Matthew 27:24 - ASII LAKDAP Bible (BSI)

²⁴ Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

Hawa Naga Bible 2001

²⁴ Pilat rueq yvmx khoc jungc muinz mvy muq nuk miqsaz htenc kuex rvmulc tsvlc wvnc tueq lvmx tuiuz ningkhvnc nuex, yuix lvmz ruiux nuk miqsaz htenc htumc nuex yauk hoal vtueq, “Vruex waz thueyc tuex lvmx kuex ngvy htauk nuex tvdaungc juing rvmuq, nuimshiq htauk nuex dvyx rvtuex!” ngoz kuq tueq.

Muklom

²⁴ Pilate aa raaq jin kara moq ta khita etho miqtang rapney ring rak wang ta. Ethirangma piq aa ujak tha jung som eq miqtang thim sho qhol eq batta, “Iri miq tikwat tey nga ang mong, nim aa hun som inn.”

Matthew 27:24 Referencias Cruzadas

Tvtsvmc 26:6

Tatiwe lei, ngi raq ijaq ka kham maq ahea riikang ngi ka chiisan nguta tiichhike miitu lata ümnaq shomnoq berong-wacha tro na khumtiikang.

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 2:35

namshiq raq ngutlan, ‘Ngi ka maiqsang la; tengteng, Tatiwe ka ngi rai tsan riikhiq mak she.’ Shatmaq Ngi, Tatiwe raq, namshiq ka mitsat ha. Jamkhano ngukla namshiq raq ngarai tanglanta nang nga tangmai dea nguta rottlan.

Matthew 26:5

Shatmaq, tsangshiq liipan na, “Nashiq raq apaiq ka Poi bala lap chang ka riimak. Mungmaiqse liipan na makjaq kharong khoti miraq,” nguta bom ka riichongto.

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Matthew 27:23

Shatmaq Pilat raq hali wainongto, “Riita apaiq raq jamlai kha wa tangta?” Kiijiishe mungmaiqse ka tsangshiq rotpo tiipanki nam nam miishe, “Apaiq ka tübaiq tlo rong laq!” nguta gitrang wanto.

Matthew 27:4

Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 27:9

Ara tsangshiq raq hiq phu ri thü wantaq arjiishe shammi we Jeremia raq achongthü bomtsi kriishe kuwato. Apaiq raq akha chongthüto: “Tsangshiq raq kampho kamsii roqtsam jaüto. Kriika Israilnok wiijamti raq apaiq ri ma nguta athü miitang je maq athü wan.

John 13:9

Kiijiishe, “Tatiwe, ikhla i hokphi lamlam li ka riimak! I jaq nai i khupo armin hekuq laq!” ngutiishe Simon Petar raq nguto.

John 19:4

Pilat ka khok mong maq dongki nong raüta, jangshi ri hali Jehudinok mungmaiqse ma bom ka akha hali chongki nongto, “Liirong laq! Ngi raq apaiq dü na jamlai khü akha min chhi mang. Apaiq ka ümchaü arjaq namshiq man na tiichap nong tiikang ara. Apaiq tiishut chang kha ka, ngi raq apaiq dü na jam min ahü chhi mang.”

Acts 3:14

Apaiq ka asii kiimaq kechu maiqse. Shatmaq, namshiq raq apaiq ka tiishaü baiq lan. Kiimaq, namshiq raq apaiq la na, matwe ashi phaqtek mong na ashaq kriiwe kra khoti tiidongke raa nguta, Pilat jaq wa shiichut jaü lan.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.