James 2:1 - ASII LAKDAP Bible (BSI)

¹ Lungwii phunaino Phungmaiqsetiim lei, namshiq ka nashiq Tatiwe Jesuq Khristo, achhai anyii Tatiwe ma pharangrang maq kamwanti maiqsetiim nguta sitlan. Krai mren, namshiq raq maiqse ka rakhütsiri na, tsangshiq sham na liilanta, arka ajong, arka chiithe lüwa, kiimaq arka thümsaü litse nguta, naq tseatsiiq rongkiq.

Hawa Naga Bible 2001

¹ Iphuz inox bix lex, nuimshiq kuex ngauz vngax httax yaq Taungjix naungshiq Taungjix Yesu Christu muex kvmluimx jix htenc rvtuit rulc rv-ngvlc, miq htvlx phawc thvl vtueq nauk rvbomc nyamc kaz.

Muklom

¹ I no nia pho tang, hiqtang phun amun atha Teyhungwa Jesu Khristo ma hantey tang, miq shi rangkho na siin eq ning jamoq adak adak ang eq nak dangjang inn.

James 2:1 Referencias Cruzadas

2 KAÜWA WERAÜ 19:7

Tatiwe ka shreng ronglaq. Lantea honkam shat maq jaq ka sham ronglaq. Jamkhano ngukla Tatiwe, nashiq Shiikeawe raq laopha jaqsham nai atsea atsiiqti riimakla tsiiq lap seati ka romak.”

TAKSU LAK 24:23

Taksmabi raq, arthun bomtsi armin chongto: phowe raq maiq ka, tsea tsiiq maimak, kriika ajiq.

TAKSU LAK 28:21

Maiq tseatsiiq ka ajiq. Shatmaq phowebi wiijamti riika, tsiiqlap siq raüta, kha ka ajiq photlo.

LEWI 19:15

“Namshiq raq ümtiikiiwa khü akha phokuq tlan, tingting kiimaq teng teng maq pho ronglaq. Miitsan maiqse rai lop dam min maimak kiimaq chiithe maiqse miimin haisong raamak.

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Acts 10:34

Kiijiishe, Petar raq bom ka akhiishe chongkuq hoto, “Shiikeawe raq maiqse angu wiitarü ka maklii ashi miili dea liikuqtlo nguta, ümchaü ngi raq tak kang she.

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 24:24

Kiimaq ranaiq tsam blai si raütiishe, Phelisk ka tsang-nyung Jehudi shea Drusila rai kito. Raüta, apaiq raq Paul ka tiiheawa raüta, Paul raq Khristo Jesuq ma kamwan lamphan bom chongke kra taito.

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Romans 1:11

Ngi raq namshiq rai sham riichhi tlo ha jiilei, nguta i tsan na atsi maq sitiikang. Namshiq rai riihum lata, namshiq ka kamasham na choke wan, achu shiiman kran kuqwa hajaq, namshiq wenyi lam phan na ningkun tiijong wan ma nguta tiima tiikang.

1 Corinthians 2:8

Ara mangjong hiq langtibi hokhambi thun raq, ara phaqchi arka jurmin sap wan lot mak riito. Tsangshiq raq ara sapshat ngu raü jiika, achhai anyii Tatiwe ka pumsongkham na tübaiq mak mirwa.

TRI CHONGKE 1:17

kha pho kuq tlan na, jurai jiimin lopdam maimak. Maiq loweatek ma kha ka tri kappe ashi miili shin ratlo. Khahoti nai ashokti ka juwe riiklo. Ju miimin naqhai rongkiq. Jamkhano ngukla namshiq raq kha tankuq tlan kriika Shiikeawe raq kuqtlo. Kiimaq kha tsinhea namshiq raq phokuq lot man chang she raüla, kriika ana ngi phana lam wan lili ronglaq. Kriika ngi raq mipho kuqha.’

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

Colossians 1:4

Arka naishiq raq namshiq kamtsantsii, Tati Jesuq Khristo ma thü tlan kra nai namshiq raq Shiikeawe setiim tarü rai lungwii tsantsii maq sitlan nguta tsütsa kra tai laita kechutum tiikai.

1 Timothy 1:19

Kiimaq ümkam tsantsii ka pharangrang maq thü wan lili riilaq. Kiimaq ümnaq tiima tsantsii ka khangriri, siirairai maq thü wan lili riilaq. Phungmaiqse wiijamti raq tsangshiq ma, maiqmii tsan mong na jamlai wa tiido tlaq, kra maiqmii tsaiji bomchong taimak maq, tlea raüta, ajiq lam phan wanto. Kriikha maq, tsangshiq kamasham rilung ka ashthen riibaiqto.

1 Timothy 5:21

Ngi raq arthun aming ara Shiikeawe man na, Jesuq Khristo man na, kiimaq asii rasetiim man na, ramram lata, ümniima arthun arang ara kuq tiikang. Ju miimin tiishaü tiiji naq riikiq. Wiitarü ka maklii shi maq peng laq.

Titus 1:1

Ngi, Paul, Shiikeawe jaqshise kiimaq Jesuq Khristo kiimwe raq waiq tiikang. Ngi ka tsea wanto raüta tiiwato Shiikeawe raq atsea wan asenginok kamasham kra khrumke wa miitu. Kiimaq tsangshiq ka nashiqnok kamasham lamphan na shrinkuqtlaq tengtlaq bomtsi kra tiisapke wan lan na shunshea wan miitu.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 2:3

Kra chhi lanta, namshiq raq chiithe we ka ahea wiq maq shreng lanta, namshiq phong wa weshi ra raq, “Shiilang we lei, ümniika ana shiilang ngachang ana ngawakiq na,” nguta mitao han ngu i. Kiimahali, weshi ra raq, miitsan we ma, “Ümniikla inniikiijaq chaplaq; riimak la, ara i ngachang, i jichong tho arjiili nga liina,” nguta mitao han ngu i.

James 2:9

Shatmaq, namshiq raq nanok ka rakhütsiri na liilantli, tseatsiiq han jiila, namshiq ka ngarai tangtibi ma mija han. Thungtri raq namshiq ka tri jintibi nguta mitiishut.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.

Revelation 14:12

Arningkhan, Shiikeawe sengi bi, Shiikeawe wokhong na sitibi ma, kiimaq Jesuq wokhong na sitibi raq anin wan chang raa tlo.