JEREMIA 2:34 - ASII LAKDAP Bible (BSI)

³⁴ Namshiq khu akhea thun ka miitsan miijan maiqse tiijai raq kiimaq setu sepii maiqse tiijai na anyat rat tiijai tamtili she kata. Ahuk jati tiijai ka riimak. “Shatmaq atinkhan ara taü maq dongdii min,

Hawa Naga Bible 2001

³⁴ Vguiuq vpawx jix kuex nuimshiq rueq lvp muit ngoz ruiux muinz, htemc saz jix nuiyc mvrax vguez jix tvguiy kuex nuimshiq khvy nuex kvnyet yaq doc. “Yuq muinz kvkhoc rvyruiux,

JEREMIA 2:34 Referencias Cruzadas

2 HOKHVMX 21:16

Manase raq maiq pahea sepii tsat baiqto. Raüta Jerusalem chela chii heawea lam thun na maiq tiijai ka khamrai ma tiija wanto. Apaiq raq arthun maiq miisaq tan wantaq arka apaiq raq Juda mungti ka sumla phra phong shomnoq thiikho na tiidea baiq wantaq kra tiitsuq ma kloto. Raüta mungmaiqse ma Tatiwe makki na ngarai tiitangto.

2 HOKHVMX 24:4

Kiimaq akhek pinthum ka apaiq raq mungmaiqse setu sepii pahea tsat baiq wantaq kriikha na riito. Tatiwe raq Manase mra ka diikuq lot mak she riito.

DUNGWVNC 22:1

“Maiq weshi ra raq, minsaü kaü lo, riimakla sku kaü lo huk raüla, kra ataa riiphaqtlaq riimakla angam ka asha riiphaq raüla, apaiq raq minsaü kaü shi kra tham ka minsaü kaü biingi maq thamke ratlo. Kiimaq sku kaüshi kra tham ka sku kaüblai maq thamke ratlo.

DUNGWVNC 22:2

Apaiq raq jamlai wa huktaq kriika apaiq raq thamke raa dongdii. Kiimaq apaiq jaq na thiitham ke chang jam min ahü she raüla, apaiq ka di ma sha raüta apaiq raq huktaq kha kra thamke chang she miraq. Kiimahali apaiq raq ahuk ho minsaü kaü lo, riimakla kumtoq kaü lo, riimakla sku kaü lo ka ajaq na atra asi hum raüla, apaiq raq kaüshi huktaq kriika kaünai maq thamke chang she. “Kiimaq ahukwe ka rawa na maiqjam na ahuk jawa awa kiiwa lapho raüta tsatbaiq raüla, kra ahukwe tseatiwe kriika matwe riimak. Shatmaq kra ahuk ja ka ranaiq na adong wiila tsat raüla, apaiq ka matwe ma mija.

ISAIA 57:5

Namshiq raq namshiq asii pero mong na ngalanta jechakre rai kiicham lam maq ase tiidongketi sumla phra thun kra shomnoq tlan. Kiimaq namshiq raq namsetiim ka jüseraikii na longsha bok thun kiijaq honglu na takuqtlan.

ISAIA 59:3

Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

ISAIA 59:7

Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 2:33

Ija namshiq raq namkongtiwetiim jaijo sea kla atsin wiq han dea na. Jechak nyungre shambi liiti nyungre riimin, namshiq raq jamlai wa tiichhikuq tlan, kriika mishrin wan kata.

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 7:31

Tsangshiq raq Hinnom thung na Topheth nguta berong-wacha ashi tei wanto. Kriika kiijaq tsangsetiim raq maiqwe sere nai jechaksere ka honglu na takuq wan raüta wa na chaq miitu shongto. Ngi raq tsangshiq ma akha thatsang wan ronglaq nguta chongkuq mangdea. Arka i khutsai niimin tiido wan mak dongdii.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 4:14

Mungtubi ka makhü jaqhü ikha, bangram biimra chela lam na tiijaidali, tsangshiq han na jurmin thanki kham mak. Chiihea wea lam thun na mangmii raitlo.

EJEKIEL 20:31

Ümchaü ranaiq niitaq saüli, namshiq raq kra thun kongphiq thun ka kuqtlan kiimaq kra sumla phra thun ma namsetiim ka honglu na takuq lanta wa na chaqtlan lanta namkhum thun kra tiisheshi baiqtlan. Kra riilanta nangnga, namshiq Israilnok ka iphana wa lanta, Ngi raq jamlai wa rotiikang kra saphai jaq nguta bom tiiwai watlan nya! Tengteng. Ngi Tati Rakaü Hiqwe ka atra Shiikeawe, Ngi raq namshiq ma bom ka poshi min tiiwai mang she.

EJEKIEL 22:25

Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.

EJEKIEL 23:45

Kechu maiqsetiim raq tsangnai ka awese sishat taü maq maiqrai sethoq jakai khana kiimaq maiq tseabaiq mat kha na mitiishut baiq. Jamkhano ngukla tsangnai sethoq ngarai klo wanto kiimaq tsangnai jaq ka maiqtsat raüta tiijai maq anyat shiiroro.”

EJEKIEL 24:7

Kra chela na maiq tsatto, shatmaq kra maiq tiijai ka hiq na botkhulai raq pang wan li chang ka riimak, kra tiijai ka longkaü raikhü siirairai tha na raüto.

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.