James 2:1 - Hawa Naga Bible 2001

¹ Iphuz inox bix lex, nuimshiq kuex ngauz vngax httax yaq Taungjix naungshiq Taungjix Yesu Christu muex kvmluimx jix htenc rvtuit rulc rv-ngvlc, miq htvlx phawc thvl vtueq nauk rvbomc nyamc kaz.

ASII LAKDAP Bible (BSI)

¹ Lungwii phunaino Phungmaiqsetiim lei, namshiq ka nashiq Tatiwe Jesuq Khristo, achhai anyii Tatiwe ma pharangrang maq kamwanti maiqsetiim nguta sitlan. Krai mren, namshiq raq maiqse ka rakhütsiri na, tsangshiq sham na liilanta, arka ajong, arka chiithe lüwa, kiimaq arka thümsaü litse nguta, naq tseatsiiq rongkiq.

Muklom

¹ I no nia pho tang, hiqtang phun amun atha Teyhungwa Jesu Khristo ma hantey tang, miq shi rangkho na siin eq ning jamoq adak adak ang eq nak dangjang inn.

James 2:1 Referencias Cruzadas

2 KAÜWA WERAÜ 19:7

Yehowa naungshiq Tishox kuex vrot vkaq lvmz, miqsaz htvlx phawc thvlc lvmz, khauloayc yauk noalc svy lvmz htenc kuex lawc lot muq ningkhvnc nuex Yehowa muex tvtsanc nganc kuq vtueq honc lvmz hvt maq shuimx shuinz,” ngoz tueq jungx tueq.

TAKSU LAK 24:23

Wvtharc jix miq htenc rueq vruex lvmz htenc kuex jungx wvnc tueq shex shvmx: Phoc waz rueq htvlx phawc thvl httauk kuex vyaq rvtueq.

TAKSU LAK 28:21

Miq htvlx phawc thvlc kuex vyaq. Yuq muinz phoc waz wvyvmc rueq khauloayc yauk noalc raungluingx saz lvp tvkoc vyaq kox nuex phox shuex.

LEWI 19:15

“Khuec vkhac kuex raraz tsatsaz phoc kuy rax, htemc saz rvmuq ngoz ruiux luiz waungx ngoz tueq htvlx phawc nauk thvl htauk kaz.

Matthew 22:16

Kvruex yimaq tsuingshiq sangac bix nuiyc Herod phungc jix wvyvmc rulc roc nuex vpiq kox nuex tvkaz tueq. Tsuinghez rueq, “Tvluingc waz lex, mnoz rueq tsuingrux lvmx dvyx jungx vshuiux kuex nuiyshiq rueq tuiuz wuez vshix. Mnoz rueq miqsaz htvlx phawc lawc muq maq, miqsaz tvkoc Tishox thuinroc lvmx kuex rvkhauk laz tvluing kuq vshuiux.

Acts 10:34

Kvkaq Peter rueq, “Tishox rueq miq htvlx phawc thvl muq lvmz kuex majuiuc ngaz rueq vsuing tuiuz vshaungx.

Acts 20:21

Yuda miqsaz htenc muex muinz, Pungnuk miqsaz htenc muex muinz tsuingshiq mvrax htenc wawc Tishox kox nuex thuinz kvlayc kvroz wvnc vtueq naungshiq Taungjix Yesu muex kvmluimx wvnc tvkoc muinz, ngaz rueq daungdaungx tvsvmz jungx vphaungx.

Acts 24:24

Kvruex yimaq Philip kuex vtaungx nyuiuz Yuda shvlx Drusila tsuingnueyc kaz vtueq Polu kuex tvgvl tueq, Christu Yesu muex kvmluimx lvmx nuex seng vtueq Polu rueq jungphvnx yaq bomjungc kuex tay wvnc tueq.

Acts 7:2

Stephen rueq, “Phunox bix nuiyc iwaz hez lex, ngaz rueq jungx vshaungx kuex tay shuinz! Naungshiq jix vwaz Abraham kuex Haran ghaq nuex max httax waung shauk Mesopotamia mungx nuex httax tueq baunglaung ngauz vngax httax yaq Tishox kuex piq kox nuex kvkhic kaz vtueq,

Romans 1:11

Yvmx khoc lac ngoz ruiux lec nuimshiq tv-phaungx ngaungx tvkoc nuimshiq muex siyac yauk noalc phvlc kuy roc ningkhvnc nuex ngaz kuex nuimshiq rulc rvhumc roc hvlc rvtueq.

1 Corinthians 2:8

Mungkawx vwawc vyungx vlaungx yaungc jix ukhaq rueq muinz taksux tharc vruex tuiuz lot muq. Mkhoc shoc maq tsuingshiq rueq tuiuz ruiux yuq kuex vphez vlez ngauz vngax vhttax Taungjix kuex tsuingshiq rueq yauk juinc bulx nuex but gay muq rvkhvmz tueq.

TRI CHONGKE 1:17

Phox kuq shuinx kvkaq miq htvlx thvlc mvy muq; piq kuex mkhoc miq dvyx ruezruez htvlx phawc thvl httauk muit maq mvrenc phox kuq shuinz. Nuimshiq rueq htvp htaz shuinx kvruex kuex Tishox kox wawc ningkhvnc nuex ukhaq muex muinz nauk hiz kaz. Nuimshiq rueq htvp htaz lot muit khuec vkhac httax ruiux kuex ngaz muex tvtay jungx kuit, ngaz rueq jix phox shaungx,’ ngoz tueq jungx tueq.

TRI CHONGKE 16:19

Khac phox ruiux yuq, tvrac rulc rv-ngvlc muq muinz, miq htvlx phawc thvl httauk vtueq muinz phoc kuy mvy muq; khauloayc yauk noalc lvmc mvy muq, kvkhoc yauk noalc rueq wvtharc jix nuiyc miq tsuing jix muik kuex puingc kuq gay vtueq vyaq kox nuex htvp htaz kuq gay yaq.

Colossians 1:4

Yvmx khoc lac ngoz ruiux lec nuimshiq kuex Christu Yesu muex kvmluimx vtueq, Tishox miqsaz lotlaz muex lungwawx vshuinx lvmz kuex nvnueyc rueq tay lvp ningkhvnc nuex rvtueq.

1 Timothy 1:19

Kvdvyx muinz rvmuq mnoz nuex kvmluimx thuinz nuiyc sawc riric thuinz maq phaungx duingduing shuimx taq shuiux. Miq wvyvmc jix kuex vhvlx vbac thvl httauk thuinz rueq htuiuz shuiuz yaq kuex tay muq ningkhvnc nuex miqmac kvmluimx thuinz kuex tvbac gay wuez yaq.

1 Timothy 5:21

Vkhoc jungc tvkhic lvmx htenc kuex phvnc tvkoc Tishox nuiyc Christu Yesu khaungkac nuex muinz, vsawc raungkamx bix khaungkac nuex muinz mnoz muex ngaz rueq jungx vphaungx, mnoz rueq mkaq muinz tvluz nuex htvp htaz lvmz nuiyc htvlx phawc nauk thvl httauk kaz.

Titus 1:1

Tishox nvrc waz nuiyc Yesu Christu kamx waz rvtauk ngaz Polu rueq luik wuiyq tvwvnc vphaungx. Tishox rueq vthvl taq miqsaz htenc kvmluimx lvmx kuex romc lawc kuy tvkoc muinz, naungshiq nawk palx htungx vlayx rueq tvluing kuq yaq tsuingrux lvmx khiz tuiuz wvnc laz juing lvmx tvkhic kuy tvkoc muinz ngaz kuex thvl vtueq tvkaz phuex.

Titus 2:13

kenx ririx maq raz tueq vtsuing vrux maq httaz ruiux, tvrac tvtsanc yaq rullungx tvraungx vtueq vruex mungkawx vyuq httaz wvnc tvkoc muinz, kejux tvrac rueq naungshiq kuex tvhonc tvtharc kuq yaq.

Hebrews 1:3

Vpiq kuex Tishox ngauz vngax maq phelez httax yaq, vpiq kuex Tishox shvmx vrvmx yac yaungx ruiux, vpiq luimc vkawc mvrc yaq bomjungc maq raungx vghaq kuex tv-phaungx ngaungx taq tueq. Vpiq rueq miqsaz htenc mvrax wawc tvdungc wvnc tvkoc shuimc tvlot yix maq, raungmungx nuex Luimc Vkawc Yunghvlc Tishox yaukkeq kox nuex ngaungc yaq.

Hebrews 12:2

Naungshiq kvmluimx lvmx kuex vphaungc maq vtvsuip nuex httuiuc laz tv-phaungx kuy jix Yesu kuex lawc tvtsuingc taq wuez shuinz. Vpiq kuex vpiq rueq lvp wvnc juing rvtueq vpiq bvmc yaq kokez juing lvmx ningkhvnc nuex, yauk juinc bulx nuex thueyc tueq miqyvlc vsac kuex wvlc guez tvyaungc ruiux, yauk juinc bulx lvmx kuex thvl wvnc vtueq majuiuc Tishox hoc daungraungc vkeq kox nuex ngaungc yaq.

James 1:16

Lungwawc phunox bix lex, tvshonx ronx jix ningkhvnc nuex lvmx nauk tvmawc kaz!

James 1:19

Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

James 2:3

Nuimshiq rueq khoz vkhvy vhvlx svmc jix waz kuex tvtsuingc vtueq, “Vruex ngaungc chuing vhvlx vyuq ngaungc kuiuz,” kvmaq htemc saz jix waz kvmac kuex, “Mnoz kuex nuex kvyuq jvp kuiuz, rvmuq ngoz ruiux iyaz phaungx vyuq ngaungc kuiuz,” ngoz tueq jungx ruiux yuq,

James 2:9

Yuq muinz nuimshiq rueq miq htvlx phawc thvl httauk ruiux nuimshiq rueq mvrax lvp tuit ningkhvnc nuex, Tvrac yaq gay jix miq vshiz ikhoc maq kvruex tvrac rueq nuimshiq muex phoc kuy rvhumc tuinx.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

2 Peter 1:1

Yesu Christu nvrc waz nuiyc kamx waz yaungx vtaungx ngaz Simon Peter kuex naungshiq Tishox nuiyc palc daungc Taungjix Yesu Christu tsuingrux lvmx nuex nuiyshiq vkhoc vhtawz tsanc hvlc kvmluimx lvp wvnc jix htenc kox nuex luik wuiyq tvtay vphaungx.

Jude 1:16

Vruex miq htenc kuex mkaq muinz kvbot nyvnx ruiux miq vganc muex mvrax tvgurc wuez yaq, tsuingshiq honc vbac rvnphvnx lvmx nuex phvnx wvnc wuez yaq; tsuingshiq kuex miqmac lvmx kuex kvsomc parc jungx yaq, miqmac thuinroc lvmx yaungc tvkoc rawc nuex naungnuk waz kuex tvtsvmc tenpic kvjaz kvjak yaq.

Revelation 14:12

Tishox rueq nvrc bomc phvnx vtueq Christu muex tvmtuing httaz jix Tishox miqsaz htenc kuex vkhoc phvnx vyuq nanx thuinz httaz rax tuex.