Matthew 27:25 - ASII LAKDAP Bible (BSI)

²⁵ Kiijiishe mungmaiqse raq, “Apaiq tsaitlaq mat kha ka naishiq khuthaq na nai naisaü naisetiim khuthaq na mirlaq!” nguta treto.

Hawa Naga Bible 2001

²⁵ Nuk miqsaz lotlaz rueq, “Vpiq thueyc tuex kvruex kuex nuiyshiq nuiyc nuiyshiq suiuz vsaz khux htauk nuex mkvdaungc kueq,” ngoz tueq tvralc tueq.

Muklom

²⁵ Miqtang thaji aa thawel batta, “Piq tikwat tey í ni í susa tang hun cham ang aa.”

Matthew 27:25 Referencias Cruzadas

2 SAMUEL 1:16

Kiimaq Dawit raq Amalekwe kriima akha nguto, “Ara mat kha arka ümdü na ümniiraq ümnübok maq chong laü kriishe hophaq tlaü. Ümnaq tsaichang thiikho ka ümniiraq athu haü. Jamkhano ngukla, ümniiraq Tati raq hokhamwe ashong ka tsatbaiq kang nguta tiichong laü.”

1 HOKHVMX 2:32

Iwe ma tiisap mak maq Joab raq kra maiqsangti tsatbaiq wantaq kriikha ka Tatiwe raq Joab khupo na mitiiholaq. Joab raq maiqsang wenai tsatbaiq wantaq kriika apaiq thaq na maiqshaq tsatbaiqto. Apaiq raq Israilnok phenlabi pengti ajong pinthum phentuwe Abnar kiimaq Juda mungti phenlabi pengti ajong pinthum phentuwe Amasa tsatbaiqto.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

WEAWEA 35:33

Namshiq raq akha klo hanla, namshiq sichang hiqshong ka namshiq raq atiishe riitlan ngushat. Mat kha raq hiqshong tiishe baiqtlo. Kiimaq maiq tsat raüla kra hiqshong tiisii chang ka, matwe kra tsaihü maq, mat kha shiikhoi mrochhi chang lamlu ahin ka ahü.

Matthew 21:44

Juwa ara longkaü na tiithaü wan tlaq, kriiti ka bunlak mibun wan; kiimaq ju dü niiwa ara longkaü ara dea jiiq, kriiti ka botkhulai ma mitiija baiq wan.”

Acts 18:6

Shatmaq, tsangshiq raq apaiq traho bomchong kra tao mak dea, akhii rea lishe khoti riito. Kiimaq apaiq ma abi atili she khoti bom rai wanto. Kra riikiita she, Paul raq, apaiq dü na asam khea na botkhulai akop kra naüshaü shaü raütiishe, tsangshiq ma jainong shung wan, apaiq khum tiihe bom pan akhiishe raikuqto. “Riita, ikhla, ümchaü amiiphat sanha, Shiikeawe raq namshiq tsitsü raü ka chumbaiq raüta tsai han jiila, kriika namshiq maiqmii raa phaq lanta tsai miishe mija! Ngi shrong raa chang ka jam min ahü she. Ümchaü amiiphat, ngi raq namshiq ma chongkuq mang she. Ara tsütsa arka Pongnok phan maiqse miishe michong kuqha!” ngutiishe apaiq raq tsangshiq ma bom ka chongkuqto.

Acts 5:28

“Naishiq raq, Jesuq aming holanta, mungmaiqse ma trahoke maimak nguta, tri atsin maq, namshiq ma aming kuq kai. Shatmaq, liirong laq, namshiq raq jamlai wa riilan ara! Namshiq traho bomchong maq, Jerusalem chela ka wiita she tiinyam baiq lan. Kiimaq, namshiq raq apaiq tsaitaq mat kha ka, naishiq khuthaq na tiikü kuq tlan!” ngutiishe tsangshiq ma kha ka nyanto.

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

TRI CHONGKE 19:10

Ara chong tiikang kra shamlaq, raüla maiqtu ngampü ka tsaimak miraq. Kra nguraüla ümniika Tatiwe raq kuqtlaq mungtan kiijaq tsangshiq tseabaiq wan kha mra ka ümniiraq homaü mirhaü.

TRI CHONGKE 19:13

Apaiq ka atiihang maimak. Akhnok mat atsa kloti ka Israil mung wa alam baiq chang. Kra riihantiq namshiq wiita ma ahea miraq.

JOSHUA 2:19

Riita ara bom riikham tiikai arai mren, ümjamti phong wa maiq ashi ra ka ara ümjam mong arwa kinphai niila dongki raüla, kriiti khupo ka tsangshiq maiqmii riili miho. Naishiq ka sepii miraq. Shamtaq ümjam mong wa maiq ka tsat raüla, kra mat kha ka naishiq khuthaq na miraq.