yaungc jix waz kuex mvrax tvhttoarc vtueq shuimx muq lvmz naungshiq rueq tuiuz vshix, yvmx khoc lac ngoz ruiux lec piq kuex Tishox Saz rueq tvkhup wungx kuq yaq ningkhvnc nuex Htaungc rueq piq kuex tuingc heq lot muq.