James 1:26 - ASII LAKDAP Bible (BSI)

²⁶ Maiq weshi ra riika, apaiq ka maiqshaq awongsii Phungmaiqse sitiikang ngutiimin mitiima sham. Shatmiitiina, apaiq raq atili ka stiqkhaq mak maq, abom wan nguli bom tlaq jiika, apaiq ka banbok miili sitlo ngushat. Kriika maiqmii tlaophaq li. Apaiq raq Shiikeawe lamphan tlaq kriika shaqmii, atuli miraq.

Hawa Naga Bible 2001

²⁶ Miq washiz shiz rueq miqmac kuex nawk palx htungx vlayx tvtsanc nganc jix waz ngoz tueq tvmaung ruiux yuq muinz, miqmac tvlix khvrc lot muq ngoz ruiux yuq, piq nawk palx htungx kuex khuec guez dvyx raz tueq piq shauk gvnz kuex laulawc gay dvyx rvtueq.

Muklom

²⁶ Chamtey tang eq ning ni ning sha asing phong miq ta tathin aa, etharin ning phali sha jin táng moq ang ajo, ning aa ning ni ning sha dip aa etho ning phong sha thanghung.

James 1:26 Referencias Cruzadas

YOBA 15:13

Ümniika Shiikeawe ma akhiq riitlaü laüta apaiq ka shraho laü.

YOBA 30:11

Shiikeawe raq iningkun ka tiijom baiqto raüta jamkhii ijasiq tiijabaiqto, kra ningkhan tsangshiq tsankhiq walü maq ngi ka shechaqtlo.

Tvtsvmc 141:3

Tatiwe lei, inübok kheti thülaq, inübii kilüchong na kintsongti tsongshat riilaq.

Tvtsvmc 32:9

Kumrang ikha riimakla kumshot kaü ikha tsiihü naqja rongkiq, tsangshiq ka jinpo tiikaq raüta nai ngamkhü shinket maq hitraütiitiq tiikhum chang.”

Tvtsvmc 34:13

Ikhla, abi bomtsi naq bomkiq she kiimaq arot naq chongkiq she.

TAKSU LAK 10:19

Pahea tsantsuti riika ashut mibom ngushat; Shatmaq maiqshaqti riika mobom bom mak phan.

TAKSU LAK 10:31

Kechu maiqse riika nyan phaqchi chongtlo; Shatmaq abi bomti tili ka achum mirbaiq.

TAKSU LAK 14:12

Ümniiraq riikhaqli lam phan tiikang angu ka, atsai riihum chang moja miraq.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

TAKSU LAK 16:10

Hokhamwe riika, Shiikeawe arang maq bomtlo; kra ningkhan, apaiq raq thapthitlaq ka riikhaqli.

TAKSU LAK 16:25

Ümniiraq riikhaqli lam phantiikang angu ka, atiisup na tsai lam thiikho ma moja miraq.

TAKSU LAK 19:1

Miitsan maiqse jiimin tingting maq, siriiwe ka ahea. Joksaü liiqse ka angi nola.

TAKSU LAK 21:26

Apaiq riika atsan na, phanrap phanrii alap wanro, kra tiimaseali sitlo. Shatmaq kechu maiqse riika, jaqchii jichii maq wantha wanthi pheakuqtlo.

ISAIA 1:13

Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

MALAKI 3:14

Namshiq raq, ‘Shiikeawe shomnoq arka jamlai liip min ahü. Apaiq raq chongtlaq kra sham laita jamliip wa midong. Kiimaq, nashiq raq jamlai wa ajiq klo kai kra ningkhan, Tati Ningkun Ajong Pinthumwe man na, nashiq mra tiidii wan kiimin jamlai liip wa midong?

Matthew 15:9

Tsangshiq raq ngi shomnoq wan tlaq kriika atuli. Tsangshiq raq maiqse thungtri kra shrinkuq raüta nangnga, ngi raq akuq thungtri shrinkuq tiikai nguta tiima tlo!’ ”

Mark 7:7

Tsangshiq raq ngi shomnoq tlaq kriika liip hü. Tsangshiq maiqmii raq athü tri ka, Ngi raq akuq ha tri ikha shrinkuq tlo!’

Luke 8:18

“Kriikha maq, namshiq ka kai honlam shat maq tiitsang tai ronglaq. Ara jamkhano chongtiikang ngukla, ju jaq niiwa phanshi ra se asi, kriiti miika abiri apa mitiitsuq kuq wan nong. Shatmaq, ju jaq niiwa jam min ahü, kriiti jaq wiika, ajaq na chonkhi laqli se rümtiikang nguta tiima tlaq, kriimin anyea mirho nong.”

1 Corinthians 15:15

Kriithaq niimin, nashiq arka Shiikeawe trotkiq wantibi kong miishe mitaiki. Ara jamkhano ngukla, naishiq riili, Shiikeawe raq Khristo ka amaa wa atra she tiidong wanto nguta chongkuq tiikai ahata. Shatmaq maiqse ka amaa wa atra tiidong wan mak she dea jiika, Shiikeawe raq Khristo kiimin amaa wa tiidong wan mak dea ngushat.

1 Corinthians 15:2

Riita, arka ngi raq namshiq ma Tsütsa Ahea chongkuq wan kang kra. Namshiq ka tsapkapkap maq Tsütsa Ahea kiima kam lanta si ronglaq. Raüla, namshiq ka mitiichhii wan. Shatmaq, namshiq kamasham ka riikhaqli awongsii riimak jiika, tiichhii lot man mirhan.

1 Corinthians 3:18

Jurmin maiqmii nai maiqmii ka angok angi ma naq tiijan rongkiq. Namshiq phong wa weshi ra raq, ara mangjong hiqti maiqse maklii na, atsii we sitiikang nguta tiima tlaq jiila, apaiq ka riikhaqli atsii we ma jawan miitu, angok angi we ma mija laq.

Galatians 2:6

Kra akhing na, ümriiti wa phungtu thaq na, ashun asheatibi sitiikai lii nguta tiichannei rai tlaq tibi kriika, ngi raq asap man sap mang. Tsangshiq ka wela sha jarai tla, jamak wa kriika, ngi ma jamlai akhek riimak. Shiikeawe raq, maiqse ka asham na lii raüta, maiqshaq nai maiqkhü ngutiika chechiip mak. Kriika, tsangshiq welabi nguta sitlaq kra ngo nangnga ngutiikang. Kiitiikaq, kra chong tiikang welabi raq, ngi ma jamlai phan anye sungkhu tsiilam chongke wan, akhiijo ihiq jo nguta, ngi ma jam min chongkuq mak dea.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

Galatians 3:4

Riita, namshiq raq ümtinkhan wa, akaiq ake thaq maq lea wan lan, kriika hiqtili niili she sha mokita? Jamkhii riita jiimin, kriika namshiq ma athii ka asi miraq!

Galatians 6:3

Jurwa maiqmii kiidea ajong ala nguta tiima tlaq, shatmaq, riikhaqli maq liiwan raü ka, apaiq ka jam min ahü, kriika maiqmii tlao phaq lishe.

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

Ephesians 5:4

Kiimaq, ümchaü sanha, namshiq nü maq, ashe ashi bomtsi, maiqphaq maiqni tiibii chang banbokmii bomtsi, kiimaq sheachong beachong bomtsi kriika, tiidong raa mak she. Kra rii na, ümchaü sanha, namshiq raq Shiikeawe ma kechutum lantli she singa rong laq.

TRI CHONGKE 11:16

Namshiq ka Tatiwe wokhong wa laihin phra thun shomnoq kai maiq ma naq tiishon ronho rongkiq.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 1:22

Tsütsa Ahea bomchong kriika, ni maq lamlamse tai raü ka hong mak. Namshiq raq jamlai wa tai tlan, kra bomtsi ka maiqmii rilung na alang wan chang. Namshiq raq kra lang man miila sihan jiila, namshiq ka maiqmii kli tlao phaq tlan ngushat miraq.

James 2:20

Ai, angi we loi! Kamtsantsii ka jaqsham maq tiichhikuq wan mak raü ka, shaqmii nguta chongtlaq kra ümniiraq sapmaü sha?

1 Peter 3:10

Asii bomtsi na akha chong tlo: “Jurwa pat aku mit asu maq siwan lungwii tlaq, raüta hansang rakhang maq siwan lungwii tlaq, apaiq ka jamkiq jiq mak jam mesiq mak maq siwan raa tlo.