James 1:25 - ASII LAKDAP Bible (BSI)

²⁵ Shatmaq, Tsütsa Ahea ka, Shiikeawe raq maiqse ma akuq minhap thungtri raütu. Ara minhap tri raütu raq, ngarai maiqse ka, kharü mong wa daa wan tlo. Jurwa ara tri raütu na jamlai wa chongtlaq kra thun ka, tiitho tiipha sidi raüta, liichum kra thusi tlaq, raüta laq mak phan maq, tsan na thü raüta, ranaiqtek lang tlaq, Shiikeawe raq apaiq ma phanrap na achu shiiman mikuq.

Hawa Naga Bible 2001

²⁵ Yuq muinz miqsaz kuex mvrax mungx wawc tvdung wvnc ruiux hungx htaungx yaq tvrac kuex rvkhauk laz phvnc lawc jix waz rueq, tvrac kuex vtay lvmlvmc dvyx tay ruiux lauk gay jix waz rvmuq maq, tvhttoarc vtueq shuimc lvmc jix waz rvtueq khuec nuex piq rueq shuimx yaq kuex Tishox rueq ruimruimc kuy rvhumc tuex.

Muklom

²⁵ Etharin bari miq rey thikla thong barey aqhap ko aa, eshi konáng tathin tak aa etho piq esha tat eq lak chak moq, etharin bara tat ta shimal hun jaksom sha som aa, eshimal ang ajo piq aa sunmaan kap na.

James 1:25 Referencias Cruzadas

Tvtsvmc 106:3

Peohea apaiq aming thun langti ma, jurwa wranaiqshe tingting klotlaq.

Tvtsvmc 119:32

Ngi raq ümnaq aming thun ka tsanchhii wokchhii milang wanha, jamto ngukla ümniiraq ngi ma apa saptsin wan miitu phaqchi mikuqhaü.

Tvtsvmc 119:45

Ngi ka minhap wase misiha, jamkhano ngukla ümniiraq phankuqtlaü kra ngi raq shiikut lata milangha.

TAKSU LAK 14:15

Maiqjiqti miika phanrap ahea siisaq, shatmaq khonglaqti riika, lam ka samhea liiraüta khumtlo.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

Luke 11:28

Kiijiishe, Jesuq raq, “Kra nam miika, jurwa Shiikeawe bomtsi ka tai raüta lang tlaq, kriiti ma kopan jonghea miraq!” nguta apaiq bom ka treto.

John 13:17

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

John 8:36

Krai mren, Ase raq namshiq ka daa wan raütiq, namshiq ka riikhaqli wasetiim ma mija wan lot han.

Acts 13:43

Sinagok noqku thumjai niishe, nokwe thun ka pin wanto. Tsangshiq pin wan jai she, Jehudinok phan maiq pahea raq, kiimaq Pongnok phan maiqse Jehudi khü maq tiihong raüta siti thun maiq pahea raq, tsangnai jai she phan wanto. Krai mren, kiimwe nai kra riimin, tsangshiq ma Shiikeawe wokhong na tsapkapkap maq shongnga rong laq nguta tsangshiq ma tsaido jido bomtsi she chongkuqto.

Acts 2:42

Kiimaq, tsangshiq ka kiimwebi wokhong na siraüta, kiimwebi raq Shiikeawe bomtsi shrinkuq tlaq kra, tsan tiitsi raüta tlang wanto. Kiimaq, tsangshiq ka Phungtu rintii ashi maq siwan damto. Kiimaq takshi pinshi maq, phaqsiq raüta sito. Kiimaq, tiima tsantsii ashi maq achu jaü raüta sito.

Acts 26:22

Shatmaq, ümchaü ranaiq niitaq, Shiikeawe raq ngi ka khrum kuwan tlo. Krai mren, ngi raq ümchaü ranaiq min, arjaq namshiq ajong alabi, kiimaq wepuq wese mungmaiqse tarü man na, hakhi kuq tiikang ara. Riita, ümchaü ranaiq arjaq mungphong na jamlai bom wa chongkuq tiikang arsii li, ümsiimaq pat achat na, teiwe shammibi nai Mosheq riimin ranaiqshi akhing na ara bomtsi ara mihongtha wan dongdii nguta chong kuqthüto.

Romans 11:22

Riita, ara shiiton bomtsi chongkuq tlaq arwiili, Shiikeawe raq mangchan tsii jonghea rüm tlaq kriishe chhi wan tiikai. Kiimahali, apaiq raq pinthum tri atsin maq lang wan raüta, kha ka phokuq wantlo, kriimin chhi wan tiikai. Apaiq raq ngarai tang wanti thaq niika, tri atsin maq kha phokuq wantlo. Shatmaq, namshiq miika mangchan tsii jonghea rüm wan tlo. Ara mangchan tsii arka, namshiq ka apaiq wokhong na siruq sitlan wiiwii, thü wan ruq mithü wan. Shatmaq, namshiq raq ngarai la tang wan han jiila, namshiq kiimin, chiisan akü ako thun daq baiq wantaq kiikhiisii hali midaq baiq wan.

Romans 2:13

Ara jamkhano chongtiikai ngukla, Shiikeawe raq maiqse ka kechu maiqse she nguta, apaiq rai wehea ma shram wantlaq kriika, Thungtri aming ka miinan ni maq tai wantibi lamlam ka, shram wan mak. Shatmaq, jurwa Thungtri aming kra lang raüta sitlaq, kriiti ka Shiikeawe raq, apaiq rai kechu maiqse she nguta shram wan tlo.

Romans 7:12

Riita, ija, ara chong tiikai arai mren, Shiikeawe raq akuq Thungtri raütu riiwe kla asii dea na. Kiimaq thungtri raq akuq aming thun kiimin asii. Kiimaq tingting. Kiimaq ahea athuk atsom nguta sitlo.

Romans 8:15

Ara jamkhano chongtiikang ngukla, Shiikeawe raq namshiq ma, Asii Wenyi kuq wantaq, kriiraq namshiq ka disetiim ma tiija raüta, shiinüm sha wan mak. Kiimaq namshiq ka tiihai miichhai, siakaq mak. Kra rii na, Asii Wenyi raq namshiq ka, Shiikeawe setiim miishe tiijatlo. Krai mren, nashiq tarü raq, Asii Wenyi ningkun maq, Shiikeawe nangnga, “I We loi! Nawe loi!” nguta riibom lot tiikai she.

Romans 8:2

Ara jamkhano ngutiikang ngukla, nashiq ma Khristo Jesuq pum lümaq, rilung tsitsü keti, Asii Wenyi raq ngi arka ngarai kharü mong wa nai tsailam kharü mong wa dokdaa wanto she.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

2 Corinthians 13:5

Namshiq rilung ka samhea wiq chechiip lanta sirong laq. Kra shin tlan na, namshiq raq tok ka tang han jiitiq tiina, namshiq ka riikhaqli dea, Jesuq Khristo sengi awongsii dea sitlan nguta, mitiingo lot han. Namshiq raq tok ka tanghan jiila, riikhaqli apaiq ka namshiq rai dea sitlo ngushat miraq.

Galatians 2:4

O, kiitiikaq maiq wiijamti riika, apaiq raq atho ka han raa dea nguta bomwito. Shatmaq, han mak dea. Riita, jurwa akha tiima wantaq, kriiti thun ka, Phungkhü maq tiihong raüta siti riito. Tsangshiq ka naishiq phong na, siwe jawa nguta shang wa damto. Tsangshiq ka, naishiq raq Jesuq Khristo pum na, liisaü wase apeo rilung lap wankai, kra sikhai wa nguta tiina nyap wataq. Tsangshiq raq naishiq ka, Jehudinok thungtri kharü mong kriijaq kha raüta, thungtri dise ikhli sihaü jaq nguta tiima raüta wato.

Galatians 5:1

Nashiq ka wasetiim she nguta sitiikai. Khristo raq nashiq ka, kharü mong wa adaa wan kun she! Riita, krai mren, ümchaü sanha, namshiq ka wasetiim nguta, mongngam maq, tok ka ra na doshat miishe si rong laq. Namshiq ka thongshi ri hali, maiqdi kong ma, naqja kinong rongkiq she.

Galatians 6:2

Phanrap sham akai ka, dorangrang pirangrang lanta, sham wan lili rong laq. Ahata namshiq ma Khristo thungtri lang lanta shongnga rilung.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

1 Timothy 2:15

Shatmaq, jechak ka ashong anga raüta, asetiim hum wan tlaq kra lümaq mitiichhii wan. Kiitiina, apaiq ka kamasham lam phan na, pharang rang maq siwan chang. Kiimaq lungwii tsantsii ama maq, kiimaq asii tiima tsantsii thü raüta, saksi minmi maq sichang.

1 Timothy 4:16

Ümbom ümsa na, ümrong ümrai na, maiqla ashi nguta kamto maq silaq. Asii bomtsi shrinkuq tlaü kra, jaqkhon ka tiiphashat maq, shrinkuq laq. Laüta ümrilung na tsapkapkap maq lang laüta silaq. Kra ümrilung jaqsham kra lü miitiq, ümkhum kra mitiichhii wan haü. Kiimaq nanok ümbom tai wantibi rilung kiimin mitiichhü wan.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

James 2:12

Arningkhan, namshiq raq nanok rai riibom nyiim tao wan tlan akhing na, kiimaq nanok rai phanrap jaqsham tlan akhing na, athuk atsom maq sichang. Shiikeawe raq nashiq kha ka ngarai maiqse tiichhii wan chang Tsütsa Ahea tri maq shin raüta mipho kuq.

1 Peter 2:16

Namshiq ka ümchaü sanha wasetiim she. Wasetiim simaq sirong laq. Wase rilung kriika ajiq jaqsham miitu akuq riimak. Namshiq ka Shiikeawe sengi, apaiq wokhong na siti nguta athuk atsom maq sirong laq.

1 John 2:24

Ara chongtiikai arkha maq, namshiq raq man na, aphaji na tsütsa ahea tai lan kra, namtsan mong na, samhea wiq arang tiicham lanta rüm rong laq. Namshiq raq kra tsütsa ka namtsan mong na thüshat maq lang lanta sihan jiila, namshiq ka pattup pat-sa Ase nai Awe rai pumshi hanshi maq misi han.

Revelation 14:13

Kiijiishe ngi raq ramungtan wa maiq bom ashi hali akha chongto taikang, “Ara waiqlaq! Kechu jonghea ümriiti wa ümchaü ara miiphat she, Tatiwe lamphan na tsai tlaq!” “Ngohea dea tengto!” nguta Asii Wenyi raq treto. “Tsangshiq ka Shiikeawe jaqsham pinthum hun nü wanto. Ümchaü sanha, tsangshiq ka hunhü niihü miishe mitiisi nga. Jamkhano ngukla, tsangshiq raq minshiiq wantaq kra tsi ngo ka, tsangshiq rai nong nong ramungtan niishe saiqsam wanto.”

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.

1 SAMUEL 12:14

Namshiq raq, namshiq Tatiwe, namshiq Shiikeawe ka shreng lanta, shiili hanjiila, apaiq bom taihan jiila, kiimaq apaiq aming thun kra lang han la, kiimaq namshiq nai nam hokhamwe raq apaiq wokhong na shongnga han jiila, namshiq ka ahea hansang maq misihan.