JEREMIA 13:10 - ASII LAKDAP Bible (BSI)

¹⁰ Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.

Hawa Naga Bible 2001

¹⁰ Kvruex layx bac jix miqsaz kuex ngvy kvjaz tay phvnc tvkoc tvdux gay tueq. Tsuingshiq kuex kungkhux wawc hez ikhoc khux tvtsanz vtueq honc bac ningkhvnc nuex, vganc tishox htenc muex nawk palx kuy nuiyc shuimx lvmz kuq yaq. Tsuingshiq kuex vhvlx raungluingx muinz vguez thvmx kaz tueq kheyop ikhoc dvyx shex yaungx kaz.

JEREMIA 13:10 Referencias Cruzadas

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

ISAIA 3:24

Homseng ka tsangkhum na nyat rii na, tsangshiq khum ka tsangbi namtoktok she miraq. Tsangchhü na tsomhea nintata shinket parii na, thoila raütam ikha ala atsa klishe shinket ma mipa. Tsangshiq khu ka tsomhea sirii na, tsangkhupo ka kealoklok loktam she miraq. Miirii atsomwiq samrii na, wunthaü riinaü khea sam raütiishe misi. Tsangshiq shamhea kriika jeasi khatamshi horaütli she misi wan!

JEREMIA 11:10

Tsangshiq ka tsangtitiim raq jamlai ngarai wa tang wantaq kriithun lam phan na jangho nongto. Tsangtitiim raq ibomchong ka tai mak tlea wanto. Tsangshiq raq laihin tisho thun noq wanto. Noknai ri Israilnok nai Juda mungti raq, Ngi raq tsangtitiim ma tongshong raütu akhakuq wanha thun kra wiita jinbaiqto.

JEREMIA 11:18

Tatiwe raq ijaqtinok raq ngi tsea miitu tankhantlaq tsütsa ka ngi ma tiitaito.

JEREMIA 13:7

Krai mren, ngi ka kiina jang wankang. Lata ngi raq khea paüthükang kra ba kiijaq wakang. Lata liiwakang. Kriithun ka liikangta khea ka wiita ariimkai kun she, asam chang riimak she.

JEREMIA 16:12

Shatmaq kriithaq niimin namshiq riika namtitiim thaq na thittlaiphok she ashut klo wantlan. Namshiq tarü ka nilan wanshakshak kong kiimaq abi siisaq, kiimaq namshiq raq ibom taiman.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 20:4

Tatiwe apaiq raq nguto, ‘Ngi raq ümniika ümniima nai ümkongtibi ma phiiptsi jiiptsi mitiijabaiqha. Kiimaq ümniiraq tsangshiq ka tsang jaqtinok raq nepja maq wiita ajiipbaiq wan kra michhihaü. Ngi raq Juda mungti kunli ka Bebilon mung hokhamwe jaqkhon mong niishe mikuq baiqha. Apaiq raq mungmaiqse wiijam ka munglu shumwi kong ma tsangmung na mitsuq wan. Kiimaq mungmaiqse wiijam ka re raq mijiipbaiq.

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 23:17

Ngi raq achongkuqha ibom chong taimak tleatibi ma, tsangshiq raq jamlai haisong chang ahü, ahea tsangshiq ma jammin rongra mak miraq, nguta tsii shiijon chongkuqtlo. Kiimaq tsangshiq raq nilannok, wanshakshak tsantsii riimtibi thun loweatek ma, tsangshiq ma phiiptsi chang rahiq ka saümak ahea miraq ngutli tiishonbii chongkuqtlo.”

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 44:16

“Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

JEREMIA 44:5

Shatmaq namshiq raq ibom taiman riilan. Kiimaq brorii man riilan. Namshiq raq laihin phra thun ma honglu take ka kra thaq man phan riilan.

JEREMIA 5:23

Shatmaq namshiqtiq shea! Namshiq ka maiqphan riiman; Nilannok wanshakshak. Ikiq khüwa sruli. Namshiq ka iwokhong wa juho lan. Lantea ngi ka miimbaiq thülan.

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

JEREMIA 9:13

Kiijiishe Tatiwe raq treto, “Arthun thenjen wantaq arka isenginok raq ngi raq tsangshiq ma jamlai tri lamphan wa shrinkuq kang kra lang wan mak miimbaiq kha na thento. Tsangshiq raq ibom taimak tlea wanto. Kiimaq ngi raq jamlai jaqsham ronglaq ngutiiwa chongkang kra sham wan mak riito.

JEREMIA 9:14

Kra langwan la na, tsangshiq tsantsii ka wanshakshak siwanto. Raüta tsangwetiim raq ashrinkuq thü Baal phra sumla thun kli shomnoq wanto.

WEAWEA 14:11

Kiijiishe Tatiwe raq Mosheq ma nguto, “Arnok raq Ngi ka ümtincho na saüli wa mishishe baiq wan? Tsangshiq raq Ngi ma kamtsan tsii thümak maq ümtincho na saüli wa milan phan wan? Ngi raq tsangshiq liipan na ümtinkhan wa awang chang jaqsham kuq wan kang jumin kammak ka jaro?

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!